Fanátikonan di Deporte Kòrsou, bon dia i felis wikènt. Beisbòl Veterano ta sigi e wikènt aki ku algún wega kandela ku ta klave pa posishon di e promé 6 ekiponan. Ekiponan Isla, Jandoret, Santa Maria, Quality, Santa Rosa i Bulldogs a klasifiká kaba. Importante ta kua ta e ekiponan ku lo terminá number 1, 2 i 3. Tambe number 4, 5, 6. Manera ta konosi ekiponan ku terminá number 1, 2 i 3 ta bai play-off semi-final dirèkt i ekiponan 4, 5, 6 lo hunga Wild Card. Ekiponan 5 i 6 lo hunga dos wega di Wild Card promé ku nan pasa pa semi-final. Play-off ta 5 vs 6, ganadó lo sigi kontra number 4 i despues play-off semi-final. Skèdjel di wikènt den BEVEKO: Djasabra 11 di sèptèmber 10.30 The Brothers – Otrabanda, 13.00 Azucar – Marchena, 15.30 Isla – Bulldogs (kandela). Djadumingu 12 di sèptèmber 10.30 Vosama – Marlins, 13.00 Quality – Santa Rosa (fèrfelu), 15.30 Jandoret – Santa Maria (otro kandela).
* * * * *
Varios wega mas e wikènt aki interesante. Liga 50 ta sigi e wikènt aki si despues di dos siman sin wega na Van Engelen Ballpark. Djasabra 28 di ougùstùs i djasabra 4 di sèptèmber no tabatin wega di Liga 50 na Van Engelen Ballpark. Tene kuenta ku direktiva di Liga 50 a saka un skèdjel nobo. Na mes momentu lo tin weganan di Liga Amstel djasabra awor na Van Engelen Ballpark. Liga Amstel su standing ta up to date. Bombers 6-2, Cicoza 6-2, Gamers 5-3, Thrillers 5-3, X-Treme 4-4, Sugar 3-5, Terrepower 2-6 i Terremoto 1-7. Skèdjel di Liga Amstel ta 10.00 Thrillers – X-Treme, 12.00 Terremoto – Terrepower, 14.00 Cicoza – Sugar, 16.00 Bombers – Gamers.
* * * * *
Liga 50 ta sigi djasabra ku 10.00 Pitufos – Marlins, 12.00 Catpower – Flamboyan, 14.00 Jaws – Artemisia, 16.00 Ban Serio – Mon Repos Sluggers. Standing di Liga 50 ta Lions 7-1, Ban Serio 6-1, Baranka 6-2, Flamboyan 5-3, Marlins 4-3, Pitufos 3-4, Jaws 2-5, Mon Repos Slugges 2-6, Artemisia 1-5 i Catpower 0-6. Lider den bateo ta Albert ‘Computer’ Pieternella di Ban Serio ku .750. Gino Valeriaan di Baranka ku tabata na promé lugá den bateo tin un average di .737. Amarildo Coffie di Marlins ta lider den RBI ku 11. Lesley ‘Le’ Martina di Artemisia ta number 1 den picheo ku 1.24 sigí pa Edison Sambo di Lions ku tin 1.91. Johan Cicilia di Pitufos ta number 1 den ponche tirá ku 8, sigí pa Kenny Hellement (Baranka) ku tin 7 ponche.
* * * * *
Liga di Nos Tur a sigi djabièrnè 10 di sèptèmber ku un wega. Pa 8’or pm Curacao Sweethearts lo topa ku Sin Stress. Djasabra 8’or Sin Stress lo topa ku Curacao Sweethearts atrobe. Direktiva a bolbe bai riba e sistema di double header den wikènt. Standing di Liga di Nos Tur ta Chilling 7-2, Un Kara 6-2, Join Me 5-4, Sin Stress 3-3, Curacao Sweethearts 2-6, Shining Stars 2-8. Liga Di Nos Tur pendiente ki dia lo habri atrobe di manera ku por hunga dos wega riba djabièrnè i djasabra.
* * * * *
Ban pa Beisbòl Dòbel A kaminda kos ta kayente. Royal Scorpions a dal Firebirds fásil ku skor di 15-1 djarason. Royal Scorpions ta mustra sólido ku un staf fèrfelu di picheo, bon bateo i bon defensa. Royal Scorpions tin hopi profundidat. Standing promé ku e wega di ayeranochi tabata Wild Cats 13-4, Royal Scorpions 11-4, Santa Rosa 10-6, Santa Maria 7-7, Firebirds 6-7, Groot Kwartier 6-10, Marchena 0-15. E lucha ta mas bien entre Firebirds i Santa Maria pa di 4 lugá, pero mester bisa ku ainda Firebirds por yega di 3 lugá. E seri entre Firebirds i Santa Maria ku lo tuma lugá fin di otro siman lo ta krusial. Santa Maria falta Marchena Braves tambe.
* * * * *
E hóben JoHarvy Martines di Wild Cats a impreshoná e siman aki komo picher. JoHarvy tabata tira 93 pa 94 mia parse. Joharvy ta pendiente pa firma i tabatin algun skout Yu di Kòrsou pendiente ta sigi Joharvy su pasonan. Joharvy a poncha 6 batiadó den 2 inning i dos tersio den e wega di djamars entre Wild Cats i Groot Kwartier. Ta dos out so no a keda saká pa ponche. Nos tin un wega sin mira Yurendell de Caster den alineashon di ekipo Wild Cats. Yurendell tabata den un slump chiki apesar ku ela gana Homerun Derby. Djaluna Yurendell a bati di 2-0 i su average ta .320. Y . Dado momentu e tabata batiendo di 405urendell a bati di 5-4 i Sali MVP di All Star ku a tuma luga djabièrnè 10 di september.
