Liga van Engelen ta start djadumingu awor ku ekipo nobo Bucaneros
WILLEMSTAD – Liga Van Engelen 2021 ta start djadumingu awor na Van Engelen Ballpark ku partisipashon di 7 ekipo. Team Bucaneros ta un ekipo nobo den kual tin hopi Latino lo partisipá pa promé biaha na e liga. Ekiponan tradishonal Swift, Jaws, Navegantes, Quisqueya huntu ku Kings i Clase Aparte lo tei den e liga pa kompetí. Swift ta super kampion di Liga Van Engelen i ta kampion for di 2015 despues ku Baranka i Dalpega a sali for di Liga van Engelen. Niun ekipo no por a kita e título for di Swift durante e último añanan. Tur djadumingu tin 3 wega di 11’or di mainta te ku 3’or di atardi.
SKEDJEL
11.00 Jaws – Navegantes
13.00 Swift – Quisqueya
15.00 Kings – Bucaneros
6 wega den Beisbòl Veterano awe i mayan
Beisbòl Veterano ta sigi ku 6 wega e wikènt aki na Vi Jansen Ballpark. Djasabra 3 di yüli ta 10.30 Vosama – Isla, 13.00 The Brothers – Jandoret, 15.30 Quality Stars – Azucar. Djadumingu 4 di yüli 10.30 Bulldogs – Marchena, 13.00 Marlins – Santa Rosa, 15.30 Otrabanda - Santa Maria.
Resultadonan di siman pasá ta Quality 12 a nòkout Marchena 1. Isla Crackers a blackout The Brothers 18-1. Jandoret Raiders a nòkout Marlins 14-1. Santa Maria a superá Vosama ku skor di 8 pa 2. Bulldogs a gana Azucar 3-2.
