Jandoret Raiders a rekordá 25 aña di eksistensia

WILLEMSTAD- Djabièrnè 15 di yanüari, e ekipo di Beisbòl Veterano Jandoret  Raiders a rekordá e echo ku 25 aña pasá e ekipo a keda fundá. Pa rekordá e echo aki, algún hungadó- i fanátikonan a akudí na un Santu Sakrifisio di Misa na Misa di Jandoret i después a keda huntu un ratu den kurá di Misa. Promé ku e Santu Sakrifisio di Misa terminá,  fundadó Jeffrey Martina a hiba palabra i pasa den e historia di Jandoret Raiders for di 15 di yanüari 1996 te ku 15 di yanüari 2021.  A entregá plaka di mérito na kuater hungadó ku a kumpli 25 aña stret ku e ekipo sin interupshon. Sin falta ningún kampionato,  ni pa leshon òf pa otro motibunan.

Di robes pa drechi: Jeffrey Martina, Raylan Capella, Gregory Zimmerman,  Charlton van Thijs, 25 aña stret ku Jandoret Raiders, Renato Anasagati (24 aña), Arrington Zimmerman (25 aña). Jandoret Raiders a honrá hungadónan ku tabata tei for di komienso durante selebrashon di 25 aña.
Robertico Castillo di Top Professional Cleaning ta risibí sertifikado serka Jeffrey Martina.
Shaheen Elhage (Botica de Savaan) ta haña rekonosimentu. Giselle Zimmerman ta entregá plakat.

Ta trata aki di Jeffrey Martina, Gregory Zimmerman, Raylan Capella i Charlton van Thijs. Tambe a entregá plaka di mérito na spònsernan i fanátikonan ku tin 25 aña stret ku e ekipo. Arrington Zimmerman ku tei for kuminsamentu ku un interupshon kòrtiku i ku tei bèk for di 2012 te ku 2021. A entregá plakat na spònsernan Shaheen Elhage di Botica de Savaan (21 aña spònser i èks hungadó), Robertico Castillo di Top Professional Cleaning (5 aña spònser, hungadó, entrenadó i hopi aktivo riba tereno soshal ku e ekipo), Minguelito Hortencia di Elica Installatie (spònser for di 1996) i  Lionel Micaela di Montana Auto Parts (gran spònser ku tei ora mester di su aporte).

Spònser Lionel (Montana Autoparts) Micaela ta risibí rekonosimentu serka Jandoret Raiders. Jeffrey Martina fundadó di e ekipo ta entregá un plakat.
Minguelito Hortencia (Elica Installatie) ta risibí sertifikado serka Giselle Zimmerman, fanátiko number 1 di Jandoret Raiders. Sponser for di komienso (1996)
Hungadó i fanátikonan durante Sakrifisio di Misa dia di selebrashon di 25 aña Jandoret Raiders.

Nos País Television ku Alexander Macaja i Robert Emperador tambe tabata presente. Den kurso di dianan nos lo tin mas detaye i historia di Jandoret Raiders.

E fundadó di Jandoret Raiders, Jeffrey Martina ta tirando un speech.
Algun fanátiko despues di misa.
Sponser Robertico Castillo di Top Professional Cleaning na yegada na Misa di Jandoret.
Mas hungadó i fanátiko den Misa di Jandoret djabièrnè 15 di yanüari.\