3 wega kandela di playoff Amstel Bright Premier Cup awenochi na Van Engelen Ballpark
WILLEMSTAD- Awe djabièrne 17 di mart tin 3 wega play-off pa 7.15 Omni vs Keyfin, 8.45 Brandweer vs Selikor, 10.15 EWT – VKC. Djasabra 18 di mart tin masha hopi wega mes den e 6 kategoríanan i djadumingu gran final di Amstel Bright Premier Cup na Van Engelen Ballpark. Tantu djasabra komo djadumingu tin animashon musikal bibu. Djasabra tin Urvin Jano i su Sweet Things Band.
Djadumingu ta mini Gio ku Gibi Doran, Clack ‘Yuyu’ Zalm, Cuco Bregita i Rasta Lè. DJ Raynys Faries durante henter wikènt pa animá esnan presente. Djasabra den oranan di mainta tin dos wega kandela di semi-final den Liga 50. Pa 9.30’or am Pitufos vs Ban Serio i despues Jaws kontra Marlins pa 11’or am. Segidamente lo tin dos wega di semi-final di kategoría Modified, Swift vs Sugar/Bucaneros i Dream Team kontra Cicoza.
Liga Deseo di Streanan di Ayera a sigi ku dos wega
WILLEMSTAD - Djadumingu 12 mart Liga Deseo Streanan di Ayera su kampionato a kontinuá ku dos wega. Pa 3’or pm e tim di Tur Goso a hunga kontra di Unidos i Tur Goso a gana relatívamente fásil di Unidos ku 8 kareda pa 0. Pa Tur Goso 8 kareda, 10 hit i 3 eror i pa Unidos 0 kareda, apénas 2 hit i nan a kometé un total di 7 eror ku ta muchu pa un wega. Mihó bate pa Tur Goso a resultá Sonna Valies 2-2, Joyceline Arnhem 1-1. Picher ganadó a resultá Murielle de Jongh. Pa Unidos Morela Osepa i Muriel Simmons ta e dos nan ku a konektá di hit kada unu den 2 turno (2-1). Picher pèrdèdó tabata Churmelyn Eduarda.
Den e di dos wega ku a bai entre Golden Girls i Treasure Pluss, e tim di Treasure a gana di Golden Girls. Pa Treasure 7 kareda, 10 hit i 3 eror. Mihó batiadó a resultá Junille D’Arnault ku a konektá 2 hit den 3 turno (3-2). Picher ganadó tabata Minerva Maduro. Pa Golden Girls 3 kareda, 3 hit i 4 eror. Mihó batiadónan a resultá Olinda Laurensia, Gisella Gracia i Jenny Sambo. Tur a konektá 1 hit den 2 turno (2-1). Picher pèrdèdó a resultá Candida Gregorius.
Kampionato lo kontinuá djadumingu 19 mart. Pa 3’or di atardi nos lo haña Treasure Pluss v/s Eureka I pa 4:30 Golden Girls v/s Tur Goso
Den e torneo di Pony League U6 nos ta haña 4 wega.
09:00. Monte Carmelo 1 – Montaña Ariba;
10:15 Monte Carmelo 2 – Elite;
11:30 Sta. Rosa – Van Engelen;
12:45 St. Michel – Montaña Abou.
Fanátikonan ta keda kordialmente invitá pa bin disfrutá di weganan di Beisbòl i Sòftbòl.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bonochi i felis wikènt. Fin di siman final di Amstel Bright Premier Cup. Fin di siman kandela tambe pa loke ta trata e kuart final di World Baseball Classic na Miami. Djarason ekipo Cuba a gana di Australia 4 pa 3 i sigi pa e semi-final. Djaweps Hapon a dal Italia ku skor di 9 pa 3, pa Hapon tambe yega semi-final. 20 ekipo a start den e World Baseball Classic i despues ta sigi 8 ekipo, 4 ekipo i segidamente final. Semi-finalnan dianan 19 i 20 di mart den Loan Deport Park aya na Miami. Fanátikonan aki na Kòrsou ta sigi e weganan djaserka.
* * * * *
Play-off di Amstel Bright Premier Cup ta start awenochi na Van Engelen Ballpark. Ayera wega pa 7.15 pm Banco di Caribe 9, CITCO 8, sigi pa 8.45 SBAB (1) 8 -Renaissance 7 I SBAB (2),8 - MCB 4. Awe djabièrne 17 di mart ta pa 7.15 Omni vs Keyfin, 8.45 Brandweer vs Selikor, 10.15 EWT – VKC. Djasabra tin un gran kantidat di weganan di play-off den e 6 kategoríanan i djadumingu ta final. Djadumingu riba tereno B tin final COED Open pa 12.30 i despues pa 14.15 final den Soshal Open. Djadumingu riba tereno A tin e gran final di Liga 50 pa 12.30, despues ta sigi 14.15 final di Modified, 17.00 ta Final Soshal Corporate i despues pa 19.00 final COED.
* * * * *
Fecha pa start Beisbòl Veterano no ta konosí, no tin direktiva pero moveshonan ta sigi pa loke ta trata kambio entre ekiponan. Ray Soerka super estelar picher i un dje grandinan di Azucar a move pa Otrabanda Veterano huntu ku Gregory ‘Sury’ Mathilda. Dos hungadó klave di ekipo Azucar ku a terminá na di 8 lugá den 12 ekipo. Temporada 2022 Azucar a terminá ku rekòrt di 8 ganá i 13 pèrdí, pero luchando te na último, debí ku ta 6 ekipo ta klasifiká. Azucar no a logra gana su último 4 weganan di e temporada regular di 2022. Ray Soerka i Suri Mathilda ta bèk ku Otrabanda debí ku den pasado nan hunga den ekipo Otrabanda. Suri Mathilda, bon picher i batiadó ta hunga den Otrabanda 50+ tambe i probablemente Soerka lo yuda den 50+ tambe. Otrabanda ta un ekipo ku ta biaha tur aña. Asta den pandemia e ekipo a move pa eksterior.
* * * * *
Azucar, ekipo di hopi trayektoria den Beisbòl, ta organisá un torneo warm-up den luna di aprel. Den wikènt aki ekiponan di Beisbòl Veterano lo risibí invitashon pa partisipá na e torneo. Azucar un tempu a hunga 3 aña den Beisbòl Dòbel A. Yesterday ku tabata hunga komo Athletics den Klase A tambe a subi Beisbòl Dòbel A un tempu i hunga solamente un aña den e divishon máksimo. Azucar tin 48 aña di eksistensia i na 2016 a organisá un torneo warm-up di Beisbòl Veterano na Vi Jansen Ballpark. Bulldogs a bira kampion ganando Azucar den final. Tempu ku Ruisandro Cijntje i Evan Schoop a djòin e ekipo komo general manager i manager.
* * * * *
Preparashonnan ta sigi pa start ku Torneo Hope 2023. E torneo ta start djabièrnè 24 di mart 2023 i ta planiá pa terminá 7 di mei 2023. E kategoríanan den kua lo organisá weganan di Sòftbòl lo ta Soshal Maskulino, Femenino i kombiná e asina yamá kategoría Co-Ed, Maskulino Challenger, Soshal Plus na unda te un máksimo di 3 kompania por forma un ekipo, Soshal 40+ Maskulino pa veteranonan i Soshal OPEN pa organisashonnan ku no ta un kompanía. inskripshon pa kada kategoria ta 350,--. Ainda por inskribí via e-mail na: hopecur2022@gmail.com. Pa mas informashon por app na 5613481 i gustosamente lo manda via e-mail Reglanan di “HOPE” 2023” i e formulario di inskripshon. Inskripshon ta sera 18 di Mart 2023.
* * * * *
World Baseball Classic ta sigi interesantísimo. Ekipo Cuba ku a pèrdè nan promé dos weganan, ta bai semi-final, esta den e mihó 4-nan. Cuba a sali pèrdè kontra Hulanda dia 8 di mart ku skor di 4-2 i despues pèrdè kontra Italia 6-3. Despues nan a gana di Panama 13-4, Chinese Taipei 7-1 i gana Australia 4 pa 3, djarason. Nan ta bai drumi warda e ganadó entre Venezuela i USA. Esei ta Beisbòl, esei ta deporte. Sigi lucha te último i ora ta hunga den torneo manera te kaso den Little League regional i otro torneonan, mester antisipá, analisá komo tim di maneho. Mi no sa ku tabatin skout den e selekshon di Hulanda manera tabata e kaso ku e selekshon di Kórsou na Venezuela durante Serie del Caribe. Awe ta Puerto Rico vs Meksiko 7’or pm. Mayan djasabra 18 di mart ta USA kontra Venezuela, dos wega kandela di kuart final WBC. Nos ta keda te aki pa awe.
