WILLEMSTAD.- Un ‘crew’ di e planta di televishon Televisa, di Mexico, ta na Kòrsou pa kubri weganan di nos selekshon i traha reportahenan di Kòrsou. Julio Ibañez i kamarógrafo Luis Pineda di Televisa Mexico a yega Kòrsou djadumingu atardi pa traha diferente reportahe di nos selekshon di futbòl i tambe Kòrsou pa pasa durante di Gold Cup ku lo tuma lugá den luna di yüli próksimo na Merka. Esaki pa motibu ku Kòrsou i Mexico ta den mesun grupo durante di Gold Cup 2021. Esaki ta un tremendo propaganda pa Kòrsou i tambe nos selekshon di futbòl.
Konosido reportero/komentarista di deporte Alexander Makaja ta nan persona di kontakto i a risibí e bishitantenan na Aeropuerto Hato. Lo e guia nan durante e siman ku nan lo ta trahando na Kòrsou. Eksito na e Crew di Televisa ku ta un kanal mundial ku ta pone atenshon na nos selekshon i pais.
AWE
Awe djamars e crew di Televisa huntu ku Makaja lo tei pa transmiti e wega bibu i direktiva pa Meksiko. Sr. Alexander Macaja a bai diferente kaminda rònt Kòrsou ku e crew p’asina tin un reportahe kompletu di Kòrsou. Nan a bai entre otro Marshe Bieu i dal un bon kuminda krioyo. Varios kanal di televishon lokal i internashonal lo transmití e wega di awenochi.
