Cicoza i Swift den gran forma den Kopa ABC&S i informashon di ABC&S 50+
WILLEMSTAD – Kopa ABC&S a start djarason i sigi djaweps i djabièrnè na Van Engelen Ballpark. Ekiponan Cicoza i Swift ta sigi destaká. Djabièrnè anochi den e ultimo wega, ekipo Redskins di Aruba a kibra invikto di Cicoza.
Djarason tabatin dos wega, djaweps i djabièrnè 10 wega riba terenonan A i B na Van Engelen. Nos tin resultado di weganan di djarason, djaweps i djabièrnè. Awe djasabra 31 di mei ta start ku playoff kaminda e promé 8 ekiponan riba e standing lo hunga kuart final stail di eliminashon.
TUR RESULADO
Swift 23, Thundersz 0
Happy Brothers 8, Terremoto 7
Happy Brothers 20, Thundersz 5
Swift 3, Happy Brothers 2
Terremoto 17, Thundersz 4
Swift 5, Terremoto 1
Sint Maarten Sluggers 18, Sluggers Conn 7
Cicoza 23, Controllers 0
Redskins 7, Super Stars 6
Super Stars 17, Controllers 8
Redskins 22, Controllers 4
The Crushers 10, Redskins 1
Cicoza 8, The Dreamers 3
The Dreamers 9, The Crushers 5
The Crushers 11, Controllers 5
The Dreamers 11, Controllers 0
Super Strs 6, Controllers 1
Redskins 7, The Dreamers 2
Cicoza 9, Superstars11
Redskins 9, Cicoza 4
Happy Brohters 20, Sxm Suggers 8
Terremoto 24, Sluggers Con 9
Swift 26, Sluggers Con 2
Swift 20, Sxm Sluggers 2
Resultado weganan di playoff Diamond Stars League
WILLEMSTAD – Ayeranochi tabatin dos wega di playoff di The Diamond Stars League na Sam Bunting Ballpark. Den e promé wega pa 8’or pm ekipo Treasure ku a terminá number 1 durante temporada regular a topa ku Rising Phoenix. E seri aki sistema page ta empatá na 1 despues ku Treasure a gana djabièrnè i ekipo Rising Phoenix a empatá djadumingu. Rising Phoniex a gana ku skor di .. i pasa pa final. Den e wega number 2 di e otro seri, e wega aki pm ekipo Nos Goso a topa ku The Fighters. Nos Goso a gana djabièrnè i The Fighters a gana djasabra. Nos GOso a gana ku skor di ... i pasa pa semifinal kontra di Treasure. Pèrdèdó di e seri aki ta TheFighters a keda eeliminá i Rising Phoenix a pasa pa final.
Den Liga Streanan Dj’Ajera Treasure Pluss ta gana Shining Stars Plus 4 – 0
WILLEMSTAD – Durante wikènt ku a pasa kampionato di Liga Streanan Dj’Ajera tabatin 3 wega ku a tuma lugá na Van Engelen Ballpark. Den e promé wega Treasure Pluss a gana Shining Stars Plus ku skor di 3 - 0. E wega ku a sigui entre Chilling Jaguar i New Golden Girls a terminá ku un viktoria pa medio di nòkout pa Chilling Jaguar ku skor di 12 pa 1 riba New Golden Girls. E último wega a terminá ku Tur Goso Gai Lihe Tire Services ganando ku skor pèrtá di 2- 0 riba Unidos.
RESULTADONAN:
Treasure Pluss 3, Shining Stars Plus 0 Treasure Pluss a bati 8 hit i hunga sin eror. Minerva Maduro a bai ku e viktoria. Xiomara Fransisca i Cheraldine Rodriguez, ámbos di 2-2. Shining Stars Pluss a bati 7 hit i hasi 3 eror. Monica Noor a karga ku e derota. Queenie Cordilia a bai di 1-1.
Chilling Jaguar 12, New Golden Girls 1 Chilling Jaguar tabatin 10 hit ku 4 eror. Pitscher ganadó tabata Jeanderica Martina. Lusette Maurits, Jeanderica Martina i Jossanne Rosario, tur a bati di 1-1. Pa New Golden Girls 2 hit ku 8 eror. Pèrdèdó a resultá Jenny Sambo. Ingrid Rondei a bai di 1-1.
Tur Goso Gai Lihe Tire Services 2, Unidos 0 Tur Goso a dal 2 hit i kometé 2 eror. Sevilla Martina a gana i Asila Finies a bai di 1-1. Unidos tabatin 6 hit ku 7 eror. Churmeline Eduarda a pèrdè i Muriel Simmons a bai di 2=2.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bon dia i felis wikènt. Wikènt kargá ku informashon di sòftbòl lokal. Djarason i djaweps tabata e promé fechanan di Kopa ABC&S di Kòrsou i e kategoria 50+ ku ta tumando lugá na Sint Maarten. Nos tin resultado i mas detaye kon e torneonan menshoná a bai riba e dos promé fechanan.
* * * * *
Ganadó entre Treasure i Rising Phoenix lo pasa dirèkt pa final. Pèrdèdó di e seri aki lo pasa pa enfrentá ganadó di Nos Goso i The Fighters. Pèrdèdó di e seri aki entre number 3 i 4 lo keda eliminá. Nos Goso a hunga final aña pasá kontra Rising Phoenix kaminda RIsign Phoenix a gana pa bira kampion i ekipo Treasure a keda na di 3 lugá. Tur djabièrnè i djasabra tin masha hopi fanátiko mes na Sam Bunting Ballpark pa mira e weganan. Miéntras tin e weganan tin weganan di ABC&S na Van Engelen Ballpark entre islsanan ABC i Sint Maarten. Nos lo chèk si e ekipo di Sint Eustatius a yega. En todo kaso ekiponen mester hunga 5 wega den 5 dia i si nan klasifiká i yega te final ta bira 8 wega den sinku dia. T’asina mes ta bai den e torneonan kòrtiku entre Islanan ABC. Riba nivel di 40, 50 i 60 ta trata na hunga ménos wega.
* * * * *
Nos a risibí a promé resultadonan di Kopa ABC&S ku ta tumando lugá na Kòrsou. Djarason tabatin 4 wega, dos wega riba tereno A i dos wega riba tereno B. Den Pul A ekipo Happy Brothers di Aruba a gana di Terremoto Giants di Kòrsou ku skor di 8 pa 7. Happy Brothers a laga Terremoto den tereno riba flai di sakrifisio den último inning. Norvaniel Aniceta a dal homerun pa Terremoto i Edmar Tromp i Marvin Brown a dal homerun pa Happy Brothers. Den e otro wega di Pul A ekipo Swift a dal Thunders durísimo ku skor di 23-0. Tres picher a kombiná pa gana e wega aki fásil. Pichernan manera Aldrick van Thijs (deskonosí pa nos), Gedion Noor i Emilio Velarde a kombiná. Emilio Velarde a picha dos tersio di inning i poncha tur e dos batiadónan ku ela enfrentá. Alexander Rodriguez, Jonathan Martijn, Rochendrik Alexander i Shuremy Fornerino a dal homerun pa Swift. Dimitri Leon i Urvin Juaquin a hunga den short pa ekipo Swift.
* * * * *
Den Pul B Cicoza a dal Controllers di Sint Maarten durísimo ku skor di 23-0. Raino Coran a dal dos homerun pa Cicoza. Roderick Bernadina, Jonaikel Castro Arias, Juruengelo Thielman i Ryson Polonius a dal homerun pa Cicoza. Risandro Pastor a bati di 3-3. Juruengelo Thielman i Raino Coran di 2-2. Redskins a gana Super Stars pèrtá ku skor di 7-6. Redskins ta di Aruba i Super stars di Sint Maarten. Djaweps tabatin 10 wega i nos lo trata di haña resultadonan di e weganan durante dia.
* * * * *
Na Sint Maarten a start ofishalmente ku Kopa ABC&S 50+ djaweps. Djarason tabatin un wega amistoso entre e hóbennan di Bue Jays kontra di Ilegales. Bue Jays a dal Ilegales ku skor di 33-8. Djaweps 10’or tabatin apertura sigí pa wega entre Dragons di Boneiru i Tigers di Sint Maarten. Ekipo Marlins lo a topa ku Invaders ayera mèrdia. Ban Serio ta move awe pa Sint Maarten pa hunga double header 3’or i 4.45’or.
* * * * *
Kòrda ku awe ta 10 wega tin atrobe den Kopa ACB&S na Van Engelen Ballpark. Djaweps tambe tabatin 10 wega. k. Nos lo keda up to date pa loke ta trata weganan di e Kopanan ABC&S. Si tin espasio nos lo tin un update djasabra tambe. Nos ta keda te aki pa awe i te mayan ku Poder di Dios.
