Santa Maria vs Isla Crackers i Quality kontra Santa Rosa Decos kampion 50+ na Aruba i Liga Streanan di Ayera pa Sint Maarten
Santa Maria vs Isla Crackers i Quality kontra Santa Rosa e wikènt aki den Beisbòl Veterano
WILLEMSTAD- E promé kuater ekiponan riba e standing di Beisbòl Veterano lo topa ku otro wikènt awor na Vi Jansen Ballpark. Djasabra pa 1’or pm ekipo Santa Maria Pirates (12-2) lo topa ku Isla Crackers (12-2). Djadumingu 3.30 pm Quality Stars (14-0) lo hunga kontra Santa Rosa Memories (11-3). Ekiponan Santa Maria Pirates i Isla Crackers ta empatá na di dos lugá, Quality Stars ta number 1 i invikto, miéntras Santa Rosa Memories ta na di 4 lugá.
Skema kompletu di wikènt awor ta djasabra 9 di sèptèmber 10.30 Vosama – The Brothers, 13.00 Santa Maria Pirates – Isla Crackers, 15.30 Yesterday – Otrabanda. Djadumingu 10 di sèptèmber, 10.30 Jandoret Raiders – Marchena Stars, 13.00 Azucar – Marlins i 15.30 Quality Stars – Santa Rosa Memories.
Standing Beisbòl Veterano ta: Quality Stars 14-0, Santa Maria Pirates 12-2, Isla Crackers 12-2, Santa Rosa Memories 11-3, Jandoret Raiders 8-6, The Brothers 6-8, Vosama 5-9, Yesterday 5-9, Vosama 4-9, Marlins 3-11, Otrabanda 3-1 i Marchena 0-13.
RESULTADONAN
Djasabra 2 di sèptèmber
Santa Maria 10, Vosama 3; Isla Crackers 7, Marchena Stars 0(Isla Crackers a gana pa defolt
); The Brothers 17, Marlins 4.
Djadumingu 3 di sèptèmber:
Jandoret Raiders 11, Yesterday 3; Santa Rosa Memories 7, Azucar 0; Quality Stars 11, Veteranos Otrabanda 1.
Liga Deseo Streanan Dja’yera 50 plus ku dos selekshon pa Sint Maarten.
WILLEMSTAD- - E siman aki e Liga a presentá e 2 selekshon damanan 50+ ku ta kla kla pa partisipá na Luna di Novèmber den e Torneo International na isla di Sint Maarten
Liga Deseo Streanan Dja’yera 50+ un organisashon ku a lanta pa Sra. Marlen Obispo i awor ta den man di Sra. Mellissa Rosalina.
%20copy.jpg)
Preparashonnan ta andando pa asina por tin un tremendo presentashon. Hopi di e damanan aki a yega di representá Kòrsou den selekshon di Sòftbò awor na un bunita edat por bai un biaha mas representá nos dushi isla.
Un tim lo karga e nòmber di Curaçao i e otro lo ta Curaçao Stars
E managernan lo ta Ruwel Matrona i pa e otro team Arthur Bonevacio. Kada team lo tin nan unifòrm i lo keda hospedá na Simpson Bay Resort.
Deco’s kampion 50+ na Aruba
WILLEMSTAD- Ekipo Decos a gana Stingers ku skor di 14 pa 8 I bira kampion 50+ di Softbol na Aruba. Stingers a bira sup kampion, Bambino di 3 lugá i Surprise di 4 lugá. Nos tin sifra di e weganan I kampionnan individual.
. R H E
Decos 14 16 1
Stingers 8 16 3
WP. Johannes Flanegin
LP. Gregory Paulina
Best Batters Decos
Grasindo Wester 2 - 2
Eugene De Cuba 4 - 3
Emiliano Thiel 3 - 2
Pedro Croes 4 - 2
Simon Richardson 4 - 2
Albertico Loopstok 4 - 2
Best Batters Stingers
Anthony Thompson 3 - 3
Carlos Croes 4 - 3
Antonio Hassel 2 - 2
Rudolph Carty 3 - 2
Rignaldo Emer 3 - 1
Edwin Mohammed 3 - 1
Weganan di Diadomingo 3 di September wega pa di 3 y 4 luga
. R H E
Bambino 16 20 2
Surprise 3 5 5
WP. Jimmy Tromp
LP. Raymond Dirksz
Best Batters Bambino
Robertico Boekhoudt 4 - 4
Byron Boekhoudt 4 - 3
Giovanni Maduro 4 - 3 1Homerun
Richard Bikker 4 - 3
Jimmy Tromp 3 - 2
Best Batters Surprise
Patrick Van Heyningen 3 - 2
Francel Bernardus 1 - 1
Alfonso Steenen 2 - 1
Ruben Herrera 2 – 1
Champion batter liga 50
Antonio Hassel di Stingers ku 18 hit den 23 turno pa un AVG .783
Freddys Refunjiol Refunjiol: Champion pitcher liga 50
Raymond Dirksz di Surprise ku 3 wega gana 0 Perdi ku un ERA di 2.69
Champion Homerun liga 50
Rignaldo Emer di Stingers ku 4 Homerun
MVP ta Grasindo Wester di Decos
1st place Decos
2nd place Stingers.
3rd place Bambino.
4th place Surprice
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia i felis wikènt Ayera a start ku e final di Liga di Nos Tur, e liga di Sòftbòl Femenino Veterano ku ta hala masha hopi fanátiko tur wikènt na Frank Curiel Ballpark. Ekiponan Shining Stars i Sin Stres a topa otro den e gran final. Sin Stres a noktou Shining Stars feros ku skor di 14-4. Awe, djasabra 8 di September Sin Stres tin chèns di bira kampion. Den kaso ku e seri empatá lo tin e gran final djarason 13 di sèptèmber, debí Frank Curiel Ballpark lo ta okupá den wikènt.
* * * * *
Durante kampionato regular ekipo Sin Stres a gana Shining Stars na 2 okashon i pèrdè un biaha. Skornan tabata 5-3 pa Shining Stars i 16-1, 9-4 pa Sin Stres. Sin Stres a kaba kampionato regular 11-1 i Shining Stars 8-4. Pero den e play-off 1 vs 2, Shining Stars a sorprendé Sin Stres. Den play-off ekipo Sin Stres a gana e promé wega pa despues Shining Stars gana e dos sigiente weganan i klasifiká pa final. En todo kaso ta spera un públiko grandi den Frank Curiel Ballpark, espeshalmente e pueblo di Banda Bou ku ta tur tur ku ekipo Sin Stres.
* * * * *
Play-off final di Beisbòl Dòbel A a start djaweps den Tio Daou Ballpark. Nos a traha e kolumna aki promé ku e wega entre Royal Scorpions i Santa Rosa Indians, finalistanan di Beisbòl Dòbel A terminá. Kastigunan e kai den kaso di hungadó i fanátiko ku a hasi kos foi òrdu durante weganan di Royal Scorpions. FEBEKO i komishon di kastigu a hasi nan ‘huiswerk’ i a duna kastigu na hungadó Raywendley van Gurp i Pim Sloop. Parse ku Raywendley a apelá i hunga djaweps anochi. Ela pidi e umpire despensa. miéntras Pim Sloop a keda di tuma su kastigu trankil i regresá bèk pa animá su ekipo durante e play-off final.
* * * * *
Ban un ratu asina pa MLB. Fanátikonan ta pendiente i ansioso den e último luna aki di buelta regular. Ekiponan Atlanta Braves den Liga Nashonal (90 wega ganá), Los Angeles Dodgers (84 wega ganá), den Liga Americana Baltimore (88 wega ganá) i Houston (80 wegá ganá) ta parse kómodo i lo bai e serinan di divishon. Tene kuenta ku e aña aki ta e promé dos ekiponan den nan divishon lo klasifiká pa play-off di divishon i e di 3 ekipo ganadó di divishon apesar ku nan ta na kabes di nan divishon lo bai hunga Wild Card. Tin tur indikashon ku e ganadónan di e divishon sentral lo bai hunga Wild Card.
* * * * *
Si djabièrnè lo tabata e último dia di kampionato regular, ekipo Toronto lo a topa Minnesota i Seattle lo a topa Tampa Bay den un seri di Wild Card mihó di 3. Pa loke ta trata Liga Nashonal, ekpo Cincinnati lo a topa Milwaukee i Chicago lo a topa ku Philadelphia. Tene kuenta ku Twins i Milwaukee ta na kabes den nan divishon, pero mester hunga Wild Card tòg teniendo kuenta ku e regla nobo di klasifikashon den MLB di 2023. E ekiponan ku lo pasa dirèkt pa e seri di divishon mihó di 5 ta esnan ariba menshoná. Braves, Dodgers, Orioles i Houston. Interesante e play-off di MLB den 2023.
* * * * *
Liga Streanan di Ayera lo manda dos selekshon 50+ Sint Maarten pa promé biaha den historia. Un tim lo karga nòmber Curacao Stars i e otro lo ta Curacao. Liga Deseo Streanan Dj’ayera tabata na enkargo di sra. Marlen Obispo ku tin mas ku 30 aña ta organisá weganan di Sòftbòl pa hende muhé 35+. Na aña 2018 a kuminsá ku damas 50+. E aña aki sra. Marlen a entregá sra. Mellissa Rosalina e liga di 50+ kual a resultá fenomenal.
* * * * *
Meta ta pa famianan uni i bini huntu pa rekreá. Hopi biaha ta e wela ta esun ku ta keda ku e nietunan i huntu ku yu i famia ta bini huntu na vèlt pa pasa un ratu kontentu. Stimulá i motivá pa keda praktiká e deporte i move stimulá mas atleta ku a yega di partisipá. Esei ta algun detaye di Liga Streanan di Ayera ku ta rumbo pa Sint Maarten. Wikènt aki den Beisbòl Veterano ta Santa Maria vs Isla Crackers i Santa Rosa Memories kontra Quality Stars. Te djaluna ku Poder di Dios.
