Mas Resumen di kampionan i di lokenan a pasa den Sòftbòl i Beisbòl den 2022
Polis i SDKK kampion Torneo SIPS
WILLEMSTAD- Polis a gana den e kategoría Soshal i SDKK den 40+ djadumingu 12 di yüni den Torneo SIPS ku a tuma lugá den Stadion Post 6. Polis 1 a gana Quick 60+ ku skor di 9 pa 2 den e final di Soshal Maskulino di e hóbennan i SDKK a gana Polis den 40+ ku skor di 9 pa 5. Bon públiko riba e fechanan final pa mira e weganan semi-final i final. Despues di wega tabatin entrega di premio. E torneo a start djasabra 4 di yüni ku partisipashon di 10 ekipo den 2 diferente kategoría. E organisadónan por mira atras riba un torneo eksitoso.
Mas resumen Slowpitch
Selikor kampion Torneo SKAK organisá pa SIPS
WILLEMSTAD – Ekipo Selikor a bira kampion di Torneo SKAK ku a terminá 31 di yüli na Van Engelen
Ballpark. Selikor a laga e ekipo WEB di Boneiru den tereno ganando ku skor di 9 pa 8 den un wega emoshonante. Despues di wega tabatin entrega di premio di parti di SIPS (Stichting
Internationale Politie Sportweken).
Resumen Little League 2022
Kòrsou kampion Internashonal di Little League World Series
WILLEMSTAD- Kòrsou a gana Chinese Taipei ku skor di 1-0 i pasa pa final di Little League World Series. Riba e fecha ei djasabra 27 di ougùstùs Kòrsou a bira supkampion International i risibí e banner komo kampion. Den e gran final di djadumingu 28 di ougùstùs 2022 Kòrsou a kai vensì kontra di Hawai i bira supkampion di Mundu. Nos no tabatin nos mihó pichernan disponibel pa e wega final.
Den e wega kontra Chinese Taipe Reangelo De Caster tabata hermétiko tirando 4.2 inning i tuma solamente 4 hit pa sero kareda. Q-shondrickson Doran a tira 1 inning i 1 tersio pa salba e wega. Reangelo De Caster tabata e picher ganadó. Jaydion Louisa a bati di 1-1 i empuhá e kareda pa gana wega. E numeritonan tabata losiguiente: Kòrsou tabatin 1 kareda, nan a 3 hit i hunga sin eror. Reangelo de Caster a gana i Jaydion Louisa a bati di 1-1.
Chines Taipei no a skor kareda, nan a dal 4 hit i hasi 1 eror. Li Fang-Mo tabata e picher pèrdèdó i Wu Hsuan -Hung i Hsu-Ta Sheng a bati di 1-1. Liao Yuan-Shu a bati di 3-2.
Lesadónan di Deporte Korsou, felis atardi. Awe nos ta sigi ku e resumen manera ya a bira un tradishon pa basta aña kaba. Nos ta resumí tur e kampionnan den e aña ku ta kabando aki. E aña aki nos tin notisianan ku tabata importante durante aña i e notisianan ei lo ta den informashon pa Beisbòl i Sòftbòl i den e artíkulo, e kampionnan i nan pòtrèt.
* * * * *
Algun kambio grandi den Beisbòl Veterano kaminda heavy weightnan ta pendiente pa kambio òf lo bai otro tim. Kambio grandi den ekiponan Azucar i Marchena na kaminda. Hungadónan di Liga 50 di Beisbòl Veterano ta mobilisando pa e liga aki por sigi move den 2023 i yega na 6 ekipo. Nos ta bai mesora den notisianan ku a dominá den 2022 i nos tabata den luna di aprel. Ekipo Baranka a bira kampion Kopa ABC 50+, ganando e organisadó Marlins den final. E final a tuma lugá na Van Engelen Ballpark ku partisipashon di ekiponan di Aruba i Boneiru. Manera ta konosí no tabatin ABC di e hٕóbennan tampoko di 40. Den Torneo Himno i Bandera ABC riba nivel 60+ tabata e ekipo Jaws ku a gana den final.
* * * * *
Ramses Jamanika ku tabata den plan di hunga 40+ ku ekipo Santa Rosa Memories, a move pa ekipo Marchena Braves den Beisbòl Dòbel A. Ramses Jamanika a picha ku Santa Rosa Memories den Torneo Warm-up di Beisbòl Veterano organisá pa ekipo The Brothers. Ramses a picha bon den Royal Scorpions di 2019 pa 2021. Marchena no a logra klasifiká den Dòbel A den 2022. Flamboyan Tigers di Liga 50 a entregá unifòrm nobo, ekipo Catpower tambe a entregá unifòrm nobo na hungadónan. Santa Rosa Memories tambe tabatin entrega di unifòrm nobo i ekipo Lions 60+ tambe. Play-off di Little League a start na fin di aprel. Den intermediate kosnan a sali basta pèrtá i finalmente Pabou a gana. Den Minor i Senior Pariba a gana den e weganan di selekshon, miéntras Pabou a gana den kategoría Little, Intermediate i Senior. Pabou a bira kampion di Karibe i Latino den Little, Intermediate i Senior tambe. Pariba e bira kampion den Minor League Latino despues.
* * * * *
CMC pa promé biaha a organisá un torneo di Sòftbòl Komersial. Ekiponan CMC, Catherines Care, Lab de Med, SVB, ADC, FKA, SGR ets a partisipá. Kampionato Liga 60 dediká na 4 baluarte, entre otro Absubral Hurtado, Verner Ortega, Theodoro Zabala i Rafaelito Balentina. E kampionato a start den luna di mei na Frank Curiel Ballpark. Na komienso di yüni RBC Royal Bank a entregá unifòrm na selekshonnan di Little League ku lo representá Kòrsou den kampionatonan Latino America i di Karibe. 7 selekshon, Little i Intermediate tabatin 2 selekshon. Minor, Junior i Senior kada un ku 1 selekshon.
* * * * *
Dia 4 di yüni a start ku kampionato Liga di Nos Tur (Sòftbòl Femenino Veterano) dediká na Mairis Obispo i Sevilla ‘Chia’ Martina. Un apertura impreshonante na Frank Curiel Ballpark riba un djasabra anochi. Selekshon di Sòftbòl Femenino a keda na di 3 lugá na Argentina na komienso di yüni. 10 hungadó a bai ku e selekshon pa promé biaha, un selekshon bastante hóben. Polis i SDKK a bira kampion di Torneo Stichting Internationale Politie Sportweken (SIPS) organisá pa Polis di Kòrsou. Polis a gana den e hóbennan i SDKK a gana den kategoría 40+. Kampionato Latino Americano di Intermediate a tuma lugá den Stadion Post 6. Pabou a gana Pariba den final i bira kampion.
* * * * *
Selekshon Sòftbòl Junior i Senior a bira kampion den yüli. 4 selekshon di Little League Beisbòl i 2 selekshon di Little League Sòftbòl a bira kampion regional den 2022, un kantidat rekòrt di kampion den historia. Fin di luna di yüli gran èks hungadó, dirigente i Polis Patsy Saturnino a bai laga nos. Selekshonnan Little League a sali pa Williamsport i manera semper sentro di atenshon. Nos ta keda te aki pa awe. Te mayan ku Poder di Dios, nos tei bek ku mas di resumen 2022.
