Sluggers ta sorprendé Jaws den Liga 50 den Stadion Post 6
WILLEMSTAD- Ekipo Sluggers a gana Jaws ku skor di 13 pa 9 djasabra den Stadion Post 6. Jaws ta ekipo supkampion di 2022, pero tin dos wega pèrdí i 0 ganá den 2023. Den nan promé partido Jaws a pèrdè kontra di Baranka siman pasá. Den e otro weganan Marlins a nòkout Catpower 11-1, Baranka a gana Lions 11-1 i Ban Serio a dal Artemisia 17-6. Tres di e 4 weganan a terminá pa nòkout. Durante wega di Marlins vs Catpower a tene un minüt di silensio komo tributo na Umpire Eligio Acosta.
RESULTADONAN
Marlins 11, Catpower 1
Marlins a dal 10 hit i hunga sin eror. Gilbert Henrietta a gana. Jurgen Susanna, Roderick Postina ku Aldrin Visser, tur a bai di 2-1. Ian Leito di 2-2. Randolf Bernadina ku Irving Sambo a bai di 3-2. Irving Sambo a konektá 1 homerun. Pa Catpower 9 hit ku 1 eror. Sherwin Paulina a pèrdè. Heymond Ipatia a bai di 1-1. Percy Gosepa ku Richard Campagnard, ámbos di 2-1. Renato de Costa Gomez a bai di 2-2. Hendrik Gabriel a bai di 3-3.
Baranka 11, Lions 1
Baranka tabatin 10 hit sin eror. Kenrick Hellement tabata ganadó i Wendell Anthony a bai di 1-1. Edmar Cornelia ku Sherlon Chirino, ámbos a bai di 2-1 i Emmeric Agatha a bai di 3-3. Lions a dal 3 hit i hasi 9 eror. Edward Janga a resultá pèrdèdó. Hubert Sakoetoe, Sendy Merceli ku Etienne Maria, tur a bai di 2-1.
Sluggers 13, Jaws 9
Sluggers a bati 7 hit i nan a kometé 3 eror. Junny Wawoe a gana. Gerald Zimmerman a bai di 2-1. Humphrey Antonia a bai di 2-2 i Dudley Felicia di 3-2. Humphrey Antonia a konektá 1 homerun. Pa Jaws 10 hit ku 2 eror. Fernando Rosario a pèrdè. Manuel Rekondie a bai di 2-1 i Fernando Rosario di 2-2. Fransje Lambertina ku Xaviero Avastia, ámbos di 3-2. Albert Hartogh a bai di 3-3 inkluyendo 1 homerun.
Ban Serio 17, Artemisia 6
Ban Serio tabatin 17 hit i nan a kometé 1 eror. Nonnie de Roon a bai ku e viktoria i Hensley Josephina a bai di 1-1. Rigobert Cijntje ku Winston Kirindongo, ámbos di 2-1. Geronimo Daflaar ku Kevin Winklaar, ámbos di 2-2. Albert Pieternella a bai di 3-2. Sherdon Rombley ku Reinaldo Casimiri, tur 2 a bati di 3-3. Geronimo Daflaar ku Sherdon Rombley, ámbos a konektá 2 homerun. Artemisia a bati 10 hit i nan a kometé 1 eror. Claifson Domacasse a karga ku e derota. Claifson Domacasse ku Julius Trotman, ámbos di 1-1. Charles Daal, Percy Schoop, Rudney Martina, Charles van Thijs ku Quincy Maduro, tur a bati di 2-1. Cedric Antonia di 3-2.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou bon dia. Wikènt pasá tabata kargá ku enkuentronan di Beisbòl i Slowpitch riba diferente tereno na Kòrsou. Torneo Hope a sigi djabièrnè, djasabra i djadumingu na Van Engelen Ballpark. Ta bai tin basta kambio den skema i e organisadֶónan a opta pa no hunga djadumingu awor ku ta e fecha ku tin Marcha di Seu na Banda Bou. Torneo Hope ta den fase final di e buelta regular pa play-off start pronto i nos ta pendiente pa e skema nobo.
* * * * *
Liga 50 a sigi den Stadion Post 6 kaminda ekiponan Marlins, Baranka, Sluggers i Ban Serio a gana nan kontrinkantenan. Marlins a gana Catpower fásil ku skor di 11 pa 1. Gibi Henrietta a gana i Ian Leito a bati di 2-2. Catpower ku hopi hungadó den tereno rumbo pa ERA nobo den 2023. Den e siguiente wega Baranka Sharks a nòkout Lions ku skor di 11-1. Kenny ‘Refuse to Lose’ Hellement tabata e picher ganadó i Emeric Agatha a bati di 3-3. Lions a kometé 9 eror. Sluggers a sorprendé Jaws ganando 13 pa 9 ku picheo di Ludwig Jonis i Juny Wawoe. Den e último wega di djasabra último den Liga 50 na Stadion Post 6 Ban Serio a dal Artemisia 17-6. Ramon Cabrera i Nonnie de Roon a kombiná pa Ban Serio bai ku e viktoria. Sherdon Rombley a bati di 3-3 ku 2 homerun i 6 RBI. Geronimo Daflaar di 2-2 ku dos homerun base bashi. Liga 50 ta pendiente pa bai bèk Van Engelen Ballpark despues ku Torneo Hope terminá.
* * * * *
Pa loke ta e wega final di Torneo Kid Boca Chica. Ekiponan Los Amigos a gana di Nos Power den final i bira kampion. Bon públiko wikènt pasá atrobe pa mira e weganan di 60+ na Frank Curiel Ballpark. Ekiponan di 60+ ta pendiente pa e torneo Lions di Liga 60+, pa despues start ku e kampionato ofishal ku ta dura te den luna di novèmber. 8 ekipo lo kompetí i lo hunga 14 wega den e temporada regular. Despues ta sigi play-off page system, un wega i e final lo ta un seri mihó di 3.
* * * * *
Miéntrastantu tin un direktiva pa Beisbòl Veterano Kòrsou (BEVEKO) na kaminda. E direktiva temporal lo ta enkabesá pa Gilbert Denisia i su crew. Ekiponan keda pendiente pa un reunion general pa regla e rekisitonan pa start kampionato. Bastante kambo menshoná pa loke ta trata temporada 2023. E kampionato lo hunga dos buelta entre 12 ekipo, ke mèn 22 wega i despues ta sigi pa play-off. Liga 50 di Beisbòl Veterano tambe lo sigi normal den 2023. Ta pendiente pa Torneo di Reino ku lo tuma lugá na Aruba na komienso di novèmber i na Kòrsou lo tin Torneo di Reino 50+ organisá pa Legends. E torneo ta planiá pa tuma lugá den Stadion Johnny Vrutaal.
* * * * *
Temporada di MLB ta sigi den gran forma aya na USA. Ekipo Tampa Bay Rays a sali den gran forma i a gana 13 wega stret pa start temporada. Den wikènt nan a kai vensí dos wega sigi kontra di Toronto ku ta na di dos lugá den divishon Ost den Liga Americana, tras di Tampa Bay Rays. Yankees ta na di 3 lugá den e divishon aki, miéntras Boston Red Sox ta den bòm. Atlanta Braves ku Ozzie Albies a start den gran forma ku rekòrt di 11-4 te ku djasabra. Ozzie Albies tabatin un bon dia djasabra bayendo di 5-3 i subi su average na .246. E shòrtstòp Vaughn Grissom tei bèk despues ku Arcia e siman ku a pasa leshoná.
* * * * *
Pa loke ta Diamond Stars League, Rising Phoenix a gana The Fighters 2 pa 1 djabièrnè i den e siguiente wega Treasure a gana di Mas Goso 7 pa 2. Djasabra Nos Goso a dal Mas Goso duru ku skor di 15 pa 2. Wikènt benidero tin kandela na momentu ku Treasure ku tin rekòrt di 5-1 topa ku Nos Goso ku tin 4-1. Standing den The Diamond Stars League ta Rising Phoenix 5-1, Treasure 5-1, Nos Goso 4-1, Mas Goso 2-5, The Fighters 1-5 i Lady G 0-4. Nos ta keda te aki pa awe.
