Baranka a dal Crazy Tigers 13-12 den Liga 40
WILLEMSTAD- Baranka un tempu super kampion den Liga 40 a dal Crazy Tigers 13-12 djaweps último den Liga 40. Un wega bon bringá tur dos banda entre e dos grandinan di Liga 40. Baranka ku ta a la karga bèk den Liga 40 i Liga 50, a nota un kareda importante den nan último chèns i Crazy Trigers a menasá den último inning komo ekipo di kas, pero a keda kòrtiku notando dos kareda. Crazy Tigers a reforsá fuerte den 2021 ku hungadónan manera Dave Kirindongo i Julius Veeris.
RESULTADO
Baranka 13, Crazy Tigers 12
Baranka tabatin 16 hit ku 1 eror. Glendomar Davelaar a gana i e mes a bai di 3-3. Kelvin Winklaar a bai di 4-3. Dwight Alexander a bai di 3-2 ku Charlie Merite a bai di 3-2. E. Gosepa a bai di 1-1 i E. Estanista a bai di 2-1. Erling Gosepa a konektá 1 homerun. Pa Crazy Tigers 12 hit sin eror. J. Obispa a pèrdè. Julius Veeris a bai di 4-3, Dave Janga a bai di 3-2, Stanford Landburg di 2-2, Dave Kirindongo di 2-1 i Roque Zimmerman di 4-2.
Swift ta blackout Jaws 20 pa 1 den Liga 40
Swif a dal Jaws durisimo djamars 31 di ougsuts den Liga 40 na Van Engelen Ballpark. Swift a nota 5 kareda den promé inning, 4 den di dos inning i 11 kareda den di 3 inning pa pone e wega riba blackout. Ian Igacio a sigi brabu na bate bayente 2-2 ku 1 homerun i 4 RBI. Swift tin rekòrt di 5-2 (.714) ku mas wega ganá, sigi pa Crazy Tigers ku tin rekòrt di 4-1 (.800) te ku djaweps último. Ku e derota vs Baranka, Crazy Tigers a bai na di dos lugá ku 4-2.
NUMERITONAN
Swift a skor na 20 okashon, bati 14 hit i hasi 1 eror. Rolando Castro a gana i Ian Ignacio a bati di 2-2 ku un homerun. Rolando Castro i Wilkin Lockhart tambe a bati di 2-2. Jaws a skor 1 kareda, bati 3 hit i hasi 4 eror. Geralthon Martha tabata e picher pèrdèdó i Giovanni Maduro a bati di 2-2.
