Jandoret Raiders kampion Beisbòl Veterano 50+
WILLEMSTAD- Jandoret Raiders ku 9 kareda den inning number 5 ta bòltu skor, pa gana 10-7 di Yesterday den e gran final di Beisbòl Veterano 50+ ku a tuma lugá na Vi Jansen Ballpark, kas di Beisbòl Veterano. Yesterday tabata ganá kómodamete 7 pa 1 te den di 5 inning. Ta di 4 biaha sigí ku Jandoret Raiders ta bira kampion 50+ den Beisbòl Veterano.
Den e wega bálido pa di 3 lugá, ekipo Vosama ku picheo di Xaviero Avastia a gana di Sigi Hunga 8-0. Nos a risibí un komunikado ofishal di BEVEKO di e resultado final. Na entrega di premio Shendy Cras presidente di BEVEKO a bisa ku Liga 50 lo bai krese den Beisbòl i probablemente lo mester buska otro tereno òf kuminsá i kaba e kampionato mas tempran ets. Den e reunión general na final di temporada lo tin mas detaye di Beisbol Veterano 50+ i naturalmente 40+.
RESULTADONAN
Jandoret Raiders 10 – Yesterday 7
Pa Jandoret 10 kareda 9 hit i 1 eror. Earl Virginie tabata picher ganadó. Mihó bate tabata Renato Anasagasti di 3-3 i Shendy Cras di 2-2. Pa Yesterday 7 kareda, 9 hit i 3 eror. Picher pèrdèdó a resultá Pernell Sprott. Sharlon Louisa i Cedrix Valies, ámbos di 3-3.
Ku e resultadon aki e ekipo di Jandoret Raiders ta titulá kampeon di BEVEKO Bright Baseball Liga 50 pa di 4 aña konsekutivo.
E partido pa di 3 lugá a konosé e siguiente resultado.
Vosama 8 – Sigui Hunga 0
Pa Vosama 8 kareda 9 hit i 1 eror. Picher ganadó tabata Xaviero Avastia. Mihó bate a resultá Xaviero Avastia ku a bai di 4-3 i Charles Daal di 3-2. Pa Sigui Hunga 0 kareda, 6 hit i 3 eror. Picher pèrdèdó tabata Raynold Anderson. Mihó bate: Julien Ignacio di 3-2 i Leslie van Kimmenade di 2-1.
Vosama ta terminá na di 3 puesto.
