Resultadonan di Liga 50 i algun wega kandela djasabra den Stadion Post 6
WILLEMSTAD- Djasabra 29 di aprel, Liga 50 a kontinuá nan kampionato ku 3 wega ku a tuma lugá den Stadion Post 6. Den e promé wega di dia Sluggers ta gana Artemisia ku skor pèrtá di 13 pa 12. Despues e 2 otro weganan ta termina ku viktoria pa Pitufos riba Flamboyan ku skor di 8 pa 7 i Marlins ku ta gana Lions 12 pa 9. Skema pa loke ta trata 50+ djasabra 6 di mei ta 10.00 Pitufos – Jaws, 12.00 Marlins – Ban Serio, 14.00 Lions – Catpower, 16.00 Baranka – Sluggers. Ekipo Artemisia tin barwacht i Flamboyan/Tigers ta liber.
RESULTADONAN
Djasabra 29 di aprel
Sluggers 13, Artemisia 12
Sluggers tabatin 9 hit ku 6 eror. Robert Selberie a gana. Raymond Lieuw i Junny Wawoe, ámbos di 2-1. Gerald Zimmerman i Wendell Isidora, ámbos di 3-2. Gerald Zimmerman a konektá 1 homerun. Pa Artemisia 12 hit ku 3 eror. Fardy Lard a pèrdè. Aldrin Rosinda a bai di 2-1. Giovanni Maduro, Charles van Thijs i Quincy Maduro, tur 3 a bai di 3-2. Cedric Antonia a bai di 4-2. Fardy Lard a konektá 1 homerun.
Pitufos 8, Flamboyan 7
Pitufos a dal 10 hit i nan a kometé 3 eror. Johan Cicilia tabata ganadó. Abigail Vilchez i Richinel Juliana, ámbos di 1-1. Arthur Davelaar ku Sharlon Louisa, ámbos di 2-1. Norwin Moesquit, Sidney de Windt ku Jurwin Duggan, tur a bai di 3-2. Flamboyan tabatin 13 hit ku 1 eror. Luis Alcantara a resultá pèrdèdó. John Zandwijken a bai di 1-1. Richinel Candelaria ku Luis Alcantara, ámbos di 3-2. Gilbert Juliet a bai di 4-3.
Marlins 12, Lions 9
Marlins tabatin 13 hit ku 7 eror. Gilbert Henrietta a bai ku e viktoria. Golbert Gonet i Roderick Postina, ámbos di 2-1. Irving Sambo. Jurgen Susanna ku Ian Leito, tur 3 di 3-2. Gregory Zimmerman a bai di 3-3.
Randolf Balentina ku Irving Sambo, ámbos a konektá 1 homerun. Pa Lions 8 hit ku 5 eror. Edward Janga a karga ku e derota. Hubert Sakoetoe a bai di 1-1, Ludwig Mathilda di 2-1, Fabianie Orcadio di 2-2 i Robert Trinidad a bai di 3-2. Fabianie Orcadio a konektá 1 homerun.
INFORMASHON DI SÒFTBÒL I BEISBÒL
Fanátikonan di Deporte Kòrsou bondia i felis wikènt. Wikènt pasá kayente di Little League a terminá ku parkenan karga ku públiko. Pa loke ta trata Minor i Little League Liga Pabou a gana for di djasabra di Pariba. Liga Pabou Minor no tabata faborito den komienso i Liga Pariba Minor tabata mustra sólido ku 2 wega ganá i 0 pèrdí stail di bai drumi warda Pabou i Willemstad. Pariba a gana Willemstad ku skor di 8 pa 2 den e prome partido di e playoff Minor. Despues Pariba a dal Willemstad 13-0. Pabou a bira gana Willemstad 11-0, pa despues dal Pariba den dos wega sigi 4-1 i den e wega desisivo ku skor di 8 pa 1. Den Little League kaminda Pabou tabata faborito nan mester a lucha formal pa gana Pariba den e wega finalísimo ku skor di 2-1. Promé ku e wega finalísimo djasabra, Pariba a gana Pabou 1-0 djabièrnè.
• * * * * * * *
Pabou Minor lo representá Kòrsou na e weganan Latino Americano ku lo tuma lugá na Mayaguez (Puerto Rico) di 21 pa 30 di yüli. Pa loke ta kategoria Little League, Pabou lo ta na Yabucoa (Puerto Rico) di 9 pa 16 di yüli. Pa loke ta trata Junior Pabou a swip Pariba ganando ku skornan 7 pa 6 i 13 pa 9. Pabou lo ta nos ekipo number 1 den e kampioanto Latino Americano di Junior League ku lo tuma lugá den Tio Daou Ballpark di 25 di yüni pa 2 di yüli. Pabou lo hunga ‘prime time’ esta 7’or di anochi, Pariba lo hunga e weganan preliminar. Tur dos ekipo tin mesun chèns naturalmente den e kompetendia Latino aki. Ganadó di e kompetensia aki lo representá Latino America den Mundial di Junior League na Taylor Michigan di 13 pa 20 di ougùstùs.
• * * * * *
Nos a risibí e resultado di wega number 2 i 3 i Pabou a klasifiká den Senior. Den e promé wega di Senior djadumingu 30 di aprel, Pabou a gana Pariba fásil ku skor di 5 pa 1 den Senior. Den e promé wega tabata Pariba ku a gana di Pabou 5-1. Pa despues pèrdè 11-7 i 14-10. Den Intermediate Pariba a gana e kampionato na momentu ku nan a gana wega nan di 7 wega djadumingu. Pariba Intermediate lo representá Kòrsou na Antigua di 2 pa 9 di yüli. Pariba a gana Pabou djadumingu 30 di aprel ku skor di 10 pa 6 pa klinch e kampionato. Pa resumí Pabou a gana den Minor, Little, Junior i Senior, mientras Pariba a gana den Intermediate.
• * * * * * *
Ban pa Torneo Hope ku tabata kandela den wikènt ku weganan di play-off unu tras di otro. Den e kategoria femenino SBAB a gana di ADC/Brandweer ku skor di 6-4. Den kategoria Soshal Plus ekipo Friday’s a gana Balcksox 6 pa 5. The New Radiator a dal Bala Brothers 13 pa 12. Quick 60 a gana di Libu Stars 18-10. EWT/Mac Donalds a gana Onderwijs 6 pa 3 den femenino. Wikènt benidero ta krusial kaminda lo tin kuart final, semifinal i final. E finalnan lo ta djadumingu 7 di mei na Van Engelen Ballaprk naturalmente.
• * * * * * *
Liga 50 a sigi djasabra den Stadion Post 6. Sluggers a gana Artemisa pèrtá ku skor di 13-12. Sluggers a nota 5 kareda den nan último chens pa bòltu e skor. Nan a nota nan karedanan riba hit i base por bola. No tabatin eror di Artemisia den e inning ei. Artemisia a bai 0 ganá i 4 pèrdí i Sluggers a bai 2 ganá i 0 pèrdí. Den e sigiente wega Pitufos a gana Flamboyan 8 pa 7. Pitufos atras 7 pa 3 den nan último chèns a laga Flamboyan den tereno. Norwin Moesquit tabatin doblete klave den e último inning aki. Norwin Moesquit tin 62 aña i ta den gran forma ainda komo un di e mihó shortstopnan di Liga 50 i no papia mes di Liga 60. Marlins mester a lucha pa gana Lions ku skor di 12-9. Marlins tabata dilanti 7-0 i Lions a empatá pa despues Marlins bin gana tòg 12-9. Gregory Zimmerman a bati di 3-3 ku 2 tripel i un doblete. Den siman nos tin mas detaye. Beisból Veterano ta bai start ku reunionnan i ekiponan ta pendiente di direktiva(nan). Beisból 40+ di Aruba a start kaba i tin dos siman ta bai. Te otro okashon ku Poder di Dios.
