Gran final entre Eureka i Tur Goso djadumingu 3’or Liga 60 i mas informashon di Sòftbòl i Beisbòl
WILLEMSTAD- Djadumingu awor pa 3’or tin e gran final entre Eureka i Tur Goso den Liga Streanan di Ayera. Ta trata aki di e final 50+ di Sòftbòl Femenino Veterano.
Eureka a eliminá e èks kampion Treasure den semi-final i a gana di Tur Goso den e promé wega siman pasa. Ta spera un púbiko grandi na Sam Bunting Ballpark pa mira e gran final aki. Si Eureka gana nan lo ta kampion i den kaso ku ekipo Tur Goso gana lo tin wega desisivo wikènt di 15/16 di yüli.
Liga 60 ku tres wega djadumingu awor den Frank Curiel Ballpark
WILLEMSTAD- Liga 60 ku ta hala hopi públiko na Frank Curiel Ballpark, lo sigi ku 3 wega djadumingu awor na Frank Curiel Ballpark. Despues di un break en konekshon ku Torneo Dia di Bandera organisá pa ekipo Curacao Super Stars i Rudy Brunken, e kampionato ta sigi. Nos Tambe Por ku a bira kampion di e torneo lo topa ku Lions ku tin vários atkisishon nobo den 2023. Kandela mes ta den oranan di mèrdia, na momentu ku Los Amigos ku a bira kampion den dos torneo warmup den 2023 topa Pitufos ku ta hopi serio den 2023.
SKEDJEL
11.00 Jaws – Curacao Super Stars;
13.00 Nos Tambe Por – Lions;
15.00 Los Amigos – Pitufos.
%20copy.jpg)
MAS INFORMASHON DI SÒFTBÒ I BEISBÒL
Fanátikonan di Deporte Kòrsou, bontardi i felis wikènt. Despues ku vários Liga a wanta un ratu wikènt pasá, nos ta sigi ku weganan normal. Djabièrnè Liga di Nos Tur ta sigi na Frank Curiel Ballpark ku dos wega. Djasabra tambe tin dos wega. Liga 50 ta sigi ku solamente dos wega na Van Engelen Ballpark i Beisbòl Veterano ta sigi djasabra i djadumingu. Djadumingu ta kandela tin na Sam Bunting Ballpark na momentu ku ekipo Tur Goso lo topa ku Eureka pa 2’or pm kombiná ku algun wega di Sòftbòl Soshal.
* * * * *
Djaweps un grandi tabata di fiesta ku ta Frank Curiel ku tin un historia largisimo den Beisbòl i Sòftbòl. Frank Curiel un dje grandinan di Beisbòl, fundadó di Santa Maria Pirates, a selebrá su di 78 aña di bida huntu ku famia i amigunan djaweps for di mèrdia den Frank Curiel Ballpark, kaminda Frank ta biba. Deporte Kòrsou a keda di pasa un ratu plasentero serka Frank i banda di training di Nos Tambe Por. Frank ta fundadó di Santa Maria Pirates Beisbòl Veterano tambe i a hunga Futbòl den Vesta, Beisbòl den Santa Maria Klase A, Dòbel A i Veterano. Frank a train hopi Big Leaguer di awendia, entre otro Jonathan Schoop di Detroit Tigers. Frank ainda ta aktivo den train hóbennan den Beisbòl little League i ta move den e ekipo Nos Tambe Por 60+ di Sòftbòl. Pabien (alsnog) i hopi aña mas di bida.
* * * * *
Grensley ‘Tutuchi’ La Croes di ekipo Baranka 50+ tambe tabata di fiesta djaweps. Un gran personahe tantu pafó komo padén di tereno. Kècher personal di Kenny Hellement den tur e éksitonan di Baranka Liga 50 di último añanan. Tutuchi ta hungadó ku a kuminsá for di Little League serka Frank Curiel di Santa Maria, pa despues hunga den Mahuma Klase A i Dòbel A. Hòmber ku hopi eksperensia di Radio Difushon komo tékniko di Radio Hoyer den añanan 90 i komienso di 2000. Hopi aña mas di bida Tutuchi.
* * * * *
Di 27 pa 30 di yüli tin Torneo SKAK na Kòrsou ku partisipashon di ekiponan di Kòrsou, Aruba i Boneiru. Di Aruba lo tin Setar i Balashi, di Boneiru e ekipo WEB. Di Kòrsou masha hopi ekipo mes, entre otro Selikor, VKC Renaissance, SDKK, Omni Sulca, Quick 60, Coca Cola, EWT/Centrum, Mac Donalds, Corendon/GGZ/HICC. Lo tin 40+ komersial tambe ku partisipashon di Polis, CRU, Flow/ JP Maal i The New Prosperity. Keda pendiente pa mas informashon di e torneo aki.
* * * * *
Skèdjelnan di wikènt, Liga 50 tin weganan solamente 2’or i 4’or. 2’or Pitufos kontra Sluggers, 4’or Baranka kontra Flamboyan Tigers. Ban Serio tin barwacht. Otro weganan ta Beisbòl Veterano riba djasabra 8 di yüli 10.30 Vosama – Azucar, 13.00 Santa Maria – Otrabanda, Quality Stars – Yesterday. Djadumingu 9 di yüli ta Marchena Stars – Santa Rosa, 13.00 Jandoret – The Brothers i 15.30 Marlins – Isla Crackers.
* * * * *
Final di Liga Streanan di Ayera di djadumingu awor ta lo sigiente. 3’or pm ta Eureka kontra di Tur Goso. Kòrda ku Eureka a sorprendé ekipo Treasure, e último kampion djarason 28 di yüni, pa despues sorprendé otro grandi ku ta Tur Goso djabièrnè 30 di yüni. Eureka ta den Driver Seat pa bira kampion pa promé biaha den nan historia segun nos. Na 2022 no tabatin kampion di Liga Streanan di Ayera di 50 i na 2021 Treasure tabata kampion. Otro weganan ta 11’or Bala Brothers vs Sint Jago, 12.30 Among Us – Jaguar i 17.30 Final Maskulino. Weganan ta na Sam Bunting Ballpark.
* * * * *
Liga di Nos Tur a sigi djabièrnè i awe djasabra na Frank Curiel Ballpark. Djabièrnè 7 di yüli Join Me a perde feros kontra di Sin Stress (14-1) Un Kara a kai atrobe i e biaha aki ta kontra Chilling ku skor di 3-2. Djasabra 8 di yüli ta Chilling vs Join Me pa 8’or pm i despues pa 9.45’or pm ta Sin Stress kontra di Shining Stars. Standing den Liga di Nos Tur ta Shining Stars 3-0, Sin Stress 3-0, Un Kara 1-3, Chilling 1-2 i Join Me 0-3. Sorpresa sigur ta Shining Stars ku ta na promé lugá, anto ku viktoria riba entre otro Un Kara ku ta e ekipo Super Kampion. Liga 60 ta sigi ku 3 wega, pa 11’or Jaws – Curacao Super Stars, 1‘or ta Nos Tambe Por – Lions i 3’or ta Los Amigos – Pitufos. (Kandela ruman). Sluggers tin barwacht i Nos Power ta liber. Nos ta keda te aki pa awe.
