Final ta sigi djasabra 5 di desèmber
Jandoret Raiders ta gana promé wega di play-off final ku skor di 12-1
WILLEMSTAD- Jandoret Raiders a dal Quality Stars ku skor di 12-1 den e promé wega di e seri final mihó di 3 di Beisbòl Veterano. E wega a tuma lugá djasabra mèrdia na Vi Jansen Ballpark.
Wega number 2 di e seri final ku mester a tuma lugá djadumingu 29 di novèmber a keda suspendé pa motibu di mal estado di tereno. Wega number 2 a keda programá pa tuma lugá djasabra awor 1’or na Vi Jansen Ballpark. Si ta nesesario lo hunga wega number 3 djadumingu 1’or.
Den e wega di djasabra último Orsendo Clemencia tabata hermétiko tirando wega kompletu di solamente 2 hit, pa Jandoret Raiders nòkout e ekipo Quality Stars ku skor di 12-1 den 5 inning. Jandoret a nòkout Quality ku skor di 12-1 notando 10 kareda den bòm di e di 2 inning kontra Rydell ‘Bieu’ Isabella.
Ekipo Jandoret Raiders despues di wega.
NUMERITONAN:
Jandoret Raiders a skor 12 kareda, bati 13 hit i kometé 2 eror. Orsendo Clemencia a gana i Randolph Balentina a bati di 3-3. Quality Stars a nota 1 kareda, konektá 2 hit i hunga sin eror. Rydell Isabella tabata e picher pèrdèdó. Rydell Isabella i Merieldo Trinidad a dal e dos hitnan di Quality Stars.
Orsendo Clemencia, picher ganadó pa Jandoret Raiders. Ela tira 5 inning i tuma solamente 2 hit.
