Wega finalisimo djasabra 2or pm
Baranka ta nòkout Pitufos djasabra i risibí nòkout djadumingu
WILLEMSTAD- Baranka a nòkout Pitufos djasabra 18 pa 7, Pitufos ta bira dal bèk fuerte pa nòkout djadumingu 14-1 den play-off final di Liga 50 na Van Engelen Ballpark. Bon públiko tantu riba djasabra komo riba djadumingu pa mira e gran final Liga 50 di Sòftbòl. Djasabra tabata Kenny Hellement ku a tira balente pa gana Pitufos relatívamente fásil 18-7.
Djadumingu kosnan a bòltu formal na momentu ku Pitufos a presentá fuerte a konektá Kenny Hellement 3 homerun pa Pitufos gana ku skor di 14 pa 1 den 5 inning. Djasabra varios hungadó di Baranka a dal homerun, entre otro dos homerun di Herman Gumbs. Djadumingu Baranka a bini prepará pa selebrá, pero Pitufos a presentá ku Janchi Cicilia ku a tuma solamente 5 hit, 1 homerun di Spin Lourens pa bai ku e viktoria.
Bibi Gonet a dal grandslam pa e wega kaba 14 pa 1 ku Pitufos komo ekipo di kas. Pitufos a saka 4 double play ku bon fildeo di Johnny Balentina, Sor Moesquit i Jurwin ‘Lèbè Lèbè Duggan. Sidney de Windt veteranísimo tabata kècher pa Pitufos djadumingu.
