Baranka kontra Jaws den Liga 50 djasabra den Torneo Survivors
WILLEMSTAD – Kampion i supkampion di Liga 50 lo topa ku otro djasabra 12.15’or na Van Engelen Ballpark. Baranka ta kampion di 2022 i Jaws supkampion. Ekipo All Stars 50 bou di direkshon di Roy Jakoba lo debutá kontra di Mon Repos Sluggers. Djasabra tin vários wega di Soshal Maskulino i Soshal Maskulino Speshal. Ekiponan di 60+ lo mira akshon djadumingu den oranan di mainta riba tereno A na Van Engelen Ballpark. Nos tin skèdjel di e weganan di wikènt i mas resultado di weganan di fin di siman pasá.
Djasabra 21 di yanüari
APC/IT 13, Kyfin 3 (SMS)
APC/IT tabatin 14 hit i nan a hunga sin eror. Juan Luis Mauricio a gana. Rafael Leal, Juan Luis Mauricio i Hairich Daantje, tur a bai di 2-1. Urny Floran a bai di 3-2, Julio Carmona di 4-3 i Jordan Quan di 4-4.
Pa Kyfin a dal 7 hit i nan a hasi 5 eror. Kevin Hennep a pèrdè. Reangelo Beaumont, Jonaikel Castro Arias, Kevin Hennep ku Ghizaro Jansen, tur a bai di 2-1. Denley Martis a bai di 3-2.
Baranka 13, Mon Repos Sluggers (Liga 50)
Baranka tabatin 13 hit i nan a kometé 1 eror. Kenrick Hellement tabata ganadó. Franklin Benito, Joseph Everon ku Sherton Chirino, tur a bai di 1-1. Fisel Pereira a bai di 2-1, Remey Janga di 2-2, Jerson Beaumont di 3-2 i Robertico Ramazan a bai di 3-3. Joseph Everon, Fisel Pereira, Dennis D’Arnault i Gregory Reina, tur a konektá 1 homerun i Remey Janga a konektá 2. Mon Repos Sluggers a dal 12 hit i nan a hasi 1 eror. Eduard Janga a resultá pèrdèdó i Robert Selberie a bai di 1-1. Aegidio Juliana ku Humphrey Antonia, ámbos a bai di 2-1. Raymond Lieuw a bai di 2-2 i Wendell v/h Kruys di 3-3.
VKC 12, Renaissance Lions 8 (SM)
VKC a dal 12 hit i nan a kometé 3 eror. Richinel Rafaela a gana i Nathan Leito a bai di 2-2. Quincey Meulens a bai di 2-1. Marlisson Candelaria, Richinel Rafaela ku Kevin Mambre, tur a bai di 3-2. Kevin Mambre a konektá 1 homerun. Pa Renaissance Lions 10 hit ku 6 eror. Shermaine Elvilia a pèrdè i Andre Justiana a bai di 1-1. Erick Castillo ku Diviana de Leeuw, ámbos a bai di 2-1. Eljan Martina a bai di 2-2 i Hilbert Cicilia a bai di 3-2.
Djadumingu 22 di yanüari
Nos Tambe Por 8, Mon Repos Sluggers 2 (Liga 60)
Nos Tambe Por tabatin 11 hit i nan a hunga sin eror. Siegfried Lopez a bai ku e viktoria. Ellery Martina ku Frensel Balentien, ámbos a bai di 1-1. Emile Haswell, Percey Schoop, Jeffrey Martina, Renato Anasagasti, Richard Coffie, Jurgen Lichtenberg ku Oswin Basilio, tur a bai di 2-1. Norwin Moesquit a bai di 3-2. Emile Haswell a konektá 1 homerun. Mon Repos Sluggers a dal 5 hit i nan a hasi 4 eror. Eldred Bakker a karga ku e derota. Raymond Lieuw, Richinel Boeldak, Richinel Baromeo, Franklin Ricardo i Eldred Bakker, tur a bai di 2-1.
MAS INFORMASHON DI SÒFTB0L I BEISBÒL
Fanátikonan di Deporte Kòrsou, bon dia i felis wikènt. Nos ta bai drenta di dos wikènt di Torneo Survivors/The Greatest/Baranka. E wikènt aki ta na Van Engelen Ballpark. Awaseru a kai djarason i ayera den bisendario di Van Engelen Ballpark. Ekiponan tene kontakto ku e organisadónan ku ta The Greatest i kompanía pa wak kiko ta bai pasa djasabra i djadumingu awor. Djaweps den oranan di atardi un palu di awa a kai rònt Kòrsou. Aweseru no a kai djabièrnè i tereno ta den gran forma. Tin algun kambio chiki i no tin wega anochi. Hungadónan di e ekipo Happy Guys lo tei pa Festival di Tumba i wega djasabra 12’or riba vèlt B kontra di Bòmbòshi di Kòrsou.
* * * * *
E ekipo di Kòrsou rumbo pa Serie Del Caribe ta sigi full den preparashon rumbo pa Caracas. Nos a papia brevemente ku presidente di FEBEKO sr. Jedrek Magdalena ku a bisa ta dependé kon bai na Serie Del Caribe ta sigi e otro añanan. Jedrek a bisa ku despues di e partisipashon lo evaluá pa fiha un posishon pa den futuro. Plan ta pa organisá un liga profeshonal aki na Kòrsou pa por partisipá den futuro den Serie del Caribe.
* * * * *
Ayera a hiba sr. Robert Phillip Franciska, tata di e hungadó di Beisbòl Veterano di Jandoret i Slowpitch den ekipo FlamboyanTigers, Robertico Castillo na su último lugá di sosiegu. Jandoret Raiders a kumpli den gran forma. Djaweps nos tabata na entiero di sra.Pietersz, mama di Jachmin i nos a dal den Ryan ‘Jajo’ Hollander ku ta suegro di sra.Pietersz. Ryan ta èks gran tersera base di Jandoret Raiders. Bon defensa, bon brasa i bon poder na bate. Ryan ta subrino di Lipo Elhage i Victor, dos grandi di deporte Beisbòl ku a bai laga nos.
* * * * *
Pa loke ta trata BEVEKO, nada konkretu ainda kiko ta bai pasa riba nivel di direktiva. Un miembro, doño di tim a aserká nos pa puntra kiko ta bai pasa. Direktiva actual enkabesá pa Shendy Cras ta bai baha parse. Mester move tempran pa sea bini ku un direktiva kompletamente nobo òf miembronan nobo pa forma un direktiva. Beisbòl Veterano semper ta start fin di aprel pa komienso di mei. E direktiva aktual a hasi un tremendo trabou i ta bai laga tur kos den gran forma òf den super gran forma atras ku relatonan up to date i tremendo komunikashon ku miembronan pa medio di mail òf den group app.
* * * * *
Ban pa Liga 50. Catpower tin otro maneho den Liga 50 Sòftbòl. E crew di aña pasá enkabesá pa Nonnie de Roon i su spònser Frensel Lard lo hala kita i nan ta agente liber. Nonnie de Roon ta rumbo bèk pa ekipo Ban Serio i Frensel Lard ta trankil i no sa den kua ekipo e lo move den 2023. Frensel Lard despues di hopi aña a bini bèk den Sòftbòl Slowpitch i huntu ku Norman ‘Nonnie’ de Roon a pone kosnan kana den Caterpillar i e ekipo a gana algun wega bon den 2023. Nos ta keda pendiente kiko ta bai pasa den e ekipo Catpower.
* * * * *
Hopi interes mes na Kòrsou i Aruba pa bai Punta Cana den luna di mei 2023. Ekiponan ku sigur ta bai ta Pitufos, Nos Tambe Por i Baranka. Tin algun ekipo mas di Kòrsou pendiente pa move pa e torneo internashonal di Sòftbòl. Vários ekipo di Aruba tambe lo ta aya na Punta Cana (República Dominicana). Ekiponan di Little League di Kòrsou i Aruba tabatin bon eksperensia na Punta Cana den luna di yüli 2022 kaminda ekipo di Kòrsou a bira kampion i despues bira supkampion di Mundu na Williamsport.
* * * * *
Okupashon di Van Engelen Ballpark ta yen for di yanüari te ku mei pa loke ta trata torneonan. Aworaki tin Torneo Survivors, despues ta Amstel Bright Premier Cup i despues Torneo Hope ku ta organisá atrobe pa Van Engelen Ballpark Fundation. Ta den luna di mei liganan manera Amstel, Van Engelen i Liga 40 por terminá nan kampionato di 2022. Nos ta keda te aki pa awe.
