Torneo Hope ta sigi djasabra i djadumingu na Van Engelen Ballpark
WILLEMSTAD – Torneo Hope a sigi djasabra i djadumingu último na Van Engelen Ballpark. Bon públiko pa mira e weganan. E wikènt aki weganan ta sigi riba djasabra i djadumingu. Skema nobo pa e wikèntnan benidero a bai pa ekiponan. Den weganan kayente ekipo MCB a laga Onderwijs den tereno riba homerun di e veteranísimo Asila Finies.
Ekipo SOAB a sorpendé Aqualectra. Belastingdienst a gana Banco di Caribe/Ennia den COED. Nos tin mayoria di e resultadonan di wikènt pasá.
Fire Boys 13, Libu Stars 8;
Friday 15, Quick’60 4;
Flow 5, KPC 4;
SDKK/ACU /MEO 7, MCB 0;
CRU 4, FLOW 2;
KPC 5, SDKK/ACU/MEO 4;
MCB 5, Onderwijs 4 (Femenino);
EWT/Mac Donalds/Centrum 9, Kooyman 4;
SOAB 5, Aqualectra 4;
Brandweer 16, Marine Kazerne 6;
Belastingdienst 13, APC 0;
Aqualectra 11, MCB 7;
Ekipo MCB femenino despues di a gana di Onderwijs.
Selikor 10, Renaissance 2;
SOAB 6, CITCO 4 (COED);
SBAB 6, KEYFIN 4 (COED;
Lab de Med 11, Centrale Bank 2 (COED);
Belastingdienst 7, Banco di Caribe/Ennia 6 (COED).
Umpire Eligio Acosta a bai sosegá
WILLEMSTAD- Djabièrnè 14 di aprel den oranan di anochi Extra a risibí e informashon ku e konosido umpire Eligio Acosta a bai sosegá. Eligio Acosta tabata malu pa algun siman den hospital Advent i despues CMC. Un tremendo umpire, bon den su apresiashonnan, un umpire ku tin sigur mas ku 30 aña na Kòrsou.
Hopi aña pasá ela bai biba na Spaña kaminda ela umpayá pa algun aña pa despues regresá Kòrsou. Un umpire ku ta dirigí wega for di Little League te ku Dòbel A i un tempu tambe den Sòftbòl. Tambe e sa aktua den weganan di Beisbòl Veterano i Slowpitch. Un gran persona ku semper tabatin tempu pa kòmbersá promé i despues di wega. E tabata traha último tempunan na Mangusa Supermarket i tabata hasi su máksimo esfuerso pa kumpli ku su weganan i yega na tempu. E asosashon di umpire USAC ta di luto i naturalmente Curacao Little League ta di luto ku fayesimentu di Acosta. Kondolensia na famianan i mundo di deporte. Acosta sosegá na pas.
.jpg)
Final Torneo Kopa Rotativo Ivan Schoobaar
WILLEMSTAD- Fanatikonan di Sòftbòl Liga 60 i tambe tur amante di Sòftbòl Slowpich en general, lo siguiente. Relashoná ku kontinuashon di Torneo Kopa Rotativo Ivan Schoobaar, nos a risibí un komunikado di e organisadónan di e torneo ku ta e ekipo Jaws 60 +, ku nos kier kompartí kos nos lesadónan. E komunikado ta losiguiente.
“E wikènt aki 15 i 16 aprel 2023 na Frank Curiël Ballpark lo tin kontinuashon i alabes e final di e di dos edishon di e torneo di sòftbòl “Kopa Rotativo Ivan Schoobaar”. E torneo aki ta keda organisá anualmente pa por duna honor na bida na e fundadó di e diferente ekiponan di Sòftbòl bou di nòmber di Jaws ku ta praktiká e ramo di deporte aki den kuater kategoria di edat. Pues sr. Ivan Schoobaar a fundá ekiponan bou di e nòmber di JAWS ku ta praktiká sòfbòl den liganan di kategoria di hóben adulto, Liga 40 plus, Liga 50 plus i Liga 60 plus.
Meta di e torneo aki ta tambe pa duna oportunidat na ekiponan di Sòftbòl Liga 60+ pa “warm-up” promé ku kampeonato kuminsá i stimulá moveshon i kompetensia sano entre e sòftbòlistanan di mayor edat i pa estrechá e lasonan di amistad deportivo.
Den e promé wikènt e torneo a konosé diferente sorpresa. E resultadonan den e skèdjel athuntu ta papia pa nan mes. E ekiponan ku klasifiká na promé lugá di kada pul lo hunga e wega final pa e título di Kampeon i Supkampeon. Fanátikonan di Sòftbòl Slowpitch ta keda kordialmente invitá pa presensiá e partidonan. Durante e torneo bar i kushina lo ta bon surti.”
The Diamond Stars League ta sigi awe
WILLEMSTAD – The Diamond Stars League ta sigi awe djasabra 15 di aprel ku dos wega. Pa 8’or pm ta Mas Goso vs Nos Goso i pa 9.45 pm ta Rising Phoenix vs Treasure. Ayera tabatin Rising Phoenix vs The Fighters i Treausre kontra Mas Goso. Treasure a gana Mas Goso 7 pa 2 i Rising Phoenix a gana The Fighters 2 pa 1. Awe ta hiba Jermyda Lake di ekipo Rising Phoenix na su último lugá di sosiegu. ta risibí bishita di kondolensia di 12 pa 3.15pm na PWFC, pa despues dera na Santana Katoliko na Santa Maria.
INFORMASHON DI BEISBÒL I SÒFTBÒL
Fanátikonan di Deporte Kòrsou, bon dia. Awe nos tin resultadonan di Torneo Hope ku a tuma lugá djasabra i djadumingu último na Van Engelen Ballpark. Organisadónan a manda skèdjel di e próksimo dos wikèntnan, ke mèn fechanan 15/16, 22/23 di aprel. Play-off lo start dia 27 di aprel i si tin weganan pendiente ku a keda suspendé, lo hunga nan riba e fechnan menshoná. Den play-off no tin kambiamentu di skèdjel, segun e organisadónan. Hope 2023 kayente i den fase final. E torneo a start djasabra 25 di mart i tin 3 wikènt ta move den gran forma.
* * * * *
Beisbòl Dòbel A ta pendiente pa start. Dòbel A lo start wikènt 13/14 di mei. Klase A 29 di aprel i Hubenil (Rookie) ta start 22 di aprel. Vários kambio den Beisbòl Dòbel A manera ta e kaso tur aña. Hopi hungadó ta rumbo pa Italia pa hunga Beisbòl aya. Parse ku e nivel a subi basta aya i tin indikashon ku e sèn tambe a subi. Temesh Lourens picher estelar di Royal Scorpions i un di e pichernan di selekshon di Kòrsou tambe a bai hunga na Italia. Picher ku tabatin bon aktuashon den Serie Del Caribe ku ekipo di Kòrsou. Royal Scorpions ta duru riba Sherman Lacrus di Santa Maria i Terence Josephina di Wild Cats. Reyhan Fecunda parse ta riba ruta pa Santa Rosa Indians.
* * * * *
Den Beisbòl Veterano tambe tin basta moveshon. Santa Rosa Memories tin plan serio pa yega final den 2023. Ekipo Santa Rosa a hunga final na 2010 i pèrdè kontra The Bears. Na 2009 Santa Rosa a bira kampion ganando di The Bears. Aña 2005 i 2006 tabata añanan di ekipo Santa Rosa Memories, tempu ku nan a drenta Beisbòl Veterano i logra kue dos kampionato sigí. En todo kaso Santa Rosa Memories a haña e tremendísimo picher Ramses Jamanika ku a picha pa Santa Rosa durante torneo organisá pa The Brothers promé ku kampionato 2022.
* * * * *
Tabatin tur indikashon ku Ramses lo a debutá ofishalmente den Beisbòl Veterano ku Santa Rosa den 2022, pero Jamanika a opta pa keda hunga Dòbel A i a pasa pa Marchena Braves den Beisbòl Dòbel A. Ramses a picha 62.1 inning pa Marchena Braves den e hóbennan, gana 3 wega ku 2 pèrdí. Un dje pichernan ku mas inning tirá den Beisbòl Dòbel A. Ta un picher serio dediká ku lo hiba Santa Rosa Memories hopi leu si e ta bon di salu. Djonny Joubert tambe ta na kaminda pa Santa Rosa Memories pa hasi su debut den Beisbòl Veterano. Joubert tin basta tempu sin hunga Beisbòl i a hunga den Santa Maria den su último añanan den Beisbòl Dòbel A.
* * * * *
Santa Rosa a anunsiá ku nan tin Reggie Pietersz tambe ku un tempu kaba a hunga ku Memories. Pero informashon ku nos tin ta indiká ku Reginald Pietersz lo keda ku ekipo The Brothers.
Ela bati .471 hungando 24 wega pa The Brothers den 2022. Verney Jansen ruman di Kenley Jansen tambe ta na kaminda pa Santa Rosa. Na 2022 Verney a hunga den The Brothers, den 2021 ku ekipo Isla i na 2020 den Bulldogs. Ekipo Bulldogs no tei mas den Beisbòl Veterano. Keda pendiente pa mas informashon den Beisbòl Veterano.
* * * * *
Nos ta bai un ratu bèk den tempu, den Liga van Engelen 1999. Ekiponan manera Swift, Uniko, Navegantes, Quisqueya, Dalpega, Raco X, Red Labels, Glacial, Jaws, White Label i Baranka. Nos a dal den un wega den yüni 1999 kaminda Randall van Lamoen a dal 4 homerun pa Swift. Nos ta kòrda ku Arlyson Rodriguez i Angelo Clementina tambe a yega di bati 4 homerun den un wega. Segun nos Tyron de Palm a yega di bati 4 òf ta 5 homerun den un wega di Intergubernamental na Frank Curiel Ballpark hungando pa e ekipo Onderwijs. 5 homerun ta rekòrt segun nos den Slowpitch. Poko dia ei nos a haña e promé lista di ekipo Heart Breakers, ekipo di Jandoret ku rumannan de Palm. Nos a dal den lista di 1995, 28 aña pasá.
* * * * *
Torneo Kid Boca Chica organisá pa Jaws 60 ta sigi wikènt aki den Frank Curiel Ballpark. Ta e último wikènt i e torneo ta terminá djadumingu 16 di aprel.Standing ta lo sigiente. Pul A: Los Amigos 2-0, Pitufos 1-1, Jaws 1-1 i Lions 0-2. Pul B: Mon Repos Sluggers 2-0, Nos Power 2-0, Nos Tambe Por 0-2, Curacao Super Stars 0-2. Nos ta keda te aki pa awe.
