Ban Serio i Baranka ta sigi gana den Liga 50 i nan lo topa otro djasabra 12 di ougùstùs

Ban Serio i Baranka ta sigi gana den Liga 50 i nan lo topa otro djasabra 12 di ougùstùs

WILLEMSTAD- Ban Serio a nòkout Marlins, Baranka a blackout Sluggers den kontinuashon di Liga 50 wikènt pasá na Van Engelen Ballpark. Ban Serio a nòkout Marlins 26-12, Baranka a blackout Sluggers 17-2. Den otro wega Jaws a dal Pitufos feros 19-3 i Lions a gana Catpower pèrtá 12-11. Djasabra awor ta kandela tin na momentu ku Baranka topa ku Ban Serio.  Baranka ta na promé lugá ku rèkòrt di 12-1 i Ban Serio tin 11-1. Standing ta Baranka 12-1, Ban Serio 11-1, Marlins 9-3, Jaws 9-4, Lions 6-7, Pitufos 5-7, Flamboyan 4-7, Catpower 1-12 i Artemisia 0-12.

Baranka 17, Sluggers 2
Baranka a dal 13 hit i hasi 2 eror.  Rudney Garmers tabata e picher ganadó. Robertico Ramazan i  Sedeney Lourens a bati di 2-2. Sedeney Lourens i Robertico Ramazan a dal un homerun.
Sluggers a dal 1 hit i hasi 4 eror.  Axel Gomez tabata e picher pèrdèdó. Dudley Felicia a bati di 2-1, e úniko hit di Sluggers.

Lions 12, Catpower 11
Lions a dal 14 hit i hasi 1 eror. Glenn Pieternella tabata e picher ganadó.  Ludwig Mathilda a bati di 3-3.
Catpower a konektá 13 hit i hunga sin kometé eror.Percy Gosepa tabata e picher pèrdèdó i Percy mes a bati di 3-3 i Elmus Poulo a bati di 2-2. Elmus Poulo a konektá un homerun.

Ban Serio 26, Marlins 14
Ban Serio a dal 25 hit i hunga sin eror. Miro Daal tabata e picher ganadó.  Kelvin Winklaar, Renato Anasagasti  i Reinaldo Casimiri a bati di 3-3. Eldred Estanista, Jair Josepha, Ludwig Pietersz, Sherdon Rombley, Kelvin Winklar i Luigi Yanez a dal un homrun. E homerun di Luigi Yanez tabata un grandslam. Marlins a konektá 15 hit i hasi 2 eror. Anthony Pieter tabata e picher pèrdèdó.  Eugene Antonio a bati di 2-2.  Ian Leito a dal 2 homerun, Eddy Obispo, Roderick Postina, Irving Sambo i Gilford Schmidt a dal un homerun. E homerun di Leito tabata un grandslam.

‍

Jaws 19, Pitufos 3
Jaws a dal 17 hit i hunga sin kometé eror.  Fernando Rosario tabata e picher ganadó. Manuel Recondie i Carlos Madera a bati di 3-3. Pitufos a bati 4 hit i a hasi 4 eror.  Sharlon Hanst tabata e picher pèrdèdó.  Sharlon Hanst, Omar Valies i Orsendo Clemencia i Sidney Lourens, tur a bati di 2-1.

‍

Jaws i Nos Tambe Por ta sigi den kabes di Liga 60

WILEMSTAD- Jaws a gana Lions pèrtá 6 pa 5 i Nos Tambe Por a dal Pitufos 8 pa 2 den kontinuashon di Liga 60 djadumingu último na Frank Curiel Ballpark. Den e otro wega Los Amigos a dal Curacao Super Stars ku skor di 8-2. Standing di Liga 60 ta Jaws 5-1, Nos Tambe Por 4-1, Los Amigos 3-3, Nos Power 3-1, Pitufos 3-2, Lions 2-4, Sluggers 1-4, Curacao Super Stars 0-5.

Los Amigos 11, Curacao Super Stars 0
Los Amigos a dal 8 hit i hunga sin eror. Ramon Zieck tabata e picher ganadó. Lutson Bito a bati di 3-2, Raymond Zieck di 1-1. Curacao Super Stars a dal 2 hit i kometé 6 eror. Hildo Bernadina tabata e picher pèrdèdó. Nelson Marks i Elvis Halmeyer a bati di 2-1.

Nos Tambe Por 8, Pitufos 2
Nos Tambe Por a dal 7 hit i hasi 1 eror. Siegfried Lopez tabata e picher ganadó. Norwin Moesquit a bati di 3-2 i Winston Kirindongo a dal un homerun. Pitufos a dal 6 hit sin kometé eror. Lesley Martina tabata e picher pèrdèdó. Curiel, Coffie, Constancia i Juliana a bati di 2-1.

Jaws 6, Lions 5
Jaws a dal 7 hit i hunga sin eror. Riley Toppenberg tabata e picher ganadó i Remick Bernadina a bati
di 1-1. Gilbert Juliana a dal un homerun. Lions a dal 6 hit i hasi 3 eror. Elvis Jakobus tabata e picher pèrdèdó. Lourens, Louisa, Balborda, Den Hartog i Izquierdo a bati di 2-1.

MAS INFORMASHON DI SÒFTBÒL I BEISBÒL

‍
Fanátikonan di Deporte Kòrsou, bon dia. Nos tei atrobe  ku informashon di Beisbòl i Sòftbòl. Kampionato di Sòftbòl Fastpitch Femenino a start djabièrnè na Sam Bunting Ballpark. Ekipo Fenix ku a haña basta hungadó di Santa Rosa Angels ta parse den gran forma pa bai ku e título pa promé biaha den nan historia. Nan a gana e torneo den kuadro di siman di Deporte di FDOK lagando Pichingolo den tereno. Suheydi Faneyt tabate pciher ganadó i Deidra Da Costa Gomez a bati di 4-2. Tur dos ta èks Santa Rosa Angels. E apertura tabata nèchi i a honra Norinda de La Cruz, eks estrea di delekshon di Sòftbòl sra. Norinda de La Cruz.

* * * * *

Tremendo respeshon djaluna pa nos kampionnan Mundial di Senior League. E manera ku nan a gana e ekipo di USA West (14-1) ta un kos inkreíbel. Un final hopi habrí ku no ta pasa masha den e finalnan. Miéntras tantu djaweps selekshon Little League lo sali pa Williamsport i djasabra selekshon Junior, tur dos di Liga Pabou ta sali pa USA pa kompetí den Mundial di e kategoríanan menshoná. Junior League lo hunga na Taylor, Michigan. Kòrsou ta pendiente di mas título, mas resepshon na airport, mas òptògt ets ets.

* * * * *

Nos ta bai pa Slowpitch un ratu. Den luna di yüli play-off di Liga Amstel a start i a wanta un ratu en konekshon ku Torneo SKAK ku a tuma lugá na Van Engelen Ballpark fin di yüli. Djasabra awor ta sigi ku e serie final entre i Thrillers. Cicoza a sweep Thrillers ku skornan di 13-12 i despues 14 pa 8 dos siman pasá. Den e otro serie ekipo Gamers a gana Sugar 7 pa 0 i despues 13 pa 8.

* * * * *

Liga 50 di Beisbòl Veterano ta start djadumingu awor ku wega entre Jandoret Raiders i Sigi Hunga. Weganan di Beisbòl Veterano lo start 9’or di mainta. Kuater ekipo lo kompetí den 50+ di Beisbòl. Ta trata aki di ekiponan Jandoret Raiders, Sigi Hunga, Yesterday i Otrabanda. Ekiponan ta topa otro 4 biaha i despues lo start ku play-off dia 5 di novèmber. Liga 50 tabatin 5 ekipo den 2022, pero Vosama a kai afó i despues a sigi 4 tim te final. Tur aña ta parse ku lo bini mas ekipo aserka, pero esei no ta pasa.

‍

* * * * *

Nos a risibi resultado di Liga van Engelen ku a start siman pasá den Van Engelen Ballpark. Ekipo Swift  a suta The Kings formal ku skor di 23-0, despues tabata Navegantes ku a dal Renegados 18 pa 3. Clase Aparte a gana Jaws 12 pa 4 i den e último partido Quisqueya a gana Bucaneros 12 pa 5. Den dianan benidero nos tin e numeritonan di e weganan menshoná. Weganan ta sigi djadumigu awor na Van Engelen Ballpark.

* * * * *

Djasabra awor ta kandela tin den Liga 50, na momentu ku Ban Serio topa ku Baranka na Van Engelen Ballpark.  Den e promé buelta tabata ekipo Baranka ku a gana di Ban Serio, lagando nan den tereno dia 13 di mei den Stadion Post 6. Ganadó di e wega aki probablemente lo keda na promé lugá te na final di e kampionato. E wega entre Baranka i Ban Serio ta 10’or di mainta, siguiente weganan lo ta 12.00 Artemisia – Jaws, 14.00 Pitufos – Catpower i e último wega ta Flamboyan vs Sluggers. Lions tin barwacht i Marlins ta liber.

* * * * *

Liga 40 a start djaweps 10 di ougùstùs. Baranka a topa ku Jaws den wega number 1 i despues Cicoza lo hunga kontra di Swift. E liga aki tambe ta tuma lugá na Van Engelen Ballpark naturalmente. Ekipo Crazy Tigers a hala atras for di kampionato,  miéntras ekipo Cicoza Legends i Twister a drenta liga i hasi e ekiponan 6 atrobe. Un tempu Liga 40 tabata kasi 8 ekipo. Hopi bon ku e liga a risibí dos ekipo nobo. E hungadónan di Crazy Tigers no tin muchu tempu mas i hungadónan klave manera David Kirindongo no tei mas. Kirindongo a bai Swift.  Stanley Palm a bai Gamers i Dave Janga a pasa pa Cicoza.  Nos ta keda te aki pa awe.

‍