Gai Lihe a sera aña i entregá premio na hungadónan di ekipo Nos Goso i Tur Goso

WILLEMSTAD- Djasabra 16 di desèmber Gai Lihe di Gai Lihe Tire Serivices & Muffler Repair a sera aña den presensia di hungadó, téknikonan i un gran kantidat di invitado. E evento e tuma lugá den oranan di anochi bai kue mardugá na Dupont. Tabata un homenahe speshal pa Carlientje Cleopa ku a habri e programa papiando ku esnan presente i splikando su historia den Sòftbòl Fastpitch i despues den Slowpitch.  Despues Jeffrey Martina a pasa riba e CV kompletu di Carlientje Cleopa.

Gai Lihe ta tira spich pa start e evento.

‍

Gai Lihe spònser di ekipo Nos Goso a tuma over despues i duna un show kompletu partiendo premio pa esnan ku a destaká i regalo na tur hungadó den presensia di algun miembro di prensa ku tabata presente. Gai Lihe a splika na plaka chiki dikon ela premia e hungadónan i asta wante di oro tabatin. Carlientje Cleopa a gana un wasmashin nobo nobo komo e hungadó mas balioso di Nos Goso di 2023 i Gai Lihe lo spònser Tur Goso tambe den 2024 i a entregá e tim un kaha di unifòrm mesora. Deporte Kòrsou ku tabata presente a saka vários pòtrèt i awe nos tin e detayenan.

Carlientje Cleopa MVP di Nos Goso di 2023 ku a gana wasmashin komo e premio grandi di aña.
Emily Jonis ta tuma premio.
Asila Finies tambe a risibí premio.
Chape Bernardus ta tuma premio komo tékniko.
Gai lihe a anunsiá ku e lo spònser Tur Goso tambe.
Leonise Avastia tambe a risibí premio.
Rixaira Poulina a gana e premio di wante di oro.
Gai Lihe, presidente Gisela Maria, yunan di Gai Lihe.
Nathaly Lourens ta risibí premio serka Wendell Anthony,
Joyce Arnhem ta risibi premio serka Glenn Matrona.
Presentenan durante Sera Aña Nos Goso.

‍

Mas premio pa hungadónan. Wendell Anthony ta entrega premio.

‍

‍

‍


Quality Stars kampion di Beisbòl Veterano a honra spònser

‍
WILLEMSTAD – Ekipo Quality Stars kampion invikto di Beisbòl Veterano 2024 a honra spònser Wine Cellar. Direktiva di e ekipo Hayzem Martina i Vernon de Lanoi a entregá e trofeonan di 2022 i 2023 na e spònser. Dos siman pasá Quality Stars a sera aña den presensia di hungadó i direktiva a premia esnan ku a destaká.

Dirigentenan di Quality Stars a entregá trofeo di kampion Beisbòl Veterano 2022 i 2023 na spònser Wine Cellar.

‍

‍