Kopa ABC&S di e hóbennan a start djarason na Van Engelen Ballpark
WILLEMSTAD - Kopa ABC&S ta start djarason anochi 8’or na Van Engelen Ballpark. Ekiponan di ku ta partisipá na e Torneo ABC&S ta na Kòrsou. Riba e prome fecha Den Pul A Swift a gana Thunders 23-0 i Happy Brothers a derotá Terremoto Giants 8-7. Den Pul B, Cicoza a dal Controllers 23-0 i Redskins a gana Super Stars 7-6. 12 ekipo lo kompetí pa e título máksimo. Ekipo Cicoza lo bai bai defendé su título, miéntras Swift super kampion e último 10 añanan lo bai pa defendé nan titulo. Ekiponan a keda repartí den dos Pul. Den Pul A tin Swift, Terremoto, Happy Brothers, Sint Maarten Sluggers, Thunders i Sluggers Connection, Den Pul B tin Cicoza, Redskins, Controllers, Super Stars, The Chrushers i The Dreamers .
Marlins i Ban Serio ta move pa Sint Maarten pa kompetí den Kopa ABC&S 50+
WILLEMSTAD- Ekiponan Marlins i Ban Serio lo move pa Sint Maarten pa wikènt benidero pa partisipá den Kopa ABC&S 50+. Marlins ta forma parti pa basta aña di Kopa ABC 50+ miéntras Ban Serio a djòin e torneo algun aña pasá eksitosamente i logra vários título. Ban Serio ta kampion 2017, 2018, 2019, 2023 i 2024. 2022 tabata e ekipo Baranka ku a bira kampion na momentu ku Marlins a organisá e último Kopa ABC&S 50+na Kòrsou. Ban Serio a bira kampion na Boneiru 2023 i después na Aruba 2024. E torneo ta di 28 di mei pa 1 di yüni i lo tuma lugá den Erwin ‘Baco’ Richardson Little League Stadium na Philipsburg. Ekiponan ku ta partisipá den e torneo ta Marlins i Ban Serio di Kòrsou, Astros di Aruba, Dragons di Boneiru. Sint Maarten tin 3 ekipo Tigers Vets, Lions i Jackspaniers. Di Sint Eustatius lo tin e ekipo Invaders. Skema ta kla i djabièrnè awor nos tin mas detaye i resultadonan.
Nos Tambe Por ta dal Los Amigos i Lions ta derotá Jaws den 60+.
WILLEMSTAD- Nos Tambe Por ku picheo di Wim Felicia i bateo oportuno ta gana Los Amigos ku skor di 6-2 djadumingu den Frank Curiel Ballpark. Den e otro wega kandela ekipo Lions den nan unifòrm nobo a gana di Jaws ku skor di 7-2. Den oranan di mainta djadumigu ekipo Nos Power a gana di Curacao Super Stars ku skor di 6-2. Djadumingu awor no tin wega debí na Torneonan ABC&S na Kòrsou i na Sint Maarten.
Standing Nos Tambe Por 2-0, Lions 1-0, Nos Power 1-0, Los Amigos 1-1, Jaws 1-1, Pitufos 0-1, Mon Repos Sluggers 0-1 i Curacao Super Stars 0-2.
Nos Tambe Por 6, Los Amigos 2
Nos Tambe Por a dal 8 hit hasi 1 eror. Wim Felicia tabata e picher ganadó. Emile Haswell a bati di 2-2. Pursy Schoop di 1-1. Los Amigos a konektá i hasi 3 eror. Gilbert Henrietta tabata e picher perdèdó i Richard Coffie a bati di 2-2. Marlon Winklaar di 3-2.
Lions 7, Jaws 2
Lions a dal 6 hit a kometé 1 eror. Gregory Martijn tabata e picher ganadó. Herbert Lucas, Ronchel Daal i Gurtney Adriana a bati di 1-1. Herbert Lucas a dal un homerun.
Jaws a dal 7 hit i nan a hasi 2 eror. Junny Pieter tabata e picher pèrdèdó i Rudsel Poulina a bati di 3-2.
Nos Power 6, Curacao Super Stars 2
Nos Power a bati 9 hit kometé 3 eror. Richard Albertsz tabata e picher ganadó i Ericson Liberia a bati di 2-2. Earl Virginia i Raymond Bakboord a bati di 3-2. Curacao Super Stars a dal 5 hit i hasi 2 eror. Glenn Pieternella tabata e picher pèrdèdó. Nelson Marks a bati di 3-3.
MAS INFORMASHON DI SÒFTBÒL
Fanátikonan di Deporte Kòrsou bondia. Awe ta dia di Ascencion i ta dia liber. Ayera a start ku Kopa ABC&S na Kòrsou ku partisipashon di e grandinan di ABC. Ta trata di un torneo di hopi nòmber ku a start na 1984 na Kòrsou ku partisipashon di ekipo di Aruba Astros i Terremoto. Tabata Chai Curie di Terremoto, Ronny Gomez di Astros a start ku un torneo manera Kopa Antiano. Segun nos ta na 2003 òf ta 2006 Sint Maarten a djòin e Kopa ABC i e tempu ei a bira ABC&S i na algun okashon e torneo a tuma lugá na Sint Maarten. En todo kaso e torneo ta start awenochi ku 4 wega, dos riba tereno A i 2 riba tereno B. Djaweps dia di Ascencion tin 10 wega, 5 riba tereno A i 5 riba tereno B. Djabièrnè weganan ta start for di 12’or di mèrdia.
* * * * *
Djasabra tambe tin 10 wega, pero ta start for di 10’or di mainta. 12 ekipo di Aruba, Boneiru, Kòrsou i Sint Maarten lo kompetí. Ekiponan a keda repartí den dos Pul. Den Pul A tin Swift, Terremoto, Happy Brothers, Sint Maarten Sluggers, Thunders i Sluggers Connection. Den Pul B tin Cicoza, Redskins, Controllers, Super Stars, The Chrushers i The Dreamers. Tur ekipo lo hunga 5 wega den nan pul i e promé 8 nan saká for di tur dos pul lo klasifiká pa djasabra anochi. Djadumingu mainta pa 10.30’or tin e promé wega di semi-final, 12.30’or lo tin e di dos wega di semi-final. E gran final entre e ganadónan di mainta lo ta djadumingu 3.30’or pm.
* * * * *
Reminder ku e wikènt aki no tin Liga 50 i Liga 60. Ekiponan Marlins i Ban Serio lo move pa Sint Maarten. Marlins lo bai djarason, miéntras Ban Serio lo move djabièrnè i lo yega hunga double header mesun dia. Marlins lo tei bèk na Kòrsou dia 4 di mei i Ban Serio lo tei 5 di mei . By the way, ekipo Pitufos a move djamars pa Puerto Rico. Nan lo partisipá na e Golden Athlete Championship Series. Na 2022 e kompetensia ei a start na Aruba, na 2023 tabata na República Dominicana (Punta Cana) i na 2024 na Kòrsou organisá pa Pitufos. Pitufos a bira kampion di 50+ na Kòrsou i Los Prados di República Dominicana a bira kampion den 60+. Na 2023 ekipo Jaws (Petro Amigos) a bira kampion den 50. Na 2023 Baranka i Pitufos tambe a partisipá den e kategoria 50+ na Punta Cana.
* * * * *
Ekipo Lions a parti unifòrm siman pasá i a pasa fásil ku skor di 7 pa 2 riba ekipo Jaws ku ta supkampion di temporada 2024. Lions a sali na di 3 lugá den 2024. Lions a bisa kaba ku nan ta hunga final den 2025 i nan tin vários atkisishon nobo, entre otro Fransje Lambertina, Gurtney Adriana i Momon Martina. Huntu ku grandinan manera Herbert Lucas, Pitufo Lourens, Sherwin Floranus, Ernesto Priest, Lucho de Wind, Ronchel Daal, Gensley Balborda, Marlon Luiza ets. E entrega di unifòrm a tuma lugá na sede di Lions ta ku ta na kas di Cliff de Hartog na Jongbloed.
* * * * *
Nos a risibí e skema pa loke ta trata e Kopa ABC&S 50+ na Sint Maarten. Ekipo Marlins lo hunga djaweps 3.00’or pm kontra di Invaders i djabièrnè 1.15’or pm kontra di Dragons. Ban Serio lo hunga double header djabièrnè manera nos a menshoná ariba, esta 3’or kontra di Jackspanias i despues kontra di Lions. Lo tin algun wega di femenino tambe durante kompetensia ABC&S 50+ na Sint Maarten. Pa 2026 e Kopa ABC&S 50+ lo tuma lugá na Kòrsou. Ekiponan Marlins i Ban Serio ya ta den i Marlins lo invitá un ekipo mas pa drenta e kompetensia, pero naturalmente e ekipo mester sigi move pa Sint Maarten, Boneiru i Aruba pa e kompetensianan tur aña.
* * * * *
Den e proksimo edishon nos lo tin resultadonan di ABC&S na Kòrsou i na Sint Maarten. Nos lo trata di haña resultado di partisipashon di ekipo Pitufos na Puerto Rico tambe. Segun nos Pitufos lo kompetí den 50+ i 60+ na Puerto Rico den e Golden Athlete Championship Series. Djabièrnè tin dos wega desisivo di play-off Diamond All Stars League entre Treasure, Rising Phoenix, Nos Goso i The Fighters. Nos ta keda te aki pa awe i te djabièrnè ku Poder di Dios.
