Deportistanan durante Marcha di Seu
WILLEMSTAD- Djaluna 10 di aprel tabatin e gran marcha di Seu 2023 riba e ruta tradishonal di Karnaval. Nos tabata tei kantu di kaya i a saka pòrtrèt di algun deportista ku tabata den marcha.
Baranka a gana Jaws 15 pa 8 den komienso di Liga 50
WILLEMSTAD- Djasabra 8 di aprel kampionato di Liga 50 a start na Stadion Post 6 ku 4 wega. E kampionato ta dediká na Rudy Brunken. Den e promé wega di dia Baranka a gana Jaws ku skor di 15-8. Kenrick ‘Refuse to lose’ Hellement tabata e picher ganadó pa Baranka. Edmar Cornelia a dal dos homerun i Sedeney Lourens a konektá 1. Den e otro weganan Flamboyan a derotá Catpower 12 pa 8, Ban Serio a gana Lions 8 pa 5 i Pitufos a kwe nan promé viktoria ganando di Artimisia ku skor di 12 pa 8.
RESULTADONAN
Baranka 15, Jaws 8
Baranka tabatin 13 hit ku 2 eror. Kenrick Hellement a bai ku e viktoria i Wendell Anthony a bai di 1-1. Emmeric Agatha, Joseph Everon ku Kenrick Hellement, tur a bai di 2-1. Shendy Cras ku Edmar Cornelia, ámbos a bai di 2-2. Fisel Pereira a bai di 3-2. Edmar Cornelia a konektٔá 2 homerun i Sedeney Lourens 1.
Jaws a dal 11 hit i nan a hasi 3 eror. Fernando Rosario a karga ku e derota. Fernando Rosario ku Fransje Lambertina, ámbos di 1-1. Xaviero Avastia, Victor Caldera, Marvin Wijman ku Lesley Fer, tur a bai di 2-1. Manuel Rekondie ku Tyron de Palm, ámbos di 3-2.
Flamboyan 12, Catpower 8
Flamboyan a dal 12 hit i nan a kometé 2 eror. Luis Alcantara tabata ganadó i Nelson Marks a bai di 1-1.
Stanley Palm, Vernon De Lannooi ku David Rodriguez, tur a bai di 2-1. Gerthon Matrona di 2-2 i Richinel Candelaria a bai di 3-2. Egbert Polonius a bai di 3-1 konektando 1 homerun. Pa Catpower 9 hit ku 5 eror. Oscar Brunken a resultá pèrdèdó. Signald Julius Burnet ku Oscar Brunken, ámbos a bai di 1-1. Wendell v/h Kruys, Renato Da Costa Gomez ku Heynold Ipatia, tur a bai di 2-1. Hendrik Gabriel a bai di 3-2.
Ban Serio 8, Lions 5
Ban Serio tabatin 14 hit ku 2 eror. Michelangelo Boekhoudt a gana i Reinaldo Casimiri a bai di 2-1. Rigobert Cijntje, Miro Daal ku Geronimo Daflaar, tur a bai di 3-2. Albert Pieternella a bai di 3-3.
Pa Lions 12 hit sin eror. Edward Janga a pèrdè i Herbert Lucas a bai di 1-1. Nelson Jacoba, Cedric Curiel, Edward Janga i Robert Trinidad, tur a bai di 2-1. Edwin Thielman ku Sandy Marceli, ámbos a bai di 3-2.
Pitufos 12, Artemisia 8
Pitufos a dal 10 hit i nan a kometé 4 eror. Sharlon Hanst tabata ganadó. Terry Rosina, Norwin Moesquit, Hellary Plantijn, Jerwin Duggan, Abigail Vilchez, Omar Valies, ku Irving Conradus, tur a bai di 2-1. Sharlon Hanst a bai di 2-2. Omar Valies a konektá 1 homerun. Artemisia tabatin 12 hit ku 4 eror. Frensel Lard a resultá pèrdèdó. Aldrin Rosenda ku Charles van Thijs, ámbos di 1-1. Cedric Antonia, Giovanni Maduro ku Roderick Martina, tur 3 a bai di 2-1. Charles Daal di 2-2 i Raymond Bakboord a bai di 3-2.
INFORMASHON DI SÒFTBÒL I BEISBÒL
Fanátikonan di Deporte Kòrsou bontardi.. Den wikènt nos tabata djasabra i djadumingu na Van Engelen Ballpark pa sigi weganan di Torneo Hope. Bon ambiente tantu riba djasabra komo djadumingu. Djabièrnè tabata Bièrnè Santu i no tabatin wega i Dos Dia di Pasku tampoko no tabatin wega. Dos Dia di Pasku pueblo di Kòrsou a bai disfrutá di Marcha di Seú. Miéntras tantu kampionato Liga 50 dediká na Rudy Brunken a start. Nos tabatin e CV di Rudy Brunken den edishon di djaweps. Rudy Brunken ta fundadó di Liganan 40, 50 i 60. Sin duda un dje grandinan di liganan veterano di Sòftbòl, ku a pone ku tur hungadó por hunga trankil den nan liga. Anke tin hungadónan di 50+ ainda ta hunga den liga di hóbennan. Ku e hungadó tin 40+ i ta hunga den e hóbennan no ta problema, pero 50+ i 60+ mei mei di e hóbennan ta poko riská. Anke mester bisa ku den torneonan komersial e 50 i tin biaha 60 ta partisipá huntu ku e hóbennan, debí ku ta wega di trabou i e bala ta moli.
* * * * *
Den Liga 50, ekiponan Baranka, Flamboyan, Ban Serio i PItufos a gana di nan kontrinkantenan den e promé djasabra di Liga 50 den 2023. Baranka a gana Jaws ku skor di 15-8. Kenny Refuse to lose’ Hellement tabata e picher ganadó pa Baranka i Edmar Cornelia a dal dos homerun. Flamboyan a gana ekipo Catpower ku skor di 12 pa 8. Luis ‘Baby’ Alcantara tabata e picher ganadó i Egbert Polonius a dal un homerun. Catpower a lucha bon i tabatin hopi kara nobo, entre otro Signald Burnet i Renato Da Costa Gomez. Nato Da Costa Gomez tabatin 3 kareda empuhá pa Catpower. Ban Serio ku alineashon fuerte ku kara nobo manera Eldred ‘Sabalo’ Estanista i Kelvin WInklaar a gana Lions ku skor di 8 pa 5. Michelangelo Boekhoudt tabata e picher ganadó ku relevo di Norman ‘Nonnie’ de Roon. Ban Serio tin dos picher ku den pasado a hunga ku ekipo bèk. Den e último wega di djasabra di Liga 50 den Stadion Post 6, Pitufos a gana di Artemisia ku skor di 12 pa 8.
* * * * *
Varios kara nobo tantu den Artemisia komo ekipo Pitufos. Den Artemisia tabatin Denley Marten, Farley Lard, Percey Schoop, Cedric Antonia, Frensel ‘Fenchi’ Lard ets. Di parti di Pitufos nos a mira nòmber di Hellary Plantijn, Edsel Zinhagel, Abigail Vilchez i Omar Valies. Sharlon Hanst i Janchi Cicilia a kombiná komo picher pa PItufos gana e wega. The Diamond Stars League ta di luto ku fayesimentu di nan miembro Jermyda ‘Baby’ Lake. Baby ta picher di e ekipo Rising Phoenix. Djasabra último den oranan di mainta nos a risibí e notisia tristu ku Jermyda Lake gran picher di Sòftbòl Femenino Veterano, hende di ambiente, gran fanátiko di Sòftbòl a fayesé. Kondolensia na famianan, entre otro rumannan ku ta hopi aktivo den deporte. Primu di Jurgen Faneyt, subrino di Magda Faneyt. Kondolensia i forsa na famia di liganan di Sòftbòl Femenino Veterano i su ekiponan Rising Phoenix i Eureka.
* * * * *
Torneo Hope a sigi djasabra i djadumingu na Van Engelen Ballpark. Algun wega kayente i kargá ku sorpresa. Skèdjel pa e sigiente dos simannan a sali pa loke ta Torneo Hope. E organisadónan den e mail pa dirigentenan di ekiponan a bisa ku si niun wega para, ta kuminsá ku play-off mesora dia 27 di aprel. Si pa kualke motibu tin wega ku a para, ta usa dia 27 pa hunga e weganan aki. E ora ei play-off ta kuminsá diasabra 29 di aprel. Den play-off, no por kambia ni tene kuenta ku otro kompromisonan. Asina ta tene boso dianan liber si boso ta den klasifikashon pa play-off. Hopi kore kore pa drecha i kambia skèdjel debí ku ekiponan ta bisa ku nan no por tal i tal dia.
* * * * *
Miéntras tantu tin moveshon pa organisá kampionato di Beisbòl Veterano. Parse ku Gibi Denisia i su crew lo para na kabes di Beisbòl Veterano. Ta pendiente pa yama ekiponan pa hasi traspaso di e direktiva aktual pa e direktiva nobo. Nos a tende tambe ku Azucar lo bai hasi esfuerso pa organisá e torneo warm-up. Pa loke ta trata Little League, e siman aki RBC Royal Bank lo firma kontrakt ku liganan di Little League. Aki dos siman play-off ta start i lo tin un konferensia di Prensa. Nos ta keda te aki pa awe.
