Den Final di Beisbòl Veterano Liga 50
Jandoret Raiders a gana Sigui Hunga i titulá kampion
WILLEMSTAD- Djadumingu 11 di desèmber 2022 tabatin e wega final di Beisbòl Veterano Liga 50 ku a tuma lugá na Vi Jansen Ballpark entre Jandoret Raiders i Sigui Hunga.
Jandoret Raiders ku picheo di Raylan Capella a derotá e ekipo Sigui Hunga ku skor di 13 pa 4 i asina ei a tituláִ kampion di Liga 50 pa di 5 bia konsekutivo. Mester menshoná ku Jandoret Raiders Liga 40 ya tin e rekòrt di 5 titulo kampion siguí. Nan a titulá kampion aña 2014, 2015, 2016, 2017 i 2018. Djadumingu e ekipo di Jandoret Raiders Liga 50 tambe ta pone un rekòrt titulando kampion aña 2017, 2019, 2020, 2021 i awor 2022. 2018 no tabatin kampionato di Beisbòl Veterano Liga 50+.
Jandoret Raiders 13, Sigui Hunga 4
Jandoret Raiders tabatin 14 hit i nan a kometé 3 eror. Rylan Capella tabata picher ganadó. Shendy Cras i Maikel Melfor, ámbos a bai di 1-1. Myron Wijman ku Jeffrey Martina a bai di 2-1 ámbos. Deron Clara di 3-2, Edmar Cornelia di 4-2 i Sherdon Rombley di 4-3. Sigui Hunga a dal 6 hit i nan a hasi 1 eror. Raymond Anderson a resultá pèrdèdó i Eldred Estanista a bai di 1-1. Kevin Winklaar, Winston Kirindongo, Gerthon Matrona i Fisel Pereira, tur a bai di 2-1.
PREMIONAN:
Jandoret Raiders kampion.
Sigi Hunga supkampion.
Otrabanda di 3 lugá.
Raylan ‘Tutu’ Capella MVP di final 50+.
Kampion bate Sury Mathilda di Otrabanda.
Kampion picher Clifton Ijziek di Jandoret Raiders.
Lider di homerun di Beisbòl Cedrix Valies di Yesterday
PREMIONAN:
Jandoret Raiders kampion.
Sigi Hunga supkampion.
Otrabanda di 3 lugá.
Raylan ‘Tutu’ Capella MVP di final 50+.
Kampion bate Sury Mathilda di Otrabanda.
Kampion picher Clifton Ijziek di Jandoret Raiders.
Lider di homerun di Beisbòl Cedrix Valies di Yesterday
Teksto pa pòtrèt:
Jandoret Raiders kampion.
Sigi Hunga supkampion.
Otrabanda di 3 lugá.
Raylan ‘Tutu’ Capella MVP di final 50+. Katy ta entregá premio.
Kampion bate Sury Mathilda di Otrabanda.
Kampion picher Clifton Ijziek di Jandoret Raiders.
Lider di homerun di Beisbòl Cedrix Valies di Yesterday
Ekiponan di felisitá otro despues di wega.
Jandoret Raiders kampion ta selebrá despues di wega.
Fanátikonan di Jandoret ta disfrutá despues di wega.
Akshon durante wega.
Bon públiko pa wak final di Liga 50.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bontardi i felis siman. Nos ta den un siman kaminda práktikamente tur deporte e bai warda pa otro aña. Ekiponan ta serando aña i nos ta publikando kon e hungadó i dirigentenan ta bini huntu pa reflehá riba loke a pasa den 2022. Den dianan benidero nos lo bai bèk den detayenan di 2022 i rekordá e ekiponan ku a bira kampion. Tabata promé aña kompletu despues di pandemia di COVID-19 i mester bisa ku apesar di esei algun liga a start lat.
* * * * *
Kòrsou no a klasifiká pa final di e kopa di Karibe di Beisbòl, debi ku nos a pèrdè kontra Cuba ku skor di 4-2. Den e semi-final nos a sali dilanti 2-0 den di 3 inning, Cuba a nota un kareda den di 3 i otro kareda den di 6 inning. Nos a risibí masha hopi chèns, pero no a nota kareda. Den bòm di e di 8 inning Cuba ta nota 2 kareda i Kòrsou no ta logra nota kareda den di 9 inning i asina a keda kòrtiku. Jordan Lucas tabata tremendo atrobe tirando 5.2 inning i tuma 6 hit bon pa dos kareda. Jordan Lucas a terminá ku un ERA di 1.84 den dos weganan ku ela tira. Jordan Lucas a tira tremendo kontra Puerto Rico den e promé wega ku Kòrsou a hunga. Ela tuma 3 kareda den 14.2 inning di trabou. Semper nos a skibi ku Jordan Lucas ta un di e mihó pichernan di Kòrsou.
* * * * *
Jordan Lucas tin tremendo kontròl i e tin un change up tremendo. Nos ta referí aki na un change up i no un kurva slow ku Jordan Lucas ta dominá e batiadónan fásil na Kòrsou. Ora hopi a kere ku den eksterior e no por dominá, Jordan ta dominá den eksterior tambe. Otro hungadónan ku a destaká ta Rayshelon Carolina ku a bati .353, Dudley Leonora .333, Darren Seferina un tempu prospekto grandi infielder den Sint Louis Cardinals avg. 474 den e torneo. Raysheandell Michel .368, Raywendley van Gurp .316. E sifranan aki ta despues di e wega semi-final ku nos a hunga kontra Cuba. Kòrsou a nota 2 kareda, dal 10 hit i hunga sin kometé eror. Cuba a nota 4 kareda, dal 8 hit i hasi 1 eror.
* * * * *
Promé ku e selekshon di Kòrsou a sali pa Bahamas, nos a mira e hungadónan Darren Seferina i Dudley Leonora ta train bateo hopi serio na Bam Bam Tec na Sambil. Ei bo ta mira ku trabou duru ta paga. Beisbòl i kasi tur otro deporte, bo mester dediká serio, espeshalmente ora bo ta hasié riba nivel haltu. Ku train mes tin ora kosnan no ta bai bon. Kòrda sin train. Tur e ekiponan ku a bira kampion den 2022 ta tende aki aya kon serio i duru nan a train.
* * * * *
Aña pasá Extra Deporte Digital a skor haltu ku nan transmishonnan. Tabata den kampionato di RBI ku Extra Deporte a transmití i despues tabata den play-off di Little League i despues kampionato Latino Americano di Intermediate League. Keda pendiente pa mas transmishon di Extra digital den 2023. Kampionato RBI ta sigi e dianan aki na Tio Daou Ballpark i Little League ta hungando último wikènt pa despues sigi den 2023. Nos ta pendiente tambe pa sa ku tin Torneo di Little League organisá pa Fundashon Akademia di Beisbòl Brievengat.
* * * * *
E dianan aki ta nèt un aña ku Junny Kock èks manager di Aruba Juniors, un dje grandinan di tur tempu di Sòftbòl Slowpitch di Aruba, a fayese. Un dje grandinan di Aruba ku tabata bini Kòrsou ku Aruba Juniors tempu di Liga 50 i mas último añanan den Liga 60+. Bon amigu di Fety Curi i Wimbert Hato, grandinan di Jaws ku a bira kampion den 60+ despues di 3 aña. Un tempu Jaws tabata super kampion di 60+ i nan a bini bèk. Kompetensia lo bira fuertísimo den 2023 entre Jaws, Nos Tambe Por, Nos Power, Pitufos, Mon Repos Sluggers. Varios ekipo di 60+ ta reforsando serio. Nos ta keda te aki pa awe.
