Dream Team kampion Sòftbòl Maskulino Fastpitch 2020
WILLEMSTAD- Dream Team riba homerun di Argenis Daal a laga ekipo Suffisant Eagles den tereno pa bira kampion di Sòftbòl Maskulino Fastpitch 2020 djarason 28 di òktober 2020. Ku dos out, ku ekipo Suffisant Eagles faltando un out pa bira kampion Argenis Daal ta bati homerun pa leftcenter ku Ruthviensky Windster na segunda base. Dream Team tabata atras 0-2 den e seri pero ta bini bèk i gana 3 wega sigi i tur tres wega di un manera emoshonante. E wega a terminá despues di dos extra inning. Ku ekipo Suffisant dilanti 3-2 te den bòm di di 7 inning. Dream Team ta empatá. Den di 8 den tie break Suffisant ta bai ariba 7-3. Dream Team ta nota 4 kareda pa bolbe empatá e wega, 7-7. Suffisant ta nota un kareda di bai ariba 8-7, pero Dream Team ta nota 2 kareda riba homerun di Argenis pa terminá e partido 9-8.
