Final Torneo Hope ku 6 ekipo kampion
WILLEMSTAD – Torneo Hope a terminá djadumingu 7 di mei na Van Engelen Ballpark. Ekipo CRU a bira kampion den 40+ ganando di ekipo Flow 9 pa 4. Den e sigiente partido EWT Mac Donalds a gana Corendon ku skor di 3 pa 1. Den Soshal Maskulino Plus Fireboys a gana Friday 7 pa 6. Ekipo Belastingdienst a ripití nan título di Soshal Maskulino ganando di Kustwacht 9 pa 7. Den e último partido ADC/Brandweer a derotá MCB 7 pa 4 den e kategoria Soshal Femenino.
Ban Serio a gana Marlins 11 pa 9 den Liga 50
WILLEMSTAD- Kampionato di Liga 50 a sigi djasabra último den Stadion Post 6. Den e wega kandela di djasabra Ban Serio a gana Marlins ku skor di 11-9. Den otro wega Baranka a gana Slugggers 11 pa 4. Jaws a nòkout Pitufos 11 pa 1. Lions a blackout Catpower 21 pa 6. Djasabra awor Liga 50 ta sigi ku 4 wega, entre otro wega entre ekiponan invikto Ban Serio (4-0) i Baranka (3-0) pa 4’or di atardi.
RESULTADONAN
Djasabra 6 di mei
Jaws 11, Pitufos 1
Jaws a dal 11 hit i nan a kometé 1 eror. Edison Sambo a gana i Cedrix Valies a bai di 1-1. Fransje Lambertina, Sigbert Juliana, Deron Clara i Elroy Philips, tur a bai di 2-1. Tyron de Palm di 3-2 i Victor Caldera a bai di 3-3. Pa Pitufos 5 hit ki 7 eror. Sharlon Hanst a pèrdè. Norwin Moesquit ku Sharlon Louisa a bai di 2-1. Omar Valies ku Elston Constancia, ámbos a bai di 1-1. Norwin Moesquit a konektִá 1 homerun.
Ban Serio 11, Marlins 9
Ban Serio tabatin 13 hit ku 4 eror. Norman de Roon tabata ganadó. Rigobert Cijntje a bai di 2-2. Sherdon Rombley ku Reinaldo Casimiri, ámbos a bai di 3-2. Kevin Winklaar a bai di 3-3. Miro Daal, Sherdon Rombley i Kevin Winklaar, tur 3 a konektá 1 homerun. Marlins a dal 15 hit i hasi 1 eror. Lionel Li a resultá pèrdèdó. Eugene Antonio ku Bryan Esclodina, ámbos di 2-1. Amarildo Coffie ku Eddy Obispo, ámbos a bai di 4-2. Ian Leito di 3-2 i Irving Sambo di 4-3. Amarildo Coffie a konektá 1 homerun.
Lions 21, Catpower 6
Lions tabatin 15 hit ku 4 eror. Edward Janga a bai ku e viktoria. Leticio Rosa, Alan Pietersz, Ettienne Maria, Sendy Marceli, Ronchel Daal i Raichel Leito, tur a bai di 1-1. Cedric Curiel a bai di 3-2. Edward Janga ku Edwin Thielman a bai di 2-2, ámbos i Robert Trinidad a bai di 4-3. Catpower a dal 6 hit i nan a hasi 2 eror. Ericson Windster a karga ku e derota. Hendrik Gabriel, Percy Gosepa, Elmus Poulo, Richard Campagnard, Rivelino Moesker ku Frensel Esclodina, tur a bai di 2-1. Elmus Poulo a konektá 1 homerun.
Baranka 11, Sluggers 4
Baranka a dal 10 hit i nan a kometé 1 eror.. Curtly Valeriaan a gana. Gregory Reina ku Wendell Anthony, ámbos a bai di 2-1. Joseph Everon di 3-2. Emmeric Agatha a bai di 2-2 i Myron Wijman di 3-3. Emmeric Agatha a konektá 1 homerun. Pa Sluggers 7 hit ku 4 eror. Junny Wawoe a pèrdè. Aegidio Juliana ku Victor Hernandez a bai di 2-1, ámbos. Sharlon Noor ku Ivan Constancia, ámbos a bai di 1-1 i Raymond Lieuw a bai di 2-2.
MAS INFORMASHON DI SÒFTBÒL I BEISBÒL
Fanátikonan di Deporte Kòrsou, bontardi. Bon públiko djasabra i djadumingu na Van Engelen Ballpark riba e fecha kaminda tabatin semi-finalnan i finalnan den diferente kategoría. Pa loke ta trata e kategoria 40+ ekiponan CRU i Flow a pasa pa final. A finalistanan di 2022 ku ta Polis i MCB a keda eliminá den semi-final. Den e promé semi-final ekipo Flow a gana MCB ku skor di 4 pa 2. Despues CRU a gana Polis 10 pa 4.
* * * * *
Tabatin algun wega emoshonante di semi-final despues, weganan ku a terminá pèrtá i dilanti un públiko grandi animando nan ekipo preferí. Mester bisa ku MCB a logra gana EWT fásil den e kategoría Soshal Femenino. Den e otro weganan MCB no a logra gana. MCB tabata den semi-final den 4 diferente kategoría, 40+, Soshal, COED i Femenino. Un wega realmente sensashonal tabata e wega entre MCB i EWT/Mac Donalds den e kategoría Soshal. E wega a bai 5 tie break pa EWT laga MCB den tereno ku skor di 9-8. Na momentu ku ekipo di MCB na 5 okashon tabata kla pa gana, EWT tabata hinka nèt e kareda pa manda e wega un inning di Tie Break.
* * * * *
Den Liga 50 na Post 6, ekipo Ban Serio ku un alineashon basta serio pendiente pa yegada di Jair Josepha, a gana Marlins ku skor di 11 pa 9. Ban Serio a demonstrá su poder na bate i a konektá 3 homerun. Marlins tambe a konektá un homerun. Marlins a sali bai ariba 3-0 den kabes di promé inning i mesora Ban Serio a nota 6 kareda den bòm di mesun inning ku bateo sólido ku homerun di entre otro Miro Daal. Marlins a yega serka 6-5 pero a keda kòrtiku. Den di 6 inning Marlins tabatin base yen ku un out, pero no a logra nota kareda despues ku base a yena. Den e otro weganan Jaws a dal Pitufos duru pa nòkout 11-1. Jaws a kuminsá gana su weganan rumbo pa klasifikashon atrobe.
* * * * *
Lions a dal Catpower durísimo ku skor di 21-6 i den e último wega Baranka a gana Sluggers 11 pa 4. Baranka i Ban Serio ta úniko ekiponan invikto. Marlins a pèrdè nan invikto. Standing den Liga 50 ta Baranka 4-0, Ban Serio 3-0, Marlins 3-1, Sluggers 2-1, Jaws 2-2, Pitufos 2-2, Lions 2-3, Flamboyan 1-2, Artemisia 0-4 i Catpower 0-4. Awe nos tin resultadonan di Liga 50. Djasabra awor ta pendiente pa sigi na Van Engelen Ballpark. Otronan ta bisa ku lo sigi un djasabra mas den Stadion Post 6. En todo kaso djasabra awor un invikto lo kai na momentu ku Ban Serio topa ku Baranka pa 4’or di atardi. Kandela ruman den Stadion Post 6 entre Ban Serio, un tempu super kampion, i Baranka ku ta komandando Liga 50 ku dos tَítulo sigí (2021 i 2022). Nos ta keda te aki pa awe.
