Jaws ta laga Flamboyan den tereno i Marlins ta derotá Artemisia den Liga 50
WILLEMSTAD – Liga 50 a sigi djasabra último ku 4 wega na Van Engelen Ballpark. Ekiponan Jaws, Marlins i Ban Serio ku ta den klasifikashon a gana nan kontrikantenan. Baranka ku ta number 1 di liga ku tambe a klasifiká tabatin barwacht i no a hunga.
Mayoría ekiponan falta 1 òf dos wega pa terminá e buelta regular. Play-off ta pendiente pa start dia 7 di òktober entre ekiponan Baranka, Ban Serio, Jaws i Marlins. Siman pasá Jaws a laga Flamboyan den tereno ku skor di 12-10, Marlins a dal Artemisia 6-4. Pitufos a laga Lions den tereno ku skor di 17-16. Chino Louisa a dal 3 homerun den e wega ei. Den e otro wega di djasabra último Ban Serio a dal Catpower feros 16-0. Catpower a baha bai laga wega parse.
Jaws 12, Flamboyan 10
Jaws a dal 15 hit i hunga sin eror. Ralph Hermans tabata e picher ganadó . Fernando Rosario di 3-3. Xaviero Avastia a dal dos homerun. Fransje Lambertina a bati di 2-2.
Flamboyan a dal 13 hit i hasi 1 eror. Luis Alcantara tabata e picher pèrdèdó. Robertico Castillo i Gerthon Matrona a bati di 3-3. Luis Alcantara a dal un homerun.
Marlins 6, Artemisia 2
Marlins dal 10 hit i hasi 1 eror. Patrick Elisa a gana, Erwin Marsden a bati di 2-2. Mairon Martinus di 3-2 ku un homerun. Amarildo Coffie di 3-3. Artemisia a bati 4 hit i hunga sin eror. Wederfoort tabata e picher pèrdèdó. Cedric Antonia a bati di 2-2.
Pitufos 17, Lions 16
Pitufos a bati 15 hit i hasi 1 eror. Elston Constancia tabata e picher ganadó. Sidney de Windt a bati di 2-2, Sharlon Luisa di 3-3 ku 3 homerun. Elston Constancia di 4-2 ku un homerun. Lions a bati 13 hit i kometé 1 eror. Sandy Marcelia a bati di 4-4, Hubert Sakoetoe di 4-3. Glenn Pieternella tabata e picher pèrdèdó.
Ban Serio 16, Catpower 0
Ban Serio a dal 7 hit i hunga sin eror. Michelangelo Boekhoudt tabata e picher ganadó i Charlton van Thijs, Geronimo Daflaar i Luigi Yanez a bati di 1-1 ku un homerun. Catpower a dal 3 hit i nan tambe a hunga sin eror. Percey Gosepa a pèrdè. Percy Gosepa, Vernon Demali i Elmus Poulo bati di 1-1.
MAS INFORMASHON DI SÒFTBÒL I BEISBÒL
Fanátikonan di Deporte , bon dia i felis siman. Simannan krusial pa loke ta trata MLB ta na kaminda. Mayoria ekipo a hunga entre 149 i 150 wega, ke mèn falta 12/13 wega pa terminá e kampionato regular. Kampionato regular lo terminá djadumingu 1 di òktober i tur ekipo lo hunga 3.10 di mèrdia. Ekipo Atlanta Braves ku tin masha hopi fanátiko na Kòrsou ya a klinch nan divishon despues ku nan a klinch un puesto den play-off siman pasá. Baltimore i Tampa Bay a klinch pa por lo ménos Wild Card i ta luchando pa gana nan divishon.
%20copy.jpg)
* * * * *
Siman pasá nos a splika kon e klasifikashon ta bai e aña aki. 6 ekipo lo klasifiká den kada divishon. E dosnan ku ta na kabes di nan divishon ku mihó rèkòrt sigí pa e 4 Wild Card nan. E dos ekiponan ku sali mihó den nan divishon ta bai play-off di divishon dirèkt, pero number 3 kompará ku e dos otro lidernan lo bai hunga Wild Card. Fanátikonan naturalmente ta pendiente i ansioso den e último simannan aki di buelta regular. Ekiponan Atlanta Braves den Liga Nashonal (96 wega ganá), Los Angeles Dodgers (90 wega ganá), den Liga Americana Baltimore (93 wega ganá) i Houston (84 wegá ganá) tabata parse kómodo i ku lo bai e serinan di divishon Liga Americana. Tur dos ekipo (Baltimore i Houston) no a bai bon e último dianan ku a pasa, miéntras nan rival serkano si a gana. Tampa ta 7-3 den nan último 10 weganan i nan ta tras di Baltimore (5-5). Houston ta (5-5) den nan último weganan i Texas (6-4). Tene kuenta ku e aña aki ta e promé dos ekiponan den nan divishon lo klasifiká pa play-off di divishon i e di 3 ekipo ganadó di divishon apesar ku nan ta na kabes di nan divishon lo bai hunga Wild Card. Tin tur indikashon ku e ganadónan di e divishon sentral lo bai hunga Wild Card.
* * * * *
Si awe lo tabata e último dia di kampionato regular, ekipo Tampa Bay lo a topa Toronto i Minnesota lo a topa Seattle den un seri di Wild Card mihó di 3. Siman pasá tabata Toronto kontra Tampa Bay i awor ela bira Seattle.E otro lo tabata Minnesota vs Seattle/Texas. E race pa Wild Card tambe ta tenas. Pa loke ta trata Liga Nashonal, ekipo Diamond Backs lo topa ku Philadlphia i Milwaukke lo a topa ku Chicago. Kasi tur dia Wild card ta kambia e siman aki. Tene kuenta ku Twins i Milwaukee ta na kabes den nan divishon, pero mester hunga Wild Card tòg teniendo kuenta ku e regla nobo di klasifikashon den MLB di 2023. E ekiponan ku lo pasa dirèkt pa e seri di divishon mihó di 5 ta esnan ariba menshoná. Braves, Dodgers, Orioles i Houston te ainda. Braves i Dodgers ta hunga seri di divishon sigur. Interesante e play-off di MLB den 2023. Otro siman atrobe nos lo tin un up date.
* * * * *
Ban pa Sòftbòl Slowpitch i Beisbòl Veterano. Den Liga 50 ekipo Ban Serio a dal Catpower durísimo i parse ku Catpower a baha bai laga wega. Nos no tin ofishal loke a pasa, pero game changer ta mustra ku e wega a kaba 16-0 den di dos inning. Willy van Thijs a dal homerun di 3 kareda pa center i di einan no tin nada mas registrá. Den otro wega Marlins mester a lucha pa gana Artemisia 6-2. Jaws a laga Flamboyan den tereno ganando 12 -10. Ku e wega empatá den último chèns, Xaviero Avasita e dal homerun pa left pa terminá e partido. Pitufos a gana Lions ku skor di 17-16. Den Tie Break Rule Norwin Moesquit a dal hit pa center pa Pitufos laga Lions den tereno. Den Liga 50 ta konosí kaba kua ta e kuater ekiponan ku ta klasifiká. Baranka, Ban Serio, Jaws i Marlins. Play-off ta poné pa start dia 7 di òktober na Van Engelen Ballpark.
* * * * *
Den Beisbòl Veterano Quality a keda invikto i nan a gana di Santa Maria ku skor di 7-5. Santa Maria komo ekipo di kas tabata tin chèns di laga Quality Stars den tereno, pero a keda kòrtiku. Quality tabata dilanti den henter e partido. Den e otro weganan Otrabanda a gana Marlins 8-3 den 40 djasabra, pero a pèrdè pa defolt djadumingu kontra Jandoret den Liga 50. Vosama a gana Jandoret 3-2 (40+). Djadumingu Santa Rosa a zona The Brothers 24-3, Yesterday a dal Marchena 12-0 i Isla a bati Azucar 17-0. Den Liga 60 Pitufos a gana Jaws 5 - 0, Nos Power a gana Lions 9 pa 8 i Sluggers a dal Los Amigos 5-1. Te mas den siman ku Poder di Dios.
