KOMUNIKADO PA PRENSA
KAMPIONATO FEMENINO TA KONTINUÁ, DJABIÈRNÈ 4 YÜNI 2021 KUMINSANDO FOR DI MITAR DI 7 NA TERENO DI WILLEMSTAD!
Despues di temporada di ‘lockdown’, Kampionato Femenino 7 vs7 ta kontinuá mañan djabièrnè 4 di yüni na tereno di Willemstad kuminsando for di mitar di 7 di anochi ku 4 partido.
Kampionato Femenino (7vs7) e aña aki ta konta ku un total di 8 ekipo femenino repartí den kategoria U-15, U-17 i Senior.
E 8 ekipoinan ku ta partisipá ta lo siguiente;
1. Undeba
2. Vesta
3. Hubentut Fortuna
4. Inter Willemstad
5. Subt
6. Jong Colombia
7. Jong Holland
8. Excellence School
E ekiponan aki ta enfrentá otro tur djabièrnè na tereno Willemstad kuminsando for di mitar di 7 pa alrededor di 10’or di anochi. Tur e partidonan aki lo tuma lugá ku presensia di públiko (50% di e kapasidat) manera Gobièrnu di Kòrsou a stipulá pero FFK ta pidi tur hende pa sigui tene kuenta ku tur medida en konekshon ku Covid-19, manera mantené distansia sosial, hasi uso di un tapa boka i laba man òf usa ‘hand sanitizer’ regular.
Entrante mañan, tur djabièrnè for di mitar di 7 di anochi nos damanan lo mira akshon i mustra pueblo di Kòrsou kompletu kiko tur nan tin aden!
.jpg)
