Seri final entre Nos Goso i Rising Phoenix empatá na unu Liga 40 semi-final tambe ta empatá na unu
WILLEMSTAD – E seri final di The Diamond Stars League entre Nos Goso i Rising Phoenix a empatá na unu. Nos Goso a gana e promé wega ku skor di 7 pa 3 djabièrnè i despues tabata Rising Phoenix ku a empatá e seri ganando ku skor di 4 pa 2. E wega finalísimo lo tuma lugá djabièrnè awor pa 8’or den Sam Bunting. Ganadó di e wega lo ta kampion di The Diamond Stars League 2023. Nos Goso tabata kampion na 2022 den e promé aña di e liga.
Djabièrnè 2 di yüni
Nos Goso 7, Rising Phoenix 3
Nos Goso tabatin 5 hit ku 4 eror. Carlientje Cleopa a gana. Natasha Marselia ku Fayna De Mey, ámbos a bai di 2-1. Myriela Carlo a konektá 1 homerun. Rising Phoenix a dal 8 hit i hasi 6 eror. Marie Windster a pèrdè. Netley Casper i Marie Windster, ámbos a bai di 2-1. Curilma Carolina i Sue Mouricio, tur dos a bai di 3-2.
Djasabra 3 di yüni
Rising Phoenix 4, Nos Goso 2
Rising Phoenix a dal 7 hit i kometé 1 eror. Marie Windster tabata picher ganadó. Joudinay Wedertfoort, Joshmay Chirino, Jacqueline Sophia, Marie Windster ku Joyce v/h Kruys, tur a bai di 2-1. Nos Goso tabatin 6 hit ku 1 eror. Carlientje Cleopa a resultá pèrdèdó. Myriela Basilia a bai di 2-1, Emmely Jonis di 3-2 i Vanessa Winklaar a bai di 3-3.
Crazy Tigers ta nòkout Gamers den promé wega Gamers ta gana wega number 2 di semi-final 40+ Sòftbòl
WILLEMSTAD- Crazy Tigers ku bateo i picheo sólido ta nòkout Gamers ku skor di 15 pa 2 den e promé wega di play-off semi-final 40+ Sòftbòl. E wega a tuma lugá djaweps último na Van Engelen Ballpark. Ta trata di play-off 40+ ku a start na 2022, kaminda Baranka ya a klasifiká pa final.
Den wega number 2 di e seri ku a tuma lugá djamars 6 di yüni Gamers a empatá e seri ganado 8 pa 7 di Crazy Tigers.
NUMERITONAN
Crazy Tigers a nota 15 kareda, dal 12 hit i hasi 1 eror. Sharlon Hanst a gana bayendo henter e ruta. Julius Veeris, Roderick Zimmerman i Curby Brunken a bati di 3-2. Dennis D’Arnault a bati di 1-1. Gamers a skor na 2 okashon, dal 6 hit i hasi 5 eror. Rudney Garmers a resultá e picher pèrdèdó i Darren Hollander a bati di 2-2.
INFOMASHONNAN DI SÒFTB0L I BEISBÒL
Fanátikonan di Deporte Kòrsou, bon tardi. Final di The Diamond Stars League a start kayente. Nos Goso a gana e promé wega ku skor di 7 pa 3 djabièrnè i despues tabata Rising Phoenix ku a empatá e seri ganando ku skor di 4 pa 2. E wega finalísimo lo tuma lugá djabièrnè awor pa 8’or den Sam Bunting Ballpark. Ta spera un públiko grandi pa e wega finalisímo aki, manera tabata e kaso di e dos promé weganan. Beisbòl Veterano a sigi djasabra i djadumingu na Vi Jansen Ballpark. Ekiponan Quality Stars, Jandoret Raiders i Santa Rosa a gana djasabra. Djadumingu The Brohters, Isla i Santa Maria a gana. Nada ainda di Liga Amstel ku lo start ku play-off pronto na Van Engelen Ballpark.
* * * * *
Den Liga 50 ekipo Marlins a lucha pa gana di Flamboyan Tigers. Ekipo Marlins tabata dilanti ku skor di 13 pa 2 i Flamboyan Tigers den un inning a nota 12 kareda pa bòltu e skor i hasi e wega 14-13. Despues ekipo Marlins ta logra nota 4 kareda den kabes di e di 4 inning pa e wega bin termina 17 pa 4. Despues di e inning di 12 kareda, ekipo Flamboyan ta bai en blanko den nan dos sigiente turnonan na bate. Den otro wega Ban Serio a superá Sluggers ganando 11 pa 5. Ban Serio e bai dilanti den e wega i keda dilanti ta na final. Ban Serio a konektá 3 homerun i Sluggers a konektá un homerun di Raimy Pastor. Jaws a gana Lions 10 pa 3.
* * * * *
Baranka a dal Catpower duru ku skor di 17 pa 1. Emeric Agatha i Edmar Cornelia a konektá homerun i Gino Valeriaan tabata e picher ganadó. Baranka konektá 10 hit i no a hasi eror. Baranka ta keda lider den Liga 50 ku 7 ganá i 0 pèrdí. Ekipo Ban Serio ta na di dos lugá ku 5-1. Ta sigi Marlins 4-2, Sluggers 4-2, Jaws 3-2, Pitufos 3-3, Flamboyan/Tigers 2-4, Lions 2-3, Artemisia 0-6, Catpower 0-7. Nos no a risibí resultado di e wega entre Jaws i Lions. Nos lo bini ku mas detaye den kurso di siman.
* * * * *
Den Dòbel A djasabra, ekipo Royal Scorpions a dal Wild Cats 20 pa 1. E wega a bai 5 inning i terminá pa blackout. Royal Scorpions a dal 15 hit i hunga sin eror. Wild Cats a dal 5 hit i kometé 3 eror. Royal Scorpions a usa 3 picher ku tabata impreshonante, miéntras Wild Cats a usa 5 picher i nan a tira un total di 12 base por bola. Parse ku nos pichernan ta preferá di tira base por bola i no laga e batiadónan kontrali konektá hit. Si nan embasá pa base por bola ta kasi meskos ku un ‘single’. Te ku e wega di djasabra anochi Santa Rosa tabata invkto 4-0, (pero tabata pèrdí 9 pa 2 te ku den oranan lat di djadumingu anochi), Santa Maria 3-1, Royal Scorpions 3-2, Wild Cats 2-3, Groot Kwartier 1-3 i Marchena Braves 0-4. Rochendrik Alexander di Santa Rosa ta lider den bateo ku avg. di .615. Denzell Gregg di Santa Maria ta lider den bate empuhá ku 9.
* * * * *
Lousandry Henriette di Santa Rosa Indians tin un ERA di 0.00, Elcher Francisca di Royal Scorpions 0.00. Christopher Petronilia (Santa Rosa Indians) tin 1.29. Cerilio Soleana picher slengu Boneriano di Royal Scorpions tin 16 ponche tirá den 11 inning. Ruderly Manuel di Wild Cats tin 12 ponche tirá. Diskushon ketu bai ku mester bai na 7 inning. Pa nos mihó legumai e kos ei i hunga 9 inning ku tim limit. 3 ora wega mester terminá. Pa baha gastu pone time limit, manera e Beisbòl ta pa hopi aña kaba. 7 inning tambe e wega por bula 3 ora.
* * * * *
Nos tin resultado di play-off Liga 40 semi-final ku a tuma lugá na Van Engelen Ballpark. Ekipo Crazy Tigers ku hopi hungadó di Isla Crackers a dal Gamers feros ku skor di 15 pa 2 i pika dilanti den play-off di Liga 40. Djamars Gamers a empata e seri. Baranka ta den final for di aña pasá i ta pendiente pa e ganadó di e semi-final. Nos ta keda te aki pa awe.
