Jandoret Raiders Leftovers i Marlins ta gana den Kopa ABC
WILLEMSTAD- Ekiponan Jandoret Raiders, Marlins i Ban Serio tabata sólido den e promé fecha di Kopa ABC&S. Jandoret Raiders a gana Tigers Vets 17 pa 0 ku no hit no run tirá pa e picher Gregory Martijn di Jandoret Raiders. Leftovers ku a yega djabièrnè a swip den nan double headers. Jandoret tabatin un ofensiva di 22 hit. Den un otro wega den mesun divishon ekipo Astros a gana Dragons 16 pa 5 riba vèlt B. Ban Serio a gana di Lions 12 - 2ku bon picheo di Michelangelo Boehoudt i bateo di Kelvin Winklaar. Lions di Sint Maarten a gana Invadors di St.Eustatius ku skor di 26-6. Survival a dal Sluggers duru ku skor di 12-2.Eugene Helder tabata e picher ganadó. Richard Simon a bati di 4-3 i Renny Hernandez di 4-2.
Standing prome ku weganan di djasabra
Jandoret 2-0, Lefotvers 2-0, Astros 2-0, Marlins 2-0, Lions 1-1, Survival 1-1, Decos 1-1, Ban serio 1-1, Tigers Vets 0-2, Sluggers 0-2, Dragons 0-2, Invadors 0-2
Resultadonan
Pul A
Malrins 10, Deocs 4
Survival 12, Sluggers 2
Marlins 5, Survival 4
Decos 19, Sluggers 4
Pul B
Lions 26-Invadors 6
Ban Serio 12, Lions 2
Leftover 16, Invadors 1
Leftover 14, Ban serio 13
Pul C
Jandoret Raiders 17, Tigers Vets 0
Astros 16, Dragons 5
Jandoret 17, Dragons 1
Astors 7, Tigers Vets 3
MAS INFOMRASHON DI SÒFTBÒL
Fanátikonan di Deporte Kòrsou, bon dia i felis wikènt. Nos tei bèk despues di un dia liber i kargá ku informashon di e ABC&S-nan ku ta tumando lugá na Kòrsou i na Aruba. Aki na Kòrsou ta ABC&S di Liga 50 i na Aruba ta di e hóbennan. Nos tin e resultadonan den e artikulonan huntu ku pòtrèt. Aya na Aruba kos masha feros mes a pasa kaminda ekipo di Kòrsou Swift tabata envolví den un tángana riba tereno ku ekipo Redskins. Masha hopi video ku esenanan masha mahos mes kaminda gòlpi a kai ámbos banda. Polis a yega na tereno i hasi detenshon. Esnan ku a keda detene a keda laga den libertat.
* * * * *
Aki na Kòrsou tremendo ambiente mes mes, durante ABC&S organisá pa ekipo Marlins i nos tin e resultadonan di e promé dia. Ekiponan Marlins, Jandoret Raiders, Ban Serio i Survival a gana riba tereno A. Pa loke ta tereno B ekipo Lions i Astros a gana. Bon ambiente na Van Engelen Ballpark i weganan ta sigi awe djabièrnè, djasabra i djadumingu na Van Engelen Ballpark. Bon ambiente i un públiko grandísimo djaweps na Van Engelen Ballpark. Ayera despues di e wega di Survival tabatin homenahe na algun hungadó Yu di Kòrsou ku a hunga ku Aruba den kopa ABC&S ku tabata Reinaldo Casimiri i Hubert Gomez. Despues a bini ku un regla ku mester ta biba na e pais pa por hunga den Kopa ABC&S.
* * * * *
Ayera djabièrnè i awe djasabra lo tin wega entre Nos Goso i Treasure bálido pa semifinal di Diamond Stars League na Sam Bunting Ballpark. Treasure a gana Nos Goso fasil 10-3, djabièrnè 15 di mei. Nos Goso a gana e ekipo The Fighters den serie entre number 4 i number 3. E ekipo Treasure a kai vensí den dos wega stret kontra e ekipo Rising Phoenix. E ekipo Rising Phoenix ta gran faborito pa bai ku e título di kampion atrobe. Nan ta kampion di temporada 2024 i 2025. Nos tin numerito di e dos weganan den nos kolumna. Nos Goso a gana The Fighters 10 pa 6 djabièrnè. Nos Goso a dal 13 hit i hasi 1 eror. Emily Jonis a bai di 3-3 pa Nos Goso i Sonna Valies di 2-2. Emily Jonis konektá un homerun i Carlintje Cleopa tabata e picher ganadó.
* * * * *
Djasabra den un wega pèrtá ekipo Nos Goso a gana e ekipo The Fighters pèrtá despues ku nan tabata atras ku skor di 4-3 pa bin gana 6-5. Miriela Carlo a bati di 3-2 i Carlintje Cleopa a bolbe bira e picher ganadó den relevo pa Bernabela. Pa loke ta trata e otro serie, Rising Phoenix a gana Treasure New Era 4-1 djabièrnè. Monica Noor tabata e picher ganadó i vários hungadó a bati di 2-1. Djasabra Rising Phoenix a bolbe pasa fásil riba Treasure ganando 6-2.Suyenne Otto- Apostel tabata e picher i Susmaline Rifaela a bati di 2-2. Djabièrnè 8’or i djasabra 8’or weganan ta sigi .
* * * * *
Miéntras tantu bèk pa ABC&S Weganan ta sigi awe mainta bai kue mèrdia i atardi na Van Engelen Ballpark. Pa loke ta trata Golden Athlete Caribbean Championship na Aruba , algun wega a para ayera debí ku pickup a dal den e pali lus den kaya banda di vèlt i kita koriente kompleto den e bario. E palu di lus a keda benta di kaya dura basta ora promé ku vèlt por a haná koriente bèk. Pitufos a gana di Colombia 7 pa 2 i Jaws a pèrde nan weganan tantu den 50 komo den 60+. Tene kwenta ku e resultadonan di Aruba no ta konfirmá i no ta konosí kiko lo bai pasa den e ABC&S aya na Aruba. Situashon ta sigi tenso rondo di e kopa ABC&S di e hóbennan ku ta tumando lugá na Aruba.
* * * * *
Un dia skur i hopi skur pa loke ta trata e Kopa ABC&S na Aruba. Un historia largu ku a start na Kòrsou for di 1984 i algu asina aki nunka a pasa den historia di Kopa ABC. Aki na Kòrsou kosnan ta kanando den gran forma i ta spera un públiko grandi awe i djasabra i djadumingo atrobe. Nos ta keda te aki pa awe i te djaluna ku Poder di Dios.
