Ban Serio ta zona Jaws 23 pa 6 den Liga 50 i Nos Tambe Por ta gana Pitufos 5 pa 2 den Liga 60
WILLEMSTAD- Ban Serio sólido na di dos lugá tras di Baranka den Liga 50 a dal Jaws duru ku skor di 23 pa 6 djasabra último. Ban Serio a dal 4 homerun i ku bon picheo di Miro Daal a pasa fásil riba Jaws ku ta na di 3 lugá. Den otro wega Marlins a dal Sluggers fásil pa nòkout 18-3. Lions a gana Artemisia 13-10. Baranka number 1 den Liga 50 a derotá Pitufos 15-5. Mayoria ekipo falta unu pa dos wega pa terminá e buelta regular. Ekiponan Baranka, Ban Serio, Jaws i Marlins ya a klasifiká pa play-off.
![](https://uploads-ssl.webflow.com/5d34a02fd1cb7f04ec361a56/631c9608341fb52b8e7fbd19_bam%20bam%20tech%20general.jpg)
![](https://uploads-ssl.webflow.com/5d34a02fd1cb7f04ec361a56/650511b3a148878dfed363a8_369451188_4289269674632182_5021778375991165313_n.jpg)
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
RESULTADONAN
Djasabra 9 di sèptèmber
Ban Serio 23, Jaws 6
Ban Serio tabatin 20 hit ku 1 eror. Miro Daal a gana. Renato Anasagasti, Miro Daal ku Arlison Ridriguez, tur a bai di 1-1. Kelvin Winklaar i Charlton van Thijs, ámbos a bai di 2-1. Albert Pieternella a bai di 2-2, Luigi Yanez, Reinaldo Casimiri ku Ludwig Pietersz, tur a bai di 3-2. Jair Josepha i Geronimo Daflaar, ámbos di 3-3. Geronimo Daflaar ku Charlton van Thijs a konektá 1 homerun i Jair Josepha a konektá 2 homerun. Jaws a dal 6 hit i nan a hasi 4 eror. Carlos Madera a pèrdè. Deron Clara, Victor Caldera, Fernando Rosario i Manuel Rekondie, tur a bai di 2-1. Leslie Fer a bai di 2-2.
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/650511dda148878dfed38818_Marlins%20den%20dugout%202.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
Marlins 18, Sluggers 3
Marlins a dal 18 hit i nan a hunga sin eror. Gilbert Henrietta tabata ganadó i Amarildo Coffie a bai di 2-1.
Eddie Obispo a bai di 3-2, Mairon Martinus i Roderick Postina a bai di 4-2. Irving Sambo, Gregory Zimmerman i Bryan Esclodina a bai di 3-3. Irving Sambo a konektá 1 homerun. Sluggers tabatin 6 hit ku 3 eror. Robert Selberie a resultá pèrdèdó. Gladwin Lacruz, Conrad Maduro ku Wendell Isidora, tur a bai di 1-1. Norman Sloop, Junny Wawoe i Raymond Lieuw, tur di 2-1.
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
![](https://uploads-ssl.webflow.com/5d34a02fd1cb7f04ec361a56/649730255eac467136ccb408_baranka%2050%2B%20na%20airport.jpg)
![](https://uploads-ssl.webflow.com/5d34a02fd1cb7f04ec361a56/64550e3f121163705e0e2e7d_around%20the%20clock%20logo.png)
Baranka 15, Pitufos 5
Baranka tabatin 16 hit ku 1 eror. Curtly Valeriaan a bai ku e viktoria. Dennis D’Arnault ku Edmar Cornelia, ámbos a bai di 2-1. Myron Wijman, Dennis Dambruck i Grensly La Croes, tur a bai di 3-2. Sedeney Lourens ku Shendi Cras, ámbos di 3-3. Myron Wijman, Grensly La Croes i Sedeney Lourens, tur a konektá 1 homerun. Shendy Cras a konektá un homerun (grand slam). Pa Pitufos 10 hit ku 1 eror. Johan Cicilia a karga ku e derota. Johan Cicilia a bai di 2-1, Jurwin Duggan di 3-2 i Sharlon Louisa di 3-3.
![](https://uploads-ssl.webflow.com/5d34a02fd1cb7f04ec361a56/61f1502867942cd53d748588_vanddis%20aviso%20real.jpg)
![](https://uploads-ssl.webflow.com/5d34a02fd1cb7f04ec361a56/5f681172b527de982d2c831c_stanley%20palm%20real%20200920.jpg)
Lions 13, Artemisia 10
Lions a dal 12 hit i nan a kometé 4 eror. Glenn Pieternella a gana. Edwin Thielman, Ronchel Daal, Geralthon Martha i Eugene de Palm, tur a bai di 2-1. Cedric Curiel a bai di 3-2 i Sendy Marceli di 3-3.
Fabiani Orcadio a bai di 3-1 konektando 1 homerun. Artemisia tabatin 9 hit ku 5 eror. Claifson Domacasse a pèrdè. Frensel Martina a bai di 1-1, Denley Marten ku Charles Daal, ámbos a bai di 2-1 i Elvis Balentina a bai di 3-2.
Nos Tambe Por ta gana Pitufos 5 pa 2 den Liga 60
WILLEMSTAD- Liga 60 a sigi djadumingu 10 di sèptèmber ku 3 wega na Frank Curel Ballpark. Ekipo Nos Tambe Por sòlido na promé lugá a gana di Pitufos ku skor di 5 pa 2. Nos Tambe Por su rèkòrt a bira 6-1. Den otro wega ekipo Lions a dal Jaws ku skor di 10-7 i Los Amigos a derotá Curacao Super Stars 6-2. Standing despues di e weganan di djadumingu ta: Nos Tambe Por 6-1, Jaws 5-3, Pitufos 5-3, Los Amigos 4-4, Lions 3-4, Nos Power 3-3, Sluggers 2-5 i Curacao Super Stars 0-7.
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
![](https://uploads-ssl.webflow.com/5d34a02fd1cb7f04ec361a56/64cd02e239f4636b5ad1e9ab_Nos%20Tambe%20Por%202.5.jpg)
![](https://uploads-ssl.webflow.com/5d34a02fd1cb7f04ec361a56/640b3d5e3c13562911b3127e_IMG-20230309-WA0028.jpg)
RESULTADONAN
Los Amigos 6, Curacao Super Stars 2
Los Amigos tabatin 4 hit ku 2 eror. Raymond Zieck a gana. Luthson Bito a bai di 1-1, Howard Rojer di 2-1 i Elson Louisa a bai di 3-2. Curacao Super Stars a dal 5 hit i nan a hasi 4 eror. Lionel Li a perdè i Kenneth Casper a bai di 1-1. Ivan Ignacio, Jin Kuang Li, Albert De La Chiquez i Ellis Brunken, tur a bai di 2-1.
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/644406fb3896b51b1fe32f43_Los%20Amigos%20kampion%20chiki.jpg)
![](https://uploads-ssl.webflow.com/5d34a02fd1cb7f04ec361a56/630b7004a3e23b25df62bc71_shurby%20maria%20aviso%20.jpg)
Lions 10, Jaws 7
Lions a dal 12 hit i kometé 1 eror. Ramon Moreta tabata ganadó. Marlon Louisa i Arie Den Hartog, ámbos di 1-1, Ramon Moreta i Hector Izquierdo di 2-1 ámbos, Manuel Valdez di 2-2, Sherwin Floranus di 3-2 i Heinrich Wever a bai di 3-3. Jaws tabatin 10 hit ku 1 eror. Riley Toppenberg a resultá pèrdèdó i Johannes Curie di 1-1. Raimy Pastor ku Rudsel Schmidt, ámbos di 2-1. Tyrone De Palm i Fitszgerald Pieter a bai di 2-2 ámbos i Desmond Brathwaith a bai di 3-2. Raimy Pastor ku Tyrone De Palm, ámbos a konektá 1 homerun.
![](https://uploads-ssl.webflow.com/5d34a02fd1cb7f04ec361a56/64985358bd2694e6556c503c_Floranus%20kontratista.jpg)
![](https://uploads-ssl.webflow.com/5d34a02fd1cb7f04ec361a56/65051287c94f7d11a6db2e79_IMG-20230417-WA0056.jpg)
![](https://uploads-ssl.webflow.com/5d34a02fd1cb7f04ec361a56/5f4aabc44bc82707c2a0d5ed_fayad%20aviso%20aviso%20real.jpg)
Nos Tambe Por 5, Pitufos 2
Nos Tambe Por a dal 8 hit i kometé 1 eror. Siegfried Lopez a bai ku e viktoria. Winston Kirindongo, Percey Schoop, Emile Haswell, Rudsel Baromeo ku Jeromin William, tur a bai di 2-1 i Jurgen Lichtenberg a bai di 3-2. Winston Kirindongo a konektá 1 homerun. Pitufos tabatin 9 hit i nan a hunga sin eror. Raymond Faries a karga ku e derota. Frances Petronielia ku Tyron Pitt, ámbos di 1-1. Amarildo Coffie ku Rubio Kook, tur 2 a bai di 2-1. Cedric Curial a bai di 2-2 i Felip Osepa di 3-2.
![](https://uploads-ssl.webflow.com/5d34a02fd1cb7f04ec361a56/5f0b4b2983851699216f754b_geyo%20aviso%20real%20real%20pa%20wepsait.jpg)
![](https://uploads-ssl.webflow.com/5d34a02fd1cb7f04ec361a56/62f8f652fd7b993ffa492331_Pititofos%2060%202.66.jpg)
![](https://uploads-ssl.webflow.com/5d34a02fd1cb7f04ec361a56/64026dc83a5ae67f19e3b4b8_IMG-20230302-WA0050.jpg)
MAS INFORMASHON DI SÒFTBÒL I BEISBÒL
Fanátikonan di Deporte Korsou bonnochi i felis wikènt. Pabien na hungadó, dirigentenan tékniko i administrativo di ekipo Royal Scorpions ku nan título kampion. Ta di 19 biaha ku Royal Scorpions ta bira kampion kontando for di 1965 ku tin e kampionnan registrá. Royal Scorpions a gana e último wega ku skor di 7 pa 5 i swip e seri final for di Santa Rosa Indians den 4 wega stret. Na 2016 nos tabatin e último swip den final di Beisbòl Dòbel A na momentu ku Wild Cats a swip Santa Maria. Weganan tabata 15-9, 17-3, 2-0 i 11-2. Rojean Cleofa tabata MVP.
![](https://uploads-ssl.webflow.com/5d34a02fd1cb7f04ec361a56/5f09b0503967fc5b87435fac_top%20prof%20cleaining%20logo%201.jpg)
![](https://uploads-ssl.webflow.com/5d34a02fd1cb7f04ec361a56/6505136a25ec0563bd24227c_376044916_805108681401024_4395126898387124738_n.jpg)
![](https://uploads-ssl.webflow.com/5d34a02fd1cb7f04ec361a56/64a992e4baf5ea96e9c7c31d_ramiro%20baoentina%20rab%20070723%20a%20(1)%20copy.jpg)
* * * * *
Royal Scorpions tabatin un aña espektakular ganando den Klase A tambe. Den Hubenil tabata ekipo Marchena Braves ku a bira kampion i Royal Scorpions supkampion. Royal Scorpions a gana e weganan di final den sigiente forma. 12 pa 4 djaweps 7 di sèptèmber, 13 pa 8 djasabra 9 di sèptèmber, 15 pa 8 djadumingu 10 di sèptèmber i 7 pa 5 djarason 13 di sèptèmber. Tabata e úniko wega ku Royal Scorpions no a bula 10 kareda den final. Nos tin hopi sifra pa loke ta trata e final di Beisbòl ku a terminá djarason último.
![](https://uploads-ssl.webflow.com/5d34a02fd1cb7f04ec361a56/64a84e5a1573bd91f5372cc4_ramiro%20balentina%20rab%20070723%20b.jpg)
![](https://uploads-ssl.webflow.com/5d34a02fd1cb7f04ec361a56/6505138928fdd5501fadda6f_379407019_6692468547496303_1964873713060552906_n.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
* * * * *
Edinho Meyer ku a sali MVP di e final tabata lider den bateo ku un average di .533, produkto di 8 hit den 15 turno. Edinho a dal 2 homerun den final, tur dos homerun tabata klave pa Royal Scorpions. Den wega number 1 i 3 Edinho Meyer a bati homerun i empuhá 4 kareda. Di dos batiadó ku a bati bon den final ta Roderick Bernadina ku a bati .438. Roderick a dal tres homerun den final i empuhá 10 kareda. Roderick a dal homerun den wega 2, 3 i 4. Roderick tabata player of the game den wega number 4. Royal Scorpions a nota 47 kareda den final i ekipo Santa Rosa 25. Diferensia basta grandi den e swip ku a tuma lugá.
![](https://uploads-ssl.webflow.com/5d34a02fd1cb7f04ec361a56/634f17194c46bf4074879a7c_around%20the%20cloack%20juice%20chiki.jpg)
![](https://uploads-ssl.webflow.com/5d34a02fd1cb7f04ec361a56/650513b3c5b543a1ec880ac6_376256254_805963764648849_1868360768831521887_n.jpg)
![](https://uploads-ssl.webflow.com/5d34a02fd1cb7f04ec361a56/5f29e5e014ff3eaae4b52abd_earl%20aviso%20real%20pa%20wepsait%20040820.jpg)
* * * * *
Roderick Bernadina a empuhá 10 kareda, sigí pa Sherman Lacrus ku a empuhá 6 empatá ku Raywendley van Gurp ku tambe tabatin 6. Den picheo Elchero Francisca i Myson Cathalina tabata 0.00. Royal Scorpions a dominá den ERA i den ponche tirá. Temesh Lourens ta lider ku 6 ponche sigi pa Cerilio Soleana ku 5, despues ta sigi Gedryon Basilia ku 4. Jordan Lucas tabatin 3 ponche tirá. E tremendo strategia tabata manda Myson Cathalina den wega number 3, kaminda Myson Cathalina a tuma dos kareda sushi den 4.1 inning tumando solamente 4 hit.
![](https://uploads-ssl.webflow.com/5d34a02fd1cb7f04ec361a56/5f42e39f78d43f3c78dfbf73_la%20jemsa%20cafe%20real%20pa%20website.jpg)
![](https://uploads-ssl.webflow.com/5d34a02fd1cb7f04ec361a56/6505140a25ec0563bd248677_347250418_798383134880546_8489545509690679229_n.jpg)
![](https://uploads-ssl.webflow.com/5d34a02fd1cb7f04ec361a56/5f2eb964e28334363c045f34_asars%20aviso%20pa%20wepsait%20080820%20real%20.jpg)
* * * * *
Royal Scorpions a dominá kompletu i tabata un tim super kompletu ku práktikamente dos estrea na tur posishon, un picheo inkreibel bon balansá i un dje mihó kuerpo téknikonan den último añanan den Beisbòl. Manager ta Raymond ‘Mompi’ van Gurp, Bench coach ta Carlos Pineda, coach di tersera/ batting i all around coach Johnny Balentina, coach na primera tabata Djuric Pietersz i pitching coach ta Lo Celestina. Jordan Quan tabata coach di tersera, pero komo skout/agente e mester a move pa eksterior. Djuric Pietersz ta bini komo coach di primera, debí ku Rodney Michel ta den eksterior. Un kuerpo tékniko a La Grandes Ligas. Esei ta hopi klave den éksito. Komo manager bo mester tin sostén pa kòrda riba e kambionan, e situashonnan i posibel moveshonnan. Di mes ta bo komo manager tin e último desishon. Royal Scorpions a selebrá en grande na e resort na Wiriweg despues ku nan a bira kampion, ke mèn den teritorio di Santa Rosa.
![](https://uploads-ssl.webflow.com/5d34a02fd1cb7f04ec361a56/630b7004a3e23b25df62bc71_shurby%20maria%20aviso%20.jpg)
![](https://uploads-ssl.webflow.com/5d34a02fd1cb7f04ec361a56/65051443cfcdb58e9752f9d3_376285751_805963864648839_3394790048753739657_n.jpg)
![](https://uploads-ssl.webflow.com/5d34a02fd1cb7f04ec361a56/5f29dfab151b3f4455168eba_gai%20lihe%20aviso%20real%20pa%20webiste.jpg)
* * * * *
Ban rápido pa Slowpitch rumbo pa wikènt kargá ku weganan. Den 50+ djasabra pa 10.00 Flamboyan -Jaws, 12.00 Marlins – Artemisia, 14.00 Lions – Pitufos i 16.00 Catpower – Ban Serio. Baranka tin barwacht i Sluggers ta liber. E 4 ekiponan ku a klasifiká ta konosí kaba i ken lo topa ken den play-off. Baranka lo topa ku Marlins i Ban Serio lo topa ku Jaws. Den Beisbòl Veterano djasabra 3.30 ta kandela grandi tin ora ku Santa Maria Pirates topa ku Quality Stars. Skèdjel kompletu ta djasabra 10.30 Marlins – Otrabanda, 13.00 Jandoret – Vosama. Djadumingu 10.30 Santa Rosa – The Brothers , 13.00 Marchena Stars – Yesterday, 15.30 Azucar – Isla Crackers. Den Liga 50 e wikènt aki Jandoret Raiders lo topa ku Otrabanda. Nos ta keda te aki pa awe.
![](https://uploads-ssl.webflow.com/5d34a02fd1cb7f04ec361a56/6372bb5e38a6b62115414858_Santa%20maria%20sup%20kampion%20.jpg)