Amstel Bright Premier Cup ta sigi e wikent aki na Van Engelen Ballpark
WILLEMSTAD – Amstel Bright Premier Cup ta sigi e wikènt aki ku vários wega na Van Engelen Ballpark. Despues di un siman di sosiegu lo tin varios wega djabièrnè, djasabra i djadumingu riba tereno A i B.Pa loke ta trata e weganan resientemente, den e wega klèsh di Liga 50 ekipo Jandoret a gana di Marlins ku skor di 8 pa 2 ku bon picheo di Michelangelo Boekhoudt i bateo di Edmar Cornelia i Myron Wijman. Pitufos a dal ekipo Sluggers 15 pa 3. Nos tin resultado di e último weganan ku a tuma lugá.
Djabièrnè 2 di febrüari 24
ADC 12, Corendon 10 (COED)
CITCO 5, MCB 4 (COED)
The Road Runners 6, Crazy Soldiers 5 (COED)
Djasabra 3 di febrüari
Pitufos 15, Sluggers 3 (50+)
Jandoret 8, Malrins 2 (50+)
Terremoto 15, Estrellas Latinas 4
Bombers 19, Jaws 3 (40+)
MCB 13, CPA Fraal 7
Brandweer 7, Curacao Marriot 4 (Soshal)
Aqualectra 7, Kustwacht 0 (Soshal)
Chonchies 13, Fridays 4 (Open)
Tog Nos Tei 6, Among Us 3 (Open)
Crazy Soldiers 6, The Road Runners 5 (Open)
MAS INFORMASHON DI SÒFTBÒL I BEISBÒL
Fanátikonan di Extra Deporte Kòrsou bon dia. Laga nos ban mesora pa Slowpitch i den e kaso aki moveshon na Van Engelen Ballpark den Amstel Bright Premier Cup dos siman pasá. Nos tabata presente djasabra na Van Engelen Ballpark i a sigi algun wega riba tantu tereno A komo B. Pa loke ta trata Liga 50 ekipo Pitufos reforsá ku e ‘1-2’ di Ban Serio ku ta Jair Josepha i Luigi Yanez a dal Sluggers ku skor di 15-3. Dirigentenan di Amstel Bright Premier Cup a purba e bala nobo pa Liga 50. Manera ta konosí Liga 50 tin plan serio pa kambia e bala di wega pa temporada 2024. Gilbert Keller presidente nobo di Liga 50 a bin ku e idea ei i mayoría ekipo ta di akuerdo. Djasabra siman pasá a bini ku e bala Weston S300Y/ The S300 pro ku ta move ménos fuerte kompará ku bala 375 ku Liga 50 ta usando. E bala S300 ta normal duru, pero no ta bai duru i fuerte kompará ku e bala 375. Awel a bai bon i tin tur indikashon ku Liga 50 lo bai ku e bala nobo ménos duru den 2024. En todo kaso Jair Josepha i Luigi Yanez a dal homerun ku a bala nobo moli normal.
• * * * * * * * * *
Den e sigiente wega Jandoret a gana Marlins ku skor di 8-2 tras di tremendo lansamentu di Michelangelo ‘Galbao’ Boekhoudt. E wega aki naturalmente e hunga ku e bala nobo di Liga 50. Nos a mira Norman ‘Nonnie’ de Roon den akshon komo picher pa ekipo Malrins. Manera nos a antisipá ku Nonnie De Roon lo tei ku Marlins den 2024 pendiente di yegada di hungadónan manera Julien Ignacio, Ramiro Balentina, Hubert van Het Kruys, Roque Zimmerman ets. Pa loke ta e parti di modified, Terremoto a dal Estrellas Latina duru ku skor di 15-4. Terremoto a sali nota 12 kareda den promé inning. Tahir Martis, Reangelo Beaumont i Ruthviensky Windster a dal homerun pa ekipo Terremoto. Tog Nos Tei a gana Among den Soshal Open ku skor di 7 pa 3. Among Us a menasá un tiki den último inning pero a keda kòrtiku.
• * * * * *
ADC fuertisimo den COED a dal nan koleganan di CMC duru ku skor di 15-5 djadumingu mainta riba tereno B. Sullivien Zimerman, kècher di CMC a bai di 1-0 i Arthur Kops tabatin un RBI. Gilliard Ijziek a dal 3 homerun pa ekipo ADC ku tin un ekipo fèrfelu i ta faborito pa yega final den e kategoria COED. Brandweer a dal Curacao Marriot ku skor di 7-3. Ludson Roberto di Brandweer a sigi fuerte na bate bayendo di 3-2. Hemsley Martha den gran forma den su trabou nobo bayendo di 3-2 i bolbe gana e wega komo picher. Den un wega pèrtá i emoshonante ekipo Fire Boys a dal Bala Brothers 12-11. Den e wega aki Gilliard Ijziek tabata picher ganadó i a bolbe bati homerun. Despues di wega player agentnan di Amstel Bright Premier Cup a bai ku Gilliard Ijziek pa hasi algun tèst mediko pa wak kiko ta pasando ku e ta batiendo tantu homerun asina.
• * * * * * *
Nos ta bai pa Beisbòl Veterano i Slowpitch. Tin rumor fuerte ku Dave Kirindongo lo bandoná Santa Maria Pirates di Beisbòl Veterano i move pa Yesterday. Einan e lo djòin su amigu di bario di Mundu Nobo ku ta Andley Simmons ku ta un dje grandinan di Yesterday for di kampionato pasá. Dave ta pendiente pa su ruman Randy tambe ku lo kumpli 40 aña temporada 2025. Eimes tin rumor ku lo tin un Wild Cats 40+ bou di direkshon di Verney i Archie Jansen, anke Verney a desmentí un ke otro i ku nan lo yuda Santa Rosa Memories rumbo pa un título. Den Liga 60 LA (No Los Angeles) pero Los Amigos ta sigi duru i nan tin Shaki Coffie i Cedric Curiel i hopi hungadó mas pa kampionato 2024. Te mayan ku Poder di Dios.
%20copy.jpg)
