Angel Ramirez a retirá ofsihalmente for di Sòftbòl ku 90 aña
WILLEMSTAD- E konosido picher di Sòftbòl Slowpitch Angel Ramirez a retirá ofishalmente ku 90 aña djadumingu último na Frank Curiel Ballpark. Durante wega di su ekipo Curacao Super Stars den kategoria 60+, djadumingu kontra di Sluggers e gran persona aki tantu padén komo pafó di tereno, èks presidente di SUBT, èks hefe di Kranshi i Konseho Supremo Elektoral a retirá.
Angel Ramirez ta un dje poko sòftbòlistanan òf e úniko ku a move riba tereno te ku 90 aña. Tabata un mèrdia tremendo kaminda Angel Ramirez a subi tereno den kompania di yu i nietunan i di un manera simpel a tira un lansamentu pa ofishalmente retirá. Despues a para e wega un ratu i entregá plakat na sr. Angel Ramirez. Ofishalmente sr. Angel Ramirez a retirá komo presidente di ekipo Curacao Super Stars tambe.
