Gran final di Futbòl Mundial Qatar 2022 entre Francia i Argentina
QATAR- Djadumingu pa 11'or ora di Kòrsou lo tin e gran final di Kopa Mundial di Futbòl entre Francia i Argentina. Tur dos ekipo tin 2 título Mundial i lo bai pa nan di 3 título. Argentina a gana títulonan Mundial na 1978 i 1986, miéntras Francia a gana Kopa Mundial na 1998 i 2018. Francia por bira e promé ekipo ku ta ripití kampion Mundial di Futbòl for di tempu ku Brasil a gana na 1958 i 1962. En todo kaso Argentina a gana Croatia pa yega final djamars 13 di desèmber i Francia a dal Maroko 2-0. Wega bálido pa posishon 3 i 4 entre Croatia ku Maroko ta tuma lugá 17 di desèmber pa 11’or ora di Kòrsou. Nos tin detaye i estadístika di Kopa Mundial di Futbòl den e artíkulo aki.
