WILLEMSTAD- Los Amigos a bira kampion Torneo Kid Boca Chica 60 organisá pa Jaws. Tabata un Torneo 60+ ku ekipo Los Amigos a bira kampion invikto ganando ekipo Nos Power den final. Nos Power a bira supkampion i Pitufos a terminá number 3. Despues di wega Ivan Schoobaar alias Kid Boca Chica den presensia di su famia i hungadónan di Jaws, a entregá premio na ekiponan. Un bon públiko tabata presente na Frank Curiel Ballpark pa gosa di e weganan di e buelta regular, e weganan pa di tres lugá i play-off final.
Los Amigos 7, Nos Power 1
Los Amigos a dal 9 hit i hasi 1 eror. Norman ‘Junny’ Provence a gana. Elson Louisa i Marlins Winklaar a bati di 3-2. Ludson Bito di 1-1. Nos Power a bati 5 hit i hasi 2 eror. Ramon Moreta tabata e picher pèrdèdó. Pedro ‘Cubano’ Austriano a bati di 1-1. Remarkabel ta ku Junny Provence a gana tur e 4 weganan pa Los Amigos den e torneo aki.
Rising Phoenix a gana di The Fighters 2 pa 1 den The Diamond Stars League
WILLEMSTAD – Rising Phoenix ku bon picheo di Marie Windster a dal The Fighters ku skor di 2-1 den The Diamond Stars League na Sam Bunting Ballpark wikènt pasá. Den otro wega Treasure a gana Mas Goso 7 pa 2 i Nos Goso a gana Mas Goso 7 pa 2.
RESULTADONAN
Rising Phoenix 2, The Fighters 1
Rising Phoenix a dal 4 hit i hasi 1 eror. Marie Windster tabata e picher ganadó i Curilma Carolina a bati di 1-1. The Fighters a konektá 5 hit i hasi 3 eror. Mairis Obispo a resultá e picher pèrdèdó i Celeste Francisca a bati di 1-1.
Treasure 7, Mas Goso 2
Treasure a dal 7 hit i hasi 2 eror. Minerva Maduro tabata e picher ganadó. Tanusi Delando a bati di 2-2.
Mas Goso a konektá 8 hit i kometé 6 eror. Leonise Avastia tabata e picher pèrdèdó. Bentura, Kleinmoedig, Merkies i Ricardo, tur a bati di 3-2.
Nos Goso 15, Mas Goso 2
Nos Goso a dal 16 hit i a kometé 3 eror. Carlientje Cleopa a gana. Fayna de Mei i Natalie Lourens a bati di 4-3. Mas Goso a bati 4 hit i kometé 8 eror. Milusca Leito a resultá e picher pèrdèdó. Loeshemains Kook a bati di 1-1.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia. Nos tei ku hopi informashon di Sóftból i
Beisbòl. Kos tabata kayente durante wega di kampionato Intermediate wikènt pasá. Parse ku esun ku a
manda e notisia rònt a eksagerá e kosnan bastante. Un fanátiko a mishi ku (pusha) un umpire na
momentu ku e umpire tabata saliendo for di tereno di wega i e umpire a trata na pusha e fanátiko bèk. Play-off ta aserkando i semper ta spera ku kos lo por bira kayente. District Administrator i direktiva di Liganan ta hasi lo máksimo pa tene e kosnan bou di kontròl. E timnan ta hunga pa gana manera ta e kaso den tur deporte. E hungadónan di Little League a huramentá i e huramentashon di hungadó ta.
* * * * *
“Mi ta kere den Dios. Mi ta stima mi pais i lo mi respetá su leinan. Lo mi hunga limpi i hasi esfuerso pa
gana. Pero gana o pèrdè semper lo mi hasi mi bèst.” Huramentashon dirigente tékniko: “Lo mi siña tur
mucha pa hunga limpi i hasi nan bèst. Lo mi motivá tur manager, coach i hungadó positivamente. Lo mi
respetá tur desishon di umpire. Lo mi apresiá tur bon esfuerso sin importante resultado di e wega.”
Huramentashon mayor: “Lo mi siña tur mucha hunga limpi. Lo mi apoyá tur manager, coach i hungadó.
Lo mi respetá desishon di umpire. Lo mi apresiá tur bon esfuerso sin importá resultado di wega.”
* * * * *
Direktiva di Liganan i District Administrator ta tumando medidanan kontra tur ku faya ku regla, tantu
hungadó, coach, manager, umpire i fanátiko. Nan momentu ku tuma medida kontra esnan menshoná
esei no ta bira konosi den prensa. Ku otro palabra, Little League ta hasiendo su máksimo esfuerso pa
weganan di kampionato regular i play-off bai den un esfera trankil. Little League ta hasi un yamada na tur e aktornan pa komportá manera mester i lo no tin problema. E ganamentu i hunga pa gana lo keda pa semper, pero gana òf pèrdè, tur hende mester keda trankil i aseptá resultado na un manera deportivo.
* * * * *
En todo kaso reúniónnan a tuma lugá djaluna 17 di aprel i djamars 18 di aprel pa pone òrdu na weganan
di Little League ku ta den e parti kulminante pa loke ta e kampionato lokal. Play-off di Little League ta
start dia 25 di aprel ku weganan di Minor i Little den Frank Curiel Ballpark. Weganan di Junior i Senior lo
ta dianan 30 di aprel pa 1 di mei den Tio Daou Ballpark. Manager, coachnan i fanátikonan, laga nos
komporta nèchi pa e playoffnan bai trankil.
* * * * *
Ban pa Beisbòl Dòbel A. Moveshonan ta sigi pa start ku kampionato di Beisbòl Dòbel A di 2023. Wild Cats
ta moviendo duru pa drecha nan ekipo rumbo pa dinastía, rumbo pa 3 título sigí. Wild Cats a haña
Jegvenny Reinita èks hungadó di Santa Rosa ku a firma profeshonal, pero ku ta bèk na Kórsou. Jegvenny
lo bai okupá e puesto regular na segunda i tin tur indikashon ku Dylan Harms lo move pa otro ekipo. E
sensashonal super prospekto di Beisbòl lokal ta rumbo pa firma profeshonal, Curley Martha lo hunga
den Wild Cats i lo okupá e puesto di shortstop. Ekipo Santa Maria Pirates tambe tabata duru tras di e
shortstop, pero Wild Cats a logra firma e super prospekto aki ku naturalmente lo no keda hopi ku e ekipo debí ku pronto elo firma profeshonal.
* * * * *
Ekipo Los Amigos ku un tempu a bira kampion dos aña sigi den Liga 60+ ta back on track. E ekipo di nos
amigu Evertsz a gana Nos Power den final pa bira kampion Torneo Kid Boca Chica ku a terminá
djadumingu último den Frank Curiel Ballpark. Ekipo Los Amigos ta fuerte ku hungadónan nobo manera
Sendlley Reina, Roy Philips ets. Tin tambe Norman Provence, Cedric ‘Secho’ Curiel, Maal Jonis, Donald
Balentina, Gilbert Ijziek, Marlon Winklaar ets. Ekipo Los Amigos fuerte ku plan serio pa bai final den
temporada 2023. Nan a bisa sea Jaws òf Nos Tambe Por mester hala un banda pa nan bai komandá den
finalnan di torneo i di kampionato. Nos ta keda te aki pa awe.
