Santa Rosa ta gana 3 wega stret i empata seri final kontra Royal Scorpions
WILLEMSTAD — Santa Rosa Indians ku tremendo picheo atrobe di Jordan Lucas a gana wega number 6 ku skor di 1-0 kontra Royal Scorpions i empatá e seri final sensashonalmente. Ku e viktoria aki di djasabra 19 di sèptèmber 2026, e seri ta empatá na 3 wega. Djadumingu 20 di sèptèmber pa 7'or pm tin e di shete i desisivo wega di e seri final entre Santa Rosa Indians i Royal Scorpions.
Santa Rosa Indians 1, Royal Scorpions 0
Santa Rosa Indians a derotá Royal Scorpions ku un skor di 1-0. Santa Rosa Indians a bati 4 hit i no a kometé niun eror, mientrastantu Royal Scorpions a bati 5 hit i a kometé 1 eror. Na bate pa Santa Rosa Indians a destaká Calten Daal di 3-2, Riordan Windster di 2-1, Swindley Lint di 2-1 i Terence Goeloe di 3-1.
E úniko karrera di e enkuentro a keda empuhá pa Swindley Lint ku flai di sakrifisio. Jordan Lucas tabata e picher ganadó despues di tira 5.2 inning sin pèrmití kareda, tuma 4 hit i 3 ponche. Hershelon Juliana a drenta pa salba e wega tirando 1.1 inning ku 1 ponche sin pèrmití nada.
Pa loke ta trata Royal Scorpions, Kaeber Rog ku a bati di 3-2, sigi pa Hendrick Clementina di 3-1 (un doblete), Ulrich Snijders di 1-1 (un doblete i 2 base por bola) i Juremi Profar di 3-1 (un doblete). Mikell Manzano tabata e picher pèrdèdó tirando e wega kompletu di 7.0 inning, kaminda e a pèrmití solamente 4 hit, 1 kareda limpi i a poncha 8 bateadó.
LIGA 50 (SÒFTBÒL)
Djasabra 19 di sèptèmber
Flamboyan/Gamers 4, Pitufos 3
Famboyan/Gamers ta laga Pitufos den tereno i pasa pa e wega finalisimo di wild card. E wega finalisimo ta djadumingu 20 di sèptèmber 2026 pa 2’or pm.
Marlins 10, Jaws 4
Marlins ta derotá Jaws 10 pa 4 i lo hunga kontra Flamboyan/Gamers djadumingu 2’or.
