Baranka ta nòkout Pitufos i bira kampion Liga 50

WILLEMSTAD- Baranka ku un tremendo ofensiva i picheo kompletu atrobe di Kenny Hellement ta nòkout Pitufos ku skor di 17 pa 6 i bira kampion di Liga 50 kampionato 2021. Bon públiko atrobe pa mira e wega finalísimo di e kampionato djasabra 4 di desèmber 2021.

Kampion Liga 50 (2021) Baranka, tékniko hungadó i fanátikonan ta tuma premio.

Ekipo Baranka a sali hopi fuerte riba e picheo di Johan Cicilica di Pitufos i tuma un ventaha di 10-0 den promé inning ku tabata sufisiente pa bira kampion. Tur e 3 weganan di final a terminá pa nòkout.  Promé wega Baranka 18, Pitufos 7. Wega 2, Pitufos 14 i Baranka 1. Despues ku último out a kai, Baranka a selebrá formal riba tereno i sigi despues pa entrega di premio.

Supkampion, Pitufos Archie Davelaar ta tuma premio.

PREMIONNAN

Kampion: Baranka;

Supkampion: Pitufos;

Di tres lugá: Ban Serio;

Di tres lugá Ban Serio, presidente Sevila Martina ta risibi premio.

Kampion temporada regular: Lions;

MVP: Kenrich ‘Kenny’ Hellement  (Baranka);

Kampion picher: Kenny Hellement (Baranka);

Kampionato Bate(nan) : Curley ‘Gino’ Valeriaan (Baranka);

MVP di final 2021 a resultá Kenrich ‘Kenny’ Hellement di Baranka. Ela picha tur tres wega i gana 2. Kenny ta kampion picher di temporada regular tambe.

Alberto ‘Yuyu’ Pieternella (Ban Serio);

Lider di Homerun: Sedeney “Spin’ Lourens.

Kampion bate, Curley ‘Gino’ Valeriaan .593 (Baranka).

‍

Otro kampion bate, Alberto ‘Yuyu’ Pieternella .593 (Ban Serio).
Lider di Homerun tabata Sedeney “Spin’ Lourens ku 4 homerun.
Kampion temporada regular, Lions. Dirigente Gregory Pijpers ta tuma premio.
Pim Fangman, motor di bar Van Engelen i Liga 50.
Baranka selebrando
Uchi Reina ta tuma envelop ku kontenido pa Baranka kampion.

‍

‍