APC pa di 19 aña ta e spònser ofisial di Torneo Creme de la Creme
Manera ya a bira un kustumber, den sèptèmber tin e konosido Torneo di Baseball Little League kual ta Creme de la Creme . E aña aki ta bira e di 19 aña ku APC lo ta e spònser prinsipal di e torneo di mas grandi di Kòrsou. Creme de la Creme ku hopi aña tin un parti lokal i unu
Internashonal. E aña aki pa motibu Covid- 19, lo no tin e parti Internashonal pero si un total di 13 organisashon lo partisipá ku un total di 27 ekipo. Pues alrededor 415 hóben lo partisipá den Creme de la Creme 2020. Mas ku 100 boluntario lo traha durante di e torneo aki.
E torneo lo kuminsá dia 11 di sèptèmber 2020 i ta termina dia 4 di óktober 2020.
Pronto lo duna mas informashon.
