Nos Goso ta dal Rising Phoenix den promé wega di play-off final The Diamond Stars League i play off Liga van Engelen ta sigi
WILLEMSTAD - Nos Goso a gana e promé wega di play-off final di The Diamond Stars League djabièrnè 2 di yüni den Sam Bunting Ballpark. E wega a termina ku skor di 7 pa 3. Wega number dos lo ta djasabra anochi pa 8’or pm. Play-off Liga van Engelen ta sigi djadumingu ku wega entre Swift i Clase Aparte. Siman pasá ekipo Navegantes a eliminá Quisqueya. Beisbòl Veterano ta sigi ku 6 wega na Vi Jansen Ballpark.
Navegantes ta dal Quisqueya den play-off Liga van Engelen
WILLEMSTAD- Navegantes a swip Quisqueya den dos wega stret i pasa pa semi-final di Liga van Engelen. Ta trata di play-off di Liga Van Engelen 2022. Navegantes a gana promé wega ku skor di 19-16 i wega number 2 ku skor di 12-11. Navegantes ta pendiente di e wega entre Swift i Clase Aparte pa hunga semi-final kontra e pèrdèdó.
NUMERITONAN
Navegantes 19, Quisqueya 16
Navegantes a bati 18 hit i hunga sin eror. Ryan van Heydoorn a gana i Jurnick Floranus a bati di 4-3, Andley Simmons tambe a bati di 4-3. Adoni Suarez, Anselmi de Jesus i Jurnick Floranus a dal un homerun. Quisqueya a konektá 22 hit i kometé 1 eror. Rolando Castro Arias tabata e picher pèrdèdó. Luis Veloz i Rigoberto Rodriguez a bati di 5-4. Yensi Lopez a bai di 4-3.
Navegantes 12, Quisqueya 11
Navegantes a dal 12 hit i a hunga sin eror. Picher ganadó tabata Raylison Gijsbertha. Juruengelo Thielman i Jean Marc Casillo a bati di 3-2. Anselmi de Jesus i Juruengelo Thielman a dal un homerun.
Quisqueya a bati 15 hit i kometé 2 eror. Picher pèrdèdó a resultá Carlos Madera. Carlos Gil a bati di 2-2. Rigoberto Rodriguez a bati di 3-3.
Den Beisbòl Veterano
Jandoret Raiders ta gana Isla Crackers
WILLEMSTAD- Beisbòl Veterano a start nan kampionato den wikènt di 27 ku 28 di mei 2023. Durante e wikènt menshoná tabatin 6 wega ku a tuma lugá na tereno Vi Jansen. Riba djasabra 27 di mei e ekipo Jandoret Raiders ku picheo di Raylan Capella a derotá Isla Crackers ku skor di 10 pa 5. E otro 5 weganan tabatin e siguiente resultado: Azucar 11, Marchena Stars 1; Santa Rosa Memories 9, Marlins 2; Vosama 9, Veteranos Otrabanda 5; Santa Maria Pirates 16, Yesterday 5 i Quality Stars 4, The Brothers 0.
Djasabra 27 di mei
Azucar 11, Marchena Stars 1
Azucar tabatin 8 hit ku 2 eror. Nelson Reineta a gana. Dennis Testing ku Ian Ignacio, ámbos a bai di 1-1. Jeniver Mook ku Nelson Reineta, tur dos a bai di 2-1. Bryan Esclodina a bai di 2-2 i Reinaldo Elcock di 3-2.
Pa Marchena Stars 4 hit ku 2 eror. Vernon Pieternella a pèrdè i Charlton Daal a bai di 1-1. Christiaan Sint Jago, Ruthgard Lunkers ku Pedro Hernandez, tur a bai di 2-1.
Santa Rosa Memories 9, Marlins 2
Santa Rosa a dal 7 hit i kometé 2 eror. Verney Jansen tabata ganadó i Shurnold Martina a bai di 1-1. Cedric Antonia ku Jair Quant a bai di 2-1, ámbos i Rignald Pietersz a bai di 4-2. Marlins tabatin 6 hit ku 2 eror. Reinold Anderson a resultá pèrdèdó. Humphrey Antonia, Cedric Gill ku Miguel Velasquez, tur a bai di 2-1. Wilbert Luckert Martinez a bai di 3-2.
Jandoret Raiders 10, Isla Crackers 5
Jandoret tabatin 10 hit ku 3 eror. Raylan Capella a gana. Earl Virginia, Jeffrey Martina ku Myron Wijman, tur a bai di 1-1. Sherdon Rombley a bai di 2-1. Deron Clara ku Chervin Maduro, ámbos di 3-2. Pa Isla Crackers 5 hit ku 3 eror. Jursingh Leitoe a pèrdè. Giovertino Isebia, Rolin Eustatius ku Joel Angelista, tur a bai di 2-1. Julius Veeris di 2-2.
Djadumingu 28 di mei
Vosama 9, Otrabanda 5
Vosama tabatin 9 hit ku 4 eror. Alberto Ramirez a gana. Rochardo Davelaar ku Hubert Perozo, ámbos di 1-1. Minald Seferina a bai di 2-1, Cedrix Valies di 3-2 i Luis Offredy a bai di 3-3. Otrabanda a dal 5 hit i nan a hunga sin eror. Edison Clemencia a pèrdè i Jeanderico Casseres a bai di 1-1. 4 hungadó a bai di 3-1.
Santa Maria Pirates 16, Yesterday 5
Santa Maria a dal 14 hit i nan a kometé 2 eror. Bertrand Peters tabata ganadó i Amador Nita a bai di 1-1. Dwight Alexander ku Gerthon Matrona, ámbos di 2-1. Ryan Ogenia ku Bertrand Peters, ámbos di 2-2. Ryan Samuel, Zea Medina ku Signald Paz, tur a bai di 3-2. Bertrand Peters a konektá 2 homerun. Yesterday tabatin 3 hit ku 4 eror. Carl Jurrjens a resultá pèrdèdó i Charles Van Thijs a bai di 1-1. Zhurendel Ilaria ku Robert Salas, ámbos di 2-1.
Quality Stars 4, The Brothers 0
Quality Stars tabatin 10 hit i nan a kometé 1 eror. Felix Edword a gana i e mes a bai di 1-1 i Vernon Isabella ku Georgino Goeloe, ámbos di 2-1. Rodney Michel, Emile Haswell ku Dayron Puriel, tur a bai di 2-2. The Brothers a dal 2 hit i hasi 2 eror. Cidrick Koffy a pèrdè i Gian-Carlo Martina a bai di 3-2.
INFORMASHON DI SÒFTB0L I BEISBÒL
Fanátikonan di Deporte Kòrsou, bon dia. Moveshon pisá den Sòftbòl Slowpitch i Beisbòl Veterano. Pa loke ta trata Sòftbòl Slowpitch ekipo Navegantes di Che Liberia a pasa pa e sigiente buelta, miéntras ekipo Quisqueya a keda eliminá den Liga van Engelen. Weganan a tuma lugá djadumingu último i ekipo Navegantes a swip Quisqueya i pasa pa semifinal. E weganan a terminá 12-11 i 19-16 pa Navegantes. Navegantes ta warda e ganadó entre Swift i Clase Aparte. E seri aki lo start djadumingu 4 di yüni na Van Engelen Ballpark. Swift a terminá number 1 invikto ku rekòrt di 15-0, miéntras Clase Aparte a terminá 11-4. E último wega di e buelta regular a tuma lugá for di den novèmber. Awaseru a kai formal den desèmber 2022 i a tuma e desishon ku play-off lo tuma lugá den mei/yüni 2023.
* * * * *
Play-off Liga 40 a sigi e siman aki, djaweps Crazy Tigers a nokout Gamers 15 pa 2 . Ganadó di e seri aki lo topa ku Baranka den final. Ta trata aki di kampionato di 40+ di Sòftbòl di 2022. Liganan a start den gran forma i nos lo bai wak kon ta hasi ku e asuntu ku espasio pa asina nos por pone resultado i informashon di tur liga. Manera nos a informá djaluna, ekipo Rising Phoenix a swip The Fighters i pasa pa final i awor ekipo Nos Goso a gana e prome wega di final djabièrnè 2 di yüni.
* * * * *
Beisbòl Veterano ta sigi e wikènt aki na Vi Jansen Ballpark despues di 6 wega siman pasá. Direktiva a manda un mail i app pa tur ekipo pa sòru pa nan traspasonan ta kla promé ku awe 31 di mei. Ekiponan ku no paga traspaso na e ekipo di 2022 den kual e hungadó a hunga i no a paga traspaso na BEVEKO, no por laga e hungadó ei hunga den wikènt benidero. Ta hopi traspaso mes tin den 2023. Ata algun aki. Reinaldo Elcock a sali for di The Brothers i bai Azucar. Reinaldo tabata den gran forma den wikènt na bate pa Azucar. Omar Valies a sali di Yesterday i bai Azucar. Renato Anasagasti di Jandoret Raiders pa Yesterday. Anchel de Palm di Veteranos Otrabanda pa Yesterday.
* * * * *
Nos tin mas traspaso, Osaires Lucas di Azucar pa Yesterday. Ian Iganacio di Quality Stars pa Azucar. Verney Jansen di The Brothers pa ekipo Santa Rosa Memories. Segun nos ta di 4 tim ku Verney Jansen ta hunga den 4 aña. Bulldogs na 2020, Isla na 2021, The Brothers na 2022 i Santa Rosa Memories den 2023. Edword Felix di Vosama pa Quality Stars. Edword Felix a tira un blankeo djadumingu riba The Brothers. Victor Hernandez di Yesterday pa Marlins. Victor tabata klave den outfield e último añanan pa Yesterday. Vernon Pieternella di Isla, Christiaan Sint Jago di Yesterday, Pedro Hernandes di Marlins i Reguene Martina di Isla Crackers i Carlton Daal a bai Marchena Stars. Basta hungadó a bai Marchena pareu aki. Reinold ‘Payo’ Anderson di Quality Stars pa Marlins. Tin mas ku nos lo publiká den dianan benidero, entre otro Chervin Maduro di Marchena pa Jandoret i Sor Moesquit di Jandoret pa Otrabanda.
* * * * *
Djasabra 9.30 di mainta tin un wega di 70+ na Frank Curiel Ballpark. Rudy Brunken fundadó di Liga 40=, 50+ i 60+ rumbo pa lanta 70+ tambe ta invitá tur hungadó di 70 aña plus pa nan mèldu djasabra awor na Frank Cuirel Ballpark. Despues di wega lo tin un reunion pa e 70+ nan. Si bo tin 70 aña i bo ke tene bo kurpa den kondishon, mèldu djasabra mainta tempran serka Rudy Brunken aya na Frank Curiel Ballpark. Torneo Lions tambe ta pendiente pa hunga e fase final wikènt benidero. E weganan ta djasabra 10’or Liga 70, 12’or Lions – Pitufos, 2’or Jaws – Nos Tambe Por, 4’or Sluggers – Los Amigos. E wega di 4’or ta e gran final.
* * * * *
Kampionato di Liga 60 ta start djadumingu 11 di yüni ku 3 wega na Frank Curiel Ballpark. Promé wega ta 11.00’or entre Nos Power i Los Amigos, wega kandela ruman. Despues ta Nos Tambe Por kontra di Jaws ku ta otro kandela pa 1’or. Den e último wega di e fecha di apertura ekipo Sluggers lo topa ku Pitufos. Nos ta keda te aki pa awe.
