Fanátikonan di Deporte Kòrsou, bondia. Nos tei atrobe kargá ku informashon di Beisbòl i Sòftbòl. Beisbòl Dòbel A ta moviendo full spit, Klase A i Hubenil tambe ta moviendo. Wild Cats a gana Marchena 10 pa 6 siman pasá den Stadion Johnny Vrutaal. E ekipo Marchena a wanta bon i den di 7 inning e wega tabata empatá na 6 kareda. Despues Wild Cats a nota 4 kareda den bòm di e di 8 inning pa hasi e wega 10-6 pa finalmente gana ku e skor menshoná. Marchena tin algún hungadó ku ta moviendo bon, entre otro e ohochinan Ryson i Rainer Polonius ku ta hunga den kuadro i ta kombiná bon den double play.
* * * * *
Saludo pa Jeandre Pereira do Tanque alias Biggy ku ta bèk den Dòbel A despues di algun aña ousente. Biggy a bati di 3-2 último wega i tin un averahe di .429 den 5 wega hungá. Marchena tin rekòrt di 0 ganá i 6 pèrdí, pero lo kuminsá gana algún wega. Despues di un buelta FEBEKO a saka e standingnan den tur divishon. Wild Cats ta den kabes ku 6 ganá i 0 pèrdí (nan a bira 6-1 despues di a pèrdè djaluna), sigí pa Royal Scorpions ku tin 6-1, Santa Rosa 3-3 (4-3 despues di djaluna), Santa Maria Pirates 3-4, Groot Kwartier 2-4, Firebirds 2-4 i Marchena 0-6. Tin tur indikashon ku e 4 ekiponan di temporada pasá i e último temporadanan lo boble klasifiká. Ekiponan Firebirds, Marchena i Groot Kwartier lo mester wanta un ratu. Mester apuntá ku 5 ekipo lo klasifiká i ekipo number 4 i 5 lo enfrentá otro pa despues e play-off bira 1 vs 4 i 2 vs 3 mihó di 5 i finalmente mihó di 7 den final.
* * * * *
Groot Kwartier Stars ta den gran forma den Klase A invikto (te ku siman pasá) ku rekòrt di 6-0. Santa Rosa Indians tin 5-1, Firebirds 4-1, Suffisant Royal Magic 3-3, The Champs 2-3, Royal Scorpions 2-4, Santa Maria 1-5 i Marchena 0-6. Pa loke ta trata Hubenil Royal Scorpions 6-2, Santa Rosa 5-1, Firebirds 5-2, Wild Cats 5-3, Groot Kwartier Stars 3-4, Marchena Braves 3-4, Santa Maria Pirates 2-5, Suffisant Royal Magic 0-8. The Champs no tin Hubenil den 2021, Wild Cats no tin Klase A den 2021. Beisbòl Dòbel A a sigi djaweps ku wega entre Firebirds i Santa Rosa Indians. Djadumingu ta kandela, Royal Scorpions vs Santa Maria pa 2’or pm i despues pa 6’or pm, Santa Rosa vs Wild Cats.
* * * * *
Ban un ratu den Slowpitch. Ekipo Swift mester a hunga kontra di Jaws djaweps anochi den 40+, despues kandela entre Crazy Tigers i Baranka. Swift ta úniko ekipo ku no a pèrdè den 40+ i nan tin 2 ganá i 0 pèrdٌí. Ekiponan di 40+ di Sòftbòl a bira 5 despues ku 2 ekipo di e temporada anterior a kai afó. Ekiponan Happy Stars i Navegantes a wanta un ratu. Happy Stars a lanta na 2009 i a dura te ku 2019, nèt 10 aña i 4 titulo. Navegantes tabatin basta aña den Liga 40. Den Liga 50 ekipo Ban Serio ta serio ku 4-0 ku vários super star nobo pa temporada 2021. Nan tin Fabiani Orcadio, Sherdon Rombley, Hensley Josephina, Luigi Yanes i ta pendiente pa Johnny Balentina ku ta hasi 50 aña den ougùstùs. Liga 50 di Beisbòl Veterano tambe a start dos siman pasá i lo sigi e siman aki.
