Gran final di Liga 50 entre Jandoret i Yesterday
WILLEMSTAD – Djadumingu 5 di desèmber pa 2.30 pm lo tin e gran final di Liga 50 entre Jandoret Raiders i Yesterday. Ekipo Jandoret kampion di 2020 i último añanan den 50, a gana Vosama pa bai final, miéntras ekipo Yesterday a sorprendé Sigi Hunga. Na 2020 Jandoret a gana Sigi Hunga den un final pèrtá. Despues di wega tin entrega di premio. Awe nos tin e resultadonan di e weganan di semi-final ku a tuma lugá dia 28 di novèmber 2021 na Vi Jansen Ballpark.
RESULTADONAN
Yesterday 7, Sigui Hunga 4
Pa Yesterday 7 kareda, 14 hit i 0 eror. Picher ganadó Wendell van ‘t Kruys. Mihó bate Erwin Benita i Cedric Curiel, ámbos di 4-3 i Pernell Sprott di 3-2. Pa Sigui Hunga 4 kareda, 7 hit i 1 eror. Picher pèrdèdó Franklyn Leuteria. Mihó bate Irving Sambo di 4-2.
Jandoret Raiders 50+.
Jandoret Raiders 8, Vosama 0
Pa Jandoret 8 kareda, 14 hit i 0 eror. Picher ganadó Clifton Yziek. Mihó bate Myron Wijman di 3-3; Earl Virginie di 1-1; Renato Anasagasti i Angelo Martina ámbos di 3-2. Pa Vosama 0 kareda, 7 hit i 1 eror. Picher pèrdèdó Cedric Antonia. Mihó bate Tyrone de Palm di 3-2; Feliz Ibañez di 1-1.
Ku e resultadonan aki e gran final di BEVEKO Bright Baseball Liga 50 ta programá pa 5 Desèmber pa 2:30pm entre Jandoret Raiders vs Yesterday.
Pa 11:00am lo tin e partido pa di tres puesto entre Sigi Hunga i Vosama.
