Keyfin Selikor i VKC a gana djabièrnè den Torneo Amstel Bright
WILLEMSTAD -Keyfin a gana Omni 7 pa 5, Selikor a derotá Brandweer 10-9 i VKC a superá EWT 5 pa 4, djabièrnè 17 di mart den oranan di anochi den kontinuashon di playoff Amstel Bright Premier Cup na Van Engelen Ballpark.
Play-off ta sigi awe djasabra 19 di mart na Van Engelen Ballpark riba terenonan A i B. Djadumingu ta e gran finalnan den 6 kategoria diferente. Nos lo ta up to date ku e weganan durante e wikènt final aki. Awe ta Urving Jano i su banda Sweet Things i mayan Djadumingu ta Mini Gio ku Gibi Doran, Clack ‘Yuyu’ Zalm, Cuco Bregita i Rasta Lè. DJ Raynys Faries durante henter wikènt pa animá esnan presente.
WBC
Meksiko 5, Puerto Rico 4
Meksiko a gana Puerto Rico 5 pa 4 den un wega emoshonante den Loan Deport Park na Miami. Meksiko lo enfrentá Hapon djaluna 20 di mart den Loan Depot Ballpark den semi-final. Puerto Rico tabata ganá 4-0 for di den promé inning, después 4-1, 4-2. Meksiko komo ekipo di kas a nota 3 kareda den bom di di 7 inning pa bóltu e skor pa e wega kaba finalmente 5 pa 4.
Awe, djasabra 18 di mart USA lo topa ku Venezuela den wega kandela na Loan Deport Ballpark (Miami). Ganadó di e wega aki lo topa Cuba den semi-final djadumingu 7’or na Loan Depot Ballpark,
E gran final entre ganadónan di djadumingu i djaluna lo ta djamars 7’or den mesun Loan Depot Park na Miami.
