Den Liga 50
Baranka ta derotá Pitufos i Lions ta gana Ban Serio
WILLEMSTAD- Djasabra 2 di òktober Liga 50 a kontinuá ku nan kampionato ku 2 wega ku a tuma lugá na Van Engelen Ballpark. Den e promé wega Baranka ta derotá Pitufos ku skor di 6 pa 3 i den wega number 2 Lions ta gana Ban Serio ku skor pèrtá di 6 pa 5.
RESULTADONAN
Baranka 6, Pitufos 3
Baranka tabatin 5 hit ku 1 eror. Kenrick Hellement a gana. Herman Gumbs, Fisel Pereira ku Grensley La Croes, ámbos bai di 2-1. Kenrick Hellement di 1-1 i Curtley Valeriaan di 3-1. Pitufos tabatin 5 hit ku 3 eror. Johan Cicilia a pèrdè. Richinel Juliana a bai di 3-2 i Eddy Obispo di 1-1. Rignald Hooi ku Sidney de Windt a bai di 2-1, ámbos.
Lions 6, Ban Serio 5
Lions tabatin 8 hit ku 2 eror. Gregory Martijn a bai ku e viktoria. Felix Ibañez Mejias a bai di 3-3. Ludwig Mathilda ku Darsy Martinus, ámbos a bai di 1-1. Raichel Leito di 2-1 i Elroy Philips ku Robert Trinidad, tur 2 a bai di 3-1. Ban Serio a dal 9 hit i nan a hasi 1 eror. Frensel Martinus a karga ku e derota. Rigobert Cijntje a bai di 3-2. Albert Pieternella, Myron Wijman, Wendell /h Kruys ku Ludwig Pietersz, tur a bati di 2-1. Fabiani Orcadio, Miro Daal ku Charlton van Thijs, tur a bati di 3-1.
