Ekipo Noso Goso Gai Lihe a entregá unifòrm na hungadónan
WILLEMSTAD- Ekipo di Sòftbòl Femenino Veterano Nos Goso a entregá unifòrm nobo na hungadónan na kas di Gigi di Nos Goso. E entrega a tuma lugá djarason 18 di sèptèmber. Spònser Gai Lihe tabata presente na entrega di e unifòrmnan i a dirigí palabra pa despues entregá e unifòrmnan. Nos Goso ta un ekipo super eksitoso den Sòftbòl Femenino Veterano i tin 16 aña di eksistensia i e último 5 añanan di spònser pa Gai Lihe di Gai Lihe Tire Services. Nos Goso tin un torneo internashonal di Sòftbòl Femenino 35+ di 26 di òktober pa 30 di òktober. E torneo lo tuma lugá na Buena Vista Ballpark ku partisipashon di ekiponan di Aruba, Boneiru, Kòrsou, Sint Maarten i Hulanda.
Spònser i hungadónan di Nos Goso na entrega di unifòrm. Di robes pa drecha Girela Maria – Isabella, Gai Lihe (Roxienne Barbolina) i Sonna Valies.
Den Liga 40
Baranka ta gana Crazy Tigers 11 pa 7
Djamars 18 di òktober anochi Liga 40 a kontinuá ku 2 wega na Van Engelen Ballpark.
Den e promé wega Baranka ta gana Crazy Tigers 11 pa 7 I despues den wega number 2 Swift ta derotá Jaws 14 pa 7.
Djamars 18 di òktober
Baranka 11, Crazy Tigers 7
Baranka tabatin 11 hit ku 2 eror. Kenrick Hellement a gana i Ericson Martina a bai di 1-1. Jair Josepha ku Erling Gosepa, ámbos a bai di 2-1. Kenrick Hellement di 2-2 inkluyendo 1 homerun I Dwight Alexander a bai di 3-3. Pa Crazy Tigers 10 hit ku 1 eror. Sharlon Hanst a pèrdè.. Curby Brunken a bai di 1-1, Jermain Esprit 3-3. David Rodriguez a konektá 1 homerun.
Swift 14, Jaws 7
Swift tabatin 11 hit ku 6 eror. Fernando Rosario tabata ganadó. Ian Ignacio ku Wendell van het Kruys, ámbos di 2-1. Joel Angelista ku Omar Molina a bai di 3-2 ámbos i Wilkin di 4-3. Jaws a dal 9 hit i hasi 7 eror. Geralton Martha a resultá pèrdèdó. Franklin Hagen ku Gillionne Pikerie, ámbos di 2-1. Shanon Kleinmoedig a bai di 2-2 i Ingemar Soerka di 3-2.
RESULTADONAN LIGA VAN ENGELEN 16 DI ÒKTÒBER
Djadumingu 16 di òktober
Clase Aparte 12, Quisqueya 7
Clase Aparte tabatin 13 hit ku 2 eror. Richene Martina a gana i e mes a bai di 2-2. Leroy Antonia a bai di di 3-2. Ramiro Balentina ku Robert Ramazan, ámbos a bai di 4-3. Geriyon Jakob, Ramiro Balentina ku Richene Martina, tur a konektá 1 homerun. Quisqueya a dal 11 hit i nan a hunga sin eror. Rolando Castro Arias a pèrdè. Eudis Estarling Reyes, Jose de Jesus Lopez Herasme ku Carlos Madera Pimentel, tur a bai di 1-1. Nisandro Cleofa a bai di 2-1 inkluyendo 1 homerun Rylan Reina ku Rigoberto Ramos Rodriguez, ámbos a bai di 3-2.
Jaws 12, Bucaneros 2
Jaws a dal 12 hit i hunga sin eror. Jermaine Esprit a gana. Raysheron Michel ku Jair Josepha, ámbos a bai di 4-2. Jurick Marlin i Fitzgerald Girigorie, ámbos a bai di 4-3. Raysheron Michel ku Jair Josepha, ámbos a konektá 1 homerun. Pa Bucaneros 3 hit ku 3 eror. Erick Lopez a pèrdè. Erick Lopez i Edwin Rodriguez, ámbos di 2-1.
Swift 9, Navegantes 7
Swift tabatin 10 hit i nan a kometé 1 eror. Anjohnny Jesus Madera Zea tabata picher ganadó. Randolph Kirindongo a bai di 2-1. Darwin Blanquicett ku Anjohnny Jesus Madera Zea, ámbos di 3-2 i Nurison Leonora a bai di 4-2. Navegantes a dal 12 hit i hunga sin eror. Cedeon Noor a resultá pèrdèdó. Rainer Polonius a bai di 3-2, Cedeon Noor di 3-2 i Andley Simmons a bai di 4-4, inkluyendo 1 homerun.
The Kings 10, Renegados 9
The Kings a dal 11 hit i nan a kometé 5 eror. Maikel Jose a gana. Temesh Lourens a bai di 1-1 i Kevin Muller di 2-1. Reamy Kleinmoedig i Jourmaine Josepha, ámbos a bai di 2-2. Vernon Bautisma a bai di 3-2 i Froilan Grotestam di 4-2. Temesh Lourens ku Vernos Bautisma, ámbos a konektá 1 homerun. Renegados tabatin 10 hit ku 2 eror. Mervin Martinez a pèrdè. Jhoan Rodriguez i Mervin Martinez, ámbos a bai di 2-1. Julio Tejada a bai di 2-2, Ocea Rivera ku 3-2 i Jose Chang a bai di 3-3.
