Djasabra 12 di sèptèmber último fecha di buelta regular Liga 50
WILLEMSTAD- Liga 50 Sòftbòl ta yegando su fin di buelta regular di 2026. Djasabra 12 di sèptèmber lo tin e último 4 weganan di buelta regular na Van Engelen Ballpark. Ekiponan 1,2 i 3 ya ta konosí. Ekiponan 4,5,6 tambe ta konosí i ta pendiente kua ekipo lo klasifiká number 7 ku lo ta entre Pitufos, Lions i Sluggers. Den kolumna nos tin mas detaye di e situashon i weganan di djasabra awor. Awe nos tin resultado i numerito di weganan ku a tuma lugá djasabra último.
Pitufos 11, Marlins 4
Pitufos a skor 11 kareda, bati 20 hit I kometé 0 eror. Picher ganadó tabata Juan Cicilia ku a tira partido kompletu (6.0 IP, 9 H, 4 R, 1 SO) i picher pèrdèdó Axel Gomez. Pa Pitufos Lindsie Maccow di 4-4 ku 1 doblete, Albertico Rafael di 4-3 ku 1 tripel i 2 kareda empuhá, Jurwin Duggan di 4-3 ku 2 empuhá, Humphrey Antonia di 2-2 ku 1 tres-base i 2 empuhá, Quincy Kook di 3-2 ku 1 doblete i 1 empuhá, i Orlando Rosina di 3-2 ku 2 empuhá. Pa Marlins (4 kareda, 9 hit, 1 eror): Irving Sambo a bati di 3-2 i Richinel Candelaria di 3-1 ku 1 tres-base i 2 kareda empuhá.
Jaws 19, Artemisia 4
Jaws a skor 19 kareda, bati 13 hit i hasi 3 eror. Picher ganadó tabata Fernando Rosario i picher perdedó tabata Elvis Balentina. Bateadó0nan di mas destaká pa Jaws tabata B Sierra-Martinez di 3-3 ku 2 tres-base i 4 kareda empuhá, Cedrix Valies di 3-2 ku 1 doblete i 2 empuhá, i Jeniver Mook di 3-2 ku 2 empuhá. Pa Artemisia, 4 kareda, 7 hit, 4 eror. Rumini Thode a bati di 1-1 ku 3 kareda empuhá, i Quincy Maduro di 3-1 ku 2 kareda anotá.
Ban Serio 12, Sluggers 2
Ban Serio. 12 kareda, 19 hit, 1 eror. Picher ganadó tabata Frensel Martinus i picher perdedó Claifson Domacasse. Bateadónan destaká pa Ban Serio: Jair Josepha di 3-3 ku 1 empuhá, Reinaldo Casimiri di 3-3 ku 2 doblete i 1 empuhá, Albert Pieternella di 3-1 ku 1 homerun i 2 empuhá, Hubert Sakoetoe di 3-2 ku 1 tripel i 3 empuhá, i Shurandy Lourens di 3-2 ku 1 tripel. Pa Sluggers,2 kareda, 3 hit, 1 eror. Dudley Felicia a bati di 1-1 ku 1 doblete i 2 base por bola, i Hilbert Cicilia di 1-1 ku 1 kareda anotá.
Baranka 10, Lions 0
Baranka tabatin 10 kareda, 12 hit i 0 eror. Picher ganadó tabata Kenrick Hellement ku a tirá partido kompletu (5.0 IP, 4 H, 0 R, 2 SO) i picher perdedó Gurtney Adriana. Pa Baranka, Ramiro Balentina di 3-3 ku 2 doblete, 1 jonron i 2 kareda empuhá, Julius Veeris di 3-3 ku 1 doblete, Charlton Merite di 3-1 ku 1 tres-base i 1 empuhá, i Sherwin Schoop di 3-1 ku 1 doblete i 2 empuhá. Pa Lions (0 kareda, 4 hit, 4 eror): Ferdinand Rosalina a bati di 2-1 ku 1 tres-base i Gilbert Bernadina di 2-1 ku 1 doblete.
Lidernan di Bateo (Promedio)
1. Ramiro Balentina (Baranka) . 696
2. Gilbert Juliet (Flamboyan) .630
3. Julius Veeris (Baranka) .621
4. Robertico Ramazan (Baranka) .618
5. Myron Wijman (Jandoret) .609
6. Bienvenido Sierra-Martinez (Jaws) .607
7. Gerthon Matrona (Flamboyan) .588
8. Albert Pieternella (Ban Serio) .571
9. Lindsie Maccao (Pitufos) .567
10. Irving Sambo (Marlins) .560
Lidernan di Home Run
1. Ramiro Balentina (Baranka) 2
2. Reinaldo Cassimiri (Ban Serio) 2
3. Eldred Estanista (Ban Serio) 1
4. Rendel De Lanooi (Flamboyan) 1
5. Omar Valies (Pitufos) 1
6. Julius Veeris (Baranka) 1
7. Emmeric Agata (Baranka) 1
8. Richinel Candelaria (Marlins) 1
9. Jeniver Mook (Jaws) 1
10. Rolin Eustatius (Baranka) 1
Lidernan di Kareda Empuhá (RBI)
1. Richinel Candelaria (Marlins) 17
2. Gilbert Juliet (Flamboyan) 16
3. Earl Virginie (Jandoret) 15
4. Albert Pieternella (Ban Serio) 15
5. Irving Sambo (Marlins) 14
6. Emmeric Agata (Baranka) 14
7. Bienvenido Sierra-Martinez (Jaws) 14
8. Hubert Sakoetoe (Ban Serio) 14
9. Julius Veeris (Baranka) 13
10. Stanley Palm (Flamboyan) 12
Lidernan di Piché (Weganan Ganá)
1. Kenrick Hellement (Baranka) 6-2
2. Gilbert Henrietta (Jandoret) 4-0
3. Michelangelo Boekhoudt (Ban Serio) 4 -0
4. Gregory Martijn (Jandoret) 4 -1
5. Luis Alcantara (Marlins) 4 – 2
6. Ralph Hermans (Flamboyan) –4 – 2
7. Axel Gomez (Marlins) 3– 1
MAS INFORMASHON DI SÒFTBÒL I BEISBÒL
Fanátikonan di Deporte KORSOU bon dia. Nos ta sigi awe ku informashon di Sòftbòl i Beisbòl. Awe ta start ku final di Beisbol Dobel A entre Santa Rosa Indians i Royal Scorpions. Pa promé biaha, segun nos e serinan semifinal tambe a hunga mihó di 7. Pa promé biaha tambe tur dos seri a bai e di 7 wega. Awe nos ta para ketu un tiki riba historia di Béisbol Dòbel A pa loke ta trata ekiponan ku mas a bira kampion. Royal Scorpions tin 19 titulo i Wild Cats tin 18 titulo. Ta sigi Santa Maria ku 12 título i Santa Rosa ku 8 título, mièntras ku Alpha Zelbo tin 3 título, Blue Hawks tin 1.
• * * * **
E ekiponan menshoná tur a yega di gana 3 título sigí. E rèkert mes ta di Wild Cats ku a gana 8 título sigí di 1994 pa 2001. E promé tabata bou di direkshon di Fichi Flemming (QPED) i e despues nan tabata 7 sigí bou di direkshon di Renato Anasagasti. Nos tin e kampionnan di e úlitmo 10 añanan: 2015: Santa Maria, 2016: Wild Cats, 2017: Wild Cats, 2018: Santa Rosa, 2019: No tabatin final, 2020: Santa Rosa, 2021: Wild Cats, 2022: Wild Cats, 2023: Santa Maria, 2024: Royal Scorpions, i 2025: Wild Cats. Den e úlitmo añanan Wild Cats tin mas título ku tur otro ekipo. Interesante ku Beisbòl Dòbel A tin un bon nivel, pero tòg fanátikonan no ta yega parke. Nos a mira algun shòt riba Facebook kaminda por mira e stadion basta bashí na Tío Daou Ballpark.
• * * * * *
Bai pa Liga 50 un ratu, kaminda nos a risibí e resultadonan ofisha i sifranan individual. Ramiro Balentina, kende tabata algun wega ousente den e ekipo di Baranka, a tuma liderato di bateo ku un promedio di .696, faltandó un wega pa e buelta regular terminá. Ramiro Balentina tin hopi chèns di salí kampion bate i lider di home run di e kampionato. Te ku siman pasá, Gilbert Juliet di e ekipo Flamboyan tabata lider, pero Flamboyan no a hunga siman pasá i Gilbert ta na di dos lugá. Den picheo, tantu Gilbert Henrietta(Jandoret) komo Michelangelo ‘Galbao’ Boekhoudt (Ban Serio) ta na promé lugá ku 4 ganá i 0 perdí. Ta sigi Gregory Martijn (Jandoret) ku tin 4 ganá i 1 perdí. Kenny Hellment di Baranka tin 6 ganá i 2 perdí.
• * * * * *
Djasabra awor tin e úlitmo 4 weganan di Liga 50, pa 10:00 AM Sluggers kontra Jaws, 12:00 PM Lions kontra Jandoret Raiders, 2:00 PM Flamboyan kontra Ban Serio, i pa 4:00 PM Marlins kontra Baranka. Ekiponan Artemisia i Pitufos ta liber. Pa otro siman, djasabra 19 di sèptèmber, e play-off wild card ta start entre ekiponan. 12:00 PM ta (4 vs 7) i pa 2:00 PM (5 vs 6). Ganadónan di e weganan aki lo topa ku otro djadumingu 20 di sèptèmber pa 2:00 PM. E sigiente djasabra, 26 di sèptèmber, ta start pa 12:00 PM semifinal ku ta 4 kontra 1, i despues pa 2:00 PM 2 kontra 3. E play-off ta sigi dianan 3 i 17 di òktòber; ta trata di serinan mihó di 3. E final di e ganadónan di semifinal ta programá pa start dia 24 di òktòber. E standing promé ku e weganan di djasabra ta: Jandoret 10-2, Ban Serio 10-2, Baranka 9-3, Flamboyan 8-4, Marlins 7-5, Jaws 7-5, Pitufos 4-9, Lions 3-9, Sluggers 3-9, i Artemisia 0-13.
• * * * * *
Liga 60 a sigi djadumingu na Frank Curiel Ballpark ku 3 wega. Den e promé wega, ekipo Nos Tambe Por a gana Jaws ku skor di 9 pa 4. Den e di dos wega, Lions a gana Baranka 9 pa 2. Den e último wega di Liga 60 djadumingu último, Mon Repos Sluggers a gana Nos Power ku skor di 6 pa 0. Bon públiko pa mira e weganan di 60+ tur djadumingu na Frank Curiel Ballpark. E standing despues di e weganan di djadumingu úlitmo ta: Lions 7-1, Pitufos 6-1, Nos Tambe Por 7-2, Los Amigos 4-3, Jaws 4-4, Mon Repos Sluggers 4-5, Baranka 3-5, Nos Power 1-8, i Curaçao Super Stars 0-7. Weganan pa djadumingu awor ta: 11:00 AM Pitufos kontra Mon Repos Sluggers, Lions kontra Los Amigos den un wega kandela pa 1:00 PM, i despues ta Curaçao Super Stars kontra Baranka. Nos ta keda te akí pa awe; ta te mayan ku Poder di Dios.
