Semi-final i Final Torneo Survivors na Buena Vista Ballpark e wikènt aki i Amstel Bright Cup a start djabièrnè
WILEMSTAD- Djasabra tin semi-final i djadumingu tin final di Torneo Survivors ku lo terminá e wikènt aki na Buena Vista Ballpark. Ekiponan di Soshal Maskulino, Soshal Maskulino Speshal, Liga 50, Liga 60 i COED lo kompetí riba djasabra bai pa hunga final djadumingu. Ekipo Jaws lo hunga final di dos kategoria. Nos tin skèdjel kompletu di e fecha final di torneo Survivors.
Djasabra 25 di febrüari
(Buena Vista Ballpark)
10.00 Nos Tambe Por – Los Amigos;
11.45 Baranka/Sharks – MonRepos Sluggers;
13.30 The New Radiator – Among Us;
15.00 Chonchi’s – APC/IT/dot;
16.30 Selikor –Brandweer;
18.00 SBAB – Coca Cola.
Nos Tambe Por kontra di Los Amigos djasabra 10’or, wega kandela.
Djadumingu 26 di febrüari
(Buena Vista Ballpark)
10.00 Final Jaws – Nos Tambe Por/Los Amigos;
12.00 Final Jaws – Baranka/Mon Repos Sluggers;
14.30 Final Soshal Maskulino Speshal;
16.00 Final Soshal Maskulino;
17.30 Final COED, SOAB – ADC.
Amstel Bright Premier Cup a start djabièrnè na Van Engelen Ballpark
WILLEMSTAD- Amstel Bright Premier Cup 2023 a start na Van Engelen Ballpark ku 3 wega den COED . Chonchi’s a topa The New Radiator. Nos no a risibí e resultado. ORCO Bank ta enfrentá SOAB. SOAB a gana ku skor di 11-4. E sigiente wega a sali Corendon/Karakter 4 – SBAB 14.. Djasabra tin 14 wega i djadumingu tin 13 wega, total 30 wega di Torneo Amstel Bright e wikènt.
MAS INDFORMASHON DI SÒFTBÒL I BEISBÒL
Fanátikonan di Extra Inning, bon dia i felis wikènt. Slowpitch ta bai ranka formal e wikènt aki, kaminda dos torneo lo hunga pareu pa despues Torneo Amstel Bright sigi durante varios siman. Despues di Torneo Amstel Bright lo sigi ku Torneo Hope. Djasabra i djadumingu tin semi-final i final di Torneo Survivors na Buena Vista Ballpark. Ta algun wega kayente lo tin entre e ekiponan ku a klasifiká. Ekiponan di Jaws ta den gran forma debí ku nan ta bai drumi warda djadumingu pa hunga final den dos kategoría sigí. Jaws a la karga den 2023 den nan kategoríanan veterano 50 i Liga 50. Den Liga van Engelen tambe Jaws ta den gran forma i a klasifiká pa play-off. Pa loke ta trata Liga 40 si, Jaws a sali último lugá den 5 ekipo.
* * * * *
Jaws ta úniko ekipo ku tin representashon di for di hóbennan te ku 60+. Aña pasá nos a hasi menshon di Jaws, na momentu ku nos a bai bèk den tempu ku ekiponan ku tin hopi aña den Sòftbòl Slowpitch. Na desèmber nos a skibi ku Rudy Brunken i Willy Willems a lanta e ekipo SBC Family 54 aña pasá. Family ta un dje promé ekiponan di Slowpitch, promé ku Swift i Jaws ets. Nos a keda di chèk e detaye ei. Swift ku Jaws a keda drei despues sin interupshon. Ekipo Baranka tambe ta un dje bieunan ku tin hopi aña konsekutivo ta drei den Slowpitch na Kòrsou. Jaws ta e úniko ekipo ku tin ekipo ta partisipá den diferente liga, Liga Van Engelen, Liga 40, Liga 50 i Liga 60, manera nos ta skibi tur biaha.
* * * * *
Tin algun ekipo ta drei den dos liga, Baranka (40+50), ekipo Swift (Van Engelen i 40), Pitufos (50 i 60), Lions (50 i 60), Gamers (Amstel i 40), Crazy Tigers (40 i 50). Den 50 ta Flamboyan/Tigers i nos no sa ku esei ta apart. Den Beisbòl Veterano tin 4 ekipo ku ta drei den dos liga di Beisbòl Veterano. Jandoret, Vosama, Otrabanda i Yesterday tin ekipo den 40+ i 50+ di Beisbòl Veterano. Ban spera ku Vosama lo keda den Beisbòl Veterano 50+. Un ekipo ku un lista yen yen, pero e hungadónan no ta presentá manera mester ta.
* * * * *
Si Vosama kai afó Beisbòl Veterano 50+ lo bolbe bai na 4 ekipo. Anke Santa Maria i Azucar tin hopi aña ta mek pa djoin 50+ di Beisbòl Veterano. Pa novèmber tin un torneo entre 3 ekipo di Hulanda i 3 ekipo di Kòrsou den Beisbòl 50+ i di mes kosnan ta kuminsá bira interesante i e interes ta lanta pa Beisbòl Veterano ku ta hunga solamente riba djadumingu, debí ku djasabra ta fecha pa Sòftbòl Liga 50. Ta varios hungadó den 50+ di Beisbòl ta hunga Sòftbòl tambe, ánke mester bisa ku semper tin e hungadónan ku ta skohe pa Sòftbòl so òf Beisbòl so.
* * * * *
Otro ekipo di trayektoria ta Cicoza. Un ekipo ku a keda pa hopi aña stret sin interupshon, anto ta organisٔá torneo tur aña i ta partisipando na Kopa ABC. Ekipo Cicoza ta organisadó di Amstel Bright Premier Cup bou di direkshon general di Ryan Isebia. E ekipo a keda fundá 16 di sèptèmber 1976 den seno di algun kolega di SETEL. Cicoza ta para pa Centrale Inkoop en Comptabele Zaken. Di einan a bini e nòmber Cicoza, ekipo ku tin 46 aña di eksistensia. Ryan Isebia pa basta aña kaba a tuma e batuta for di su tata Eithel Isebia over. Ta un ekipo sumamente eksitoso ku a gana Kopa ABC di hóbennan na 2015.
* * * * *
Algun informashon kayente di Sòftbòl Liga 50. Ban Serio lo debutá kontra di Flamboyan djasabra 9.30’or na Van Engelen Ballpark. Ban Serio un tempu super kampion lo tin Jair Josepha, Kelvin Winklaar i Eldred Estanista den nan filanan djasabra awor. Ban Serio pa di dos aña sigí no a yega final di Liga 50 despues ku nan tabata kampion na 2017, 2018 i 2019. Na 2020 no tabatin kampionato. Na 2021 i 2022 Baranka a bira kampion ganando di Pitufos i Jaws respektivamente. Breaking News... e popular kantante Clarck Zalm, eks estrea di Little League, naradó di Beisbòl ta manager di Azucar den Beisbol Veterano pa 2023.
