Baranka a risibí unifòrm nobo pa Classico 40+ ABC
WILLEMSTAD- Baranka a risibí unifòrm nobo pa partisipá na Classico ABC 40+ ku lo tuma lugá na Aruba di djabièrnè 28 di aprel pa djaluna 1 di mei. E entrega di unifòrm a tuma lugá na Convenience Store Around The Clock na Rio Canairo. Kenny Hellement, manager di e ekipo, a tuma e unifòrmnan serka Ramiro Balentina representante di Around The Clock. Baranka lo partisipá na Classico ABC 40+ manera ya a bira un tradishon. Ta promé biaha despues di 2019 ku tin Classico ABC 40+. Na 2019 Baranka a bira kampion ganando di Quisquella di Aruba. E delegashon a biaha ayera Dia di Rei pa Aruba. Eksito pa Baranka ku huntu ku Gamers lo representá Korsou na Aruba.
Play-off di Torneo Hope ta sigi awe na Van Engelen Ballpark
WILLEMSTAD- Weganan di Torneo Hope a sigi djarason, djaweps, djabièrnè i djasabra na Van Engelen Ballpark. A start ku play-off ta start den vários kategoría. Desishon a kai den 40+ kaminda ekipo SDKK/MEO a pèrdè ku skor grandi, 14-0 kontra CRU den kategoría 40+. SDKK a keda eliminá. Wikènt aki ta kandela i pa fin di siman 6 i 7 lo ta semi-final i final den varios kategoría. Nos tin resultado di e weganan di wikènt pasá i algun wega mas ku a tuma lugá último dianan.
RESULTADONAN PLAYOFF
Fridays 6, Blacksox 5
The New Radiator 13, Bala Brothers 12
Fireboys 16, Chonchie's 6
Fridays 11, Fireboys 6
Quick'60 18, LIbu Stars 10
MCB 6, ADC/Brandweer 6 (Femenino)
EWT/Mac DOnalds 6, Onderwijs 3 (COED)
Djabièrnè 21 di aprel
CRU 14, Vermaas 5 (SMB);
SBAB 6, MCB 1 (SFB);
Corendon 18, ACU/SDKK/MEO 9 (SMPA).
Djasabra 22 di aprel
Vèlt A
CRU 11, MCB 6 (M 40+);
CRU 11, APC 1 (SMB);
Aqualectra 10, Curoil 6 (SMB);
Ernst & Young 13, Kustwacht 11 (SMC);
Brandweer 15, OMNI 9 (SME);
FLOW 10, ACU/SDKK/MEO 9(SM 40+);
Corendon/GGZ/HICCC 11, KPC1/Securitas/Pol/Gar. 3 (SMPA);
Corendon/Licores Maduro 9, Onderwijs/XACS 6 (COED B);
Marine Kazerne Suffisant 12, Selikor 2 (SME).
Djasabra 22 di aprel
Vèlt B
Blacksox 27, Bòmbòshi 11 (SMOB);
SOAB 15, Centrale Bank 2 (COED D);
KeyFin/Pinn. 10, Belastingdienst Ministerie ... 9 (COED C);
Guardian Group Fatum/JE JE 6, Douane/CAP 5 (SMPE);
ADC 14, Guardian Group Fatum/JE JE 8 (COED A);
BDC/ENNIA 15, CMC 3 (COED C).
Fanátikonan di Deporte Kòrsou, bon tardi. Kon a bai ku Dia di Rei i sobra wikènt. Hopi moveshon rònt Kòrsou i nos a sigi weganan di play-off di Little League i tambe Torneo Hope na Van Engelen Ballpark. Ekipo Baranka a sali pa Aruba pa kompetí den e Classico 40+. Djarason anochi tabatin entrega di unifòrm pa hunga e Classico 40 na Convenience Store Around The Clock na Rio Canario. Baranka lo kompetí ku grandinan den 40+ pa loke ta trata Sòftbòl di Aruba i Boneiru. Gamers tambe ta na Aruba pa representá Kòrsou. Pa otro siman nos lo tin resultadonan. Ekipo Baranka a gana mayoría di e Classiconan ABC for di tempu a start ku e kompetensia aki.
* * * * *
Miéntras tantu Torneo Hope a sigi na Van Engelen Ballpark djarason, djaweps i djabièrnè. Djarason ekipo SBAB femenino a gana di Kooyman /Advent/Dreams ku skor di 6-4. EWT a dal Onderwijs ku skor di 7 pa 5 den femenino. Nos ta pendiente pa e resultadonan di djaweps i play-off ku ta start djabièrnè. Kategoríanan ku ta Soshal Maskulino, Soshal Maskulino + i Soshal COED lo start ku play-off for di wikènt aki, debí ku ta masha hopi ekipo tin den e kategoríanan menshoná. Play-off semi-final di 40+ lo tuma lugá otro siman dia 6 di mei.
* * * * *
Kampionato Intermediate a sigi djamars i Pabou a gana ku skor di 9-0. Despues di e wega di djaweps mainta e standing tabata 5-3 ku Pariba dilanti den e weganan. E ekipo ku gana 7 wega lo representá Kòrsou den e kampionato di Intermediate na Antigua di 2 pa 9 di yüli. Manera nos a anunsiá na algun okashon kaba, e kampionato di Senior i Junior regional lo tuma lugá na Kòrsou. Senior ta di 25 di yüni pa 2 di yüli i Junior ta di 16 di yüli pa 23 di yüli na Tio Daou Ballpark, E ekipo ku gana e serie di play-off aki na Kòrsou lo hunga prime time, esta 7’or di anochi. Despues di resultado di djabièrnè, djasabra ta dos wega desisivo tin pa disidi kua ekipo lo klasifiká pa kampionato di Karibe i di Latino America, den kategorianan Little i Minor respektivamente.
* * * * *
Pa loke ta trata Little League, ekipo Pabou a gana dos wega sigí. Djamars Little Pabou a gana di Willemstad ku skor di 16-0. Djarason dilanti un públiko grandísimo despues di e apertura ofishal, ekipo Pabou a gana Pariba ku skor di 5-0 ku picheo tremendísimo di Juan Ramon Ferreras. Un gran picher ku nan ta kompará mas o ménos ku Davey Jay Rijke ku tabata e estelar di Liga Pabou Little aña pasá na Williamsport.
* * * * *
Den Minor Pariba tin dos wega ganá i 0 pèrdí i ta gran faborito pa gana e play-off riba nivel Minor. Djabièrnè Pabou a sorprende Pariba. Ganadó di Minor na Kòrsou lo ta na Puerto Rico (Mayaguez) di 21 pa 30 di yüli. Selekshon Minor Pariba lo bai defendé nan título di 2022 i atrobe ta bou di direkshon di Swindley Lint ku ta un tremendo manager/coach. Ta pone nos kòrda tempu di Elmer Koeiman ku a gana 6 titulo sigí di Minor. Vernon Tripel A tin rekòrt ku 7 título ganá sigi den Little League di 2003 pa 2009.
* * * * *
E aña aki ta Senior na Kòrsou. Boso ta kòrda na 2018, emoshonante mes mes. Selekshon Liga Pariba Senior League a bira kampion di Karibe lagando e ekipo di Puerto Rico den tereno dilanti un públiko grandísimo riba un djasabra den Tio Daou Ballpark. Riba hit di Jevganni Reinita, e koredó ku tabata na segunda Rowentley Windster a nota kareda number 7 pa Kòrsou. Pariba a gana ku skor di 7 pa 6 den di 10 inning. Kòrsou Pariba tabata pèrdí ku skor di 5-1 te den último inning, pero ta nota 4 kareda riba bon bateo pa empatá e skor 5-5. Historia ruman, nos ta keda te aki pa a awe.
