Nos Tambe Por kampion Dutch Caribbean Tournament organisá pa Los Amigos

WILLEMSTAD- Nos Tambe por ku bon picheo di Siegfried Lopez i bateo di Percey Schoop a dal Pitufos 7 pa 1 den final i bira kampion di e Dutch Caribbean Tournament organisá pa Los Amigos. Percey Schoop a resultá MVP di e wega final, ela bai di 2-2 ku 4 RBI.

Nos Tambe Por kampion ta risibí trofeo.

‍

E torneo tabata dediká na dos grandi di Liga 60+ ku ta Ibi Soerka hungadó di Los Amigos i Rudy Brunken hungadó i dirigente di Curacao Super Stars.  E torneo a konta ku partisipashon di ekipnan di Aruba, Boneiru, Kòrsou i Sint Maarten.

Torneo dediká na Hubert Soerka.

E torneo a start djabièrnè kaminda tabatin apertura ofishal den presensia di e ekipo di e islanan menshoná, Prensa i srs. Brunken, Soerka i nan famia. Weganan a sigi djasabra i djadumingu tabatin semi-final i final. Nos Tambe Por den un wega pèrtá a gana Jaws ku skor di 4-2 den semi-final i despues Pitufos a gana Lions 7-1.  

Hungadó Mas Balioso tabata Percey Schoop di Nos Tambe Por.

Despues di wega tabatin entrega di premio i tur ekipo partisipante a risibí un rekonosimentu di partisipashon di parti di e organisadónan ku ta Los Amigos.  A sigi animashon musikal bibu te den oranan di anochi.

Supkampion Pitufos ta tuma premio. Nan a pèrdè 7-1 den e final kontra di Nos Tambe Por.
Di tres lugá a resultá Jaws.
Representante di Boomerang ta tuma rekonosimentu.
Tur resultado.

PREMIASHON

Kampion: Nos Tambe Por.

Supkampion: Pitufos

Di tres lugá: Jaws.

Hungadó Mas Balioso, Percey Schoop di Nos Tambe Por.

Ekipo Aruba Juniors ta tuma rekonosimentu di partisipashon.
Ekipo Bonaire Stars ta tuma rekonosimentu.

‍

MAS INFORMASHON DI SÒFTBÒL I BEISBÒL

Fanátikonan di Extra Inning, bonnochi i felis siman. Awe ta drenta siman di play-off Post Season di Major League Baseball.  Manera tabata e kaso na 2022 un total di 8 ekipo ta klasifiká den Wild Card i e otro  4-nan ta klasifiká pa serinan di divishon direkt. E historia di Wild Card di MLB ta interesante. Wild Card a keda introdusí pa promé biaha na 1994 i na e aña ei a bini wèlga i no tabatin ni play-off tampoko. Na 1995 a start ku e promé wild card den historia. 1995 e ekipo Atlanta Braves ku Bobby Cox a  bira kampion Mundial ganando Cleveland den 6 wega den seri di 7.  E aña ei Bravos a topa ku Colorado Rockies den e promé Wild Card di historia despues sweep Cincinnati pa bai topa ku Cleveland Indians. Atlanta tabatin un staf di habridó ku Gregg Maddux, Tom Glavine, John Smoltz i e hóben e tempu ei Steve Avery. Ekiponan Minnesota, Texas, Philadelhpia i Arizona a pika dilanti djamars. Ekipo Texas a bolbe gana djarason ke men a pasa pa enfrenta Baltimore djasabra awor 1’or. E 4 ekiponan Texas, Minnesota, Phliladelphia i Arizona ta kla pa sigiente buelta.

Minnesota , Phillies, Texas i Arizona tambe ta kla.

* * * * *

Den e promé aña di Wild Card Atlanta ku tabata e number 1 den Liga Nashonal a topa ku Colorado Rockies den e seri di divishon, pa despues topa ku Cincinnati ku a gana Dodgers.  Na 2012 dos tim a topa otro pa Wild Card. Ke mèn, e ganadónan di divishon ta bai division series direkt, e dos ekiponan ku mihó rèkòrt lo sigi pa Wild Card. Na e okashon ei Altanta Braves a topa ku Sint Louis. Atlanta Braves tabatin e mihó rèkòrt despues di e ekiponan ku a gana divishon i despues tabata sigi Sint Louis. Sint Louis a gana e wega 6-3 i den e wega ei tabatin un call ku te awe ta historia riba un infield flai den oufield ku a resultá den out number 2 enbes di base yen ku un out. Fanátikonan a tira masha hopi bleki riba tereno di Turner Field na Atlanta e tempu ei. Historia ruman. Laga nos sigi riba e historia den Wild Card.

Corey Seager i Texas Rangers ta kla pa e sigiente seri.

* * * * *

Na 2022 a kambia a regla di Wild Card atrobe i 4 tim di kada liga ta haña chèns di hunga Wild Card huntu ku e 4 otronan ku ta gana nan divishon. Ku otro palabra e ekipo ku gana su divishon, pero tabatin e di 3 mihó rèkòrt di e liga lo bai hunga Wild Card den e seri mihó di 3. Pe promé biaha tambe Wild Card ta bira un seri miho di 3. 6 ekipo di kada liga ta klasifiká pa despues bira 8 den seri divishon, 4 den Championship Series i i dos finalmente den e World Series.  E aña aki ya tur kos ta kla for di djasabra despues ku Houston a gana Arizona ku skor di 1-0 ku gran picheo di Verlander.  Wild Card lo bira Toronto vs Twins, ganadó ta bai topa Houston i Tampa Bay ta bai topa ku Texas  i e ganadó lo topa ku Baltimore. E weganan aki ta pa loke ta e bracket di Liga Americana.

Ozaino Albies i Atlanta ta start djasabra.

* * * * *

Nos ta sigi un ratu mas riba e asuntu di Wild Card den Liga Nashonal. Arizona vs Milwaukee i Marlins kontra Philadelphia pa loke ta trata Wild Card. Ganando di Arizona, Milwaukee lo topa ku Dodgers i e ganadó di Marlins vs Philadelphia lo dal den Atlanta. MLB kayente den e dianan ku ta bini.

Royce Lewis, dos homerun den su promé wega di post season.

* * * * *

Pa loke ta trata Sòftbòl Slowpitch, ekipo Baranka a gana Flamboyan ku skor di 16 pa 11. Myron Wijman a a bai di 2-2 i ofishalmente bira kampion bate. Myron Wijman a risibí base por bola tambe den e wega menshoná. Tur e dos hitnan ku Myron a bati tabata riba bola leu parse. Den e promé turno Myron a dal homerun pa left, den di dos turno base por bola, di tres turno doblete pa left center.  Den e otro wega Sluggers a dal Pitufos 16 pa 8. Play-off ta start djasabra awor ku weganan riba djasasbra i djadumingu. Djasabra ta Ban Serio vs Jaws den e promé wega i despues Baranka vs Marlins. Orarionan no ta konosí ainda. Nos ta keda te aki pa awe ku Poder di Dios.

Nos ta pendiente pa Atlanta den division series.

‍