Balashi i SDKK kampion Torneo SKAK i kandela den Beisbòl Veterano e wikènt aki

Balashi i SDKK kampion Torneo SKAK i kandela den Beisbòl Veterano e wikènt aki

WILLEMSTAD – Balashi di Aruba a bira kampion den kategoría komersial, SDKK a  bira kampion 40+ di e torneo SKAK (Sòftbòl Komersial Aruba i Kórsou) ku a tuma lugá wikènt 28 pa 30 di yüli na Van Engelen Ballpark. Bon públiko for di djaweps te ku djadumingu na Van Engelen Ballpark pa mira e wega-,  hungadó-, i dirigentenan di ekiponan di nos islanan ruman ku a gosa un bòl. Despues di e finalnan tabatin entrega di premio di ekipo i individual.

‍

SOSHAL
Kampion: Balashi Brouwerij di Aruba.
Supkampion: Quick -60;
Di tres lugá EWT/Mc Donalds/Centrum;
MVP wega final Ray-Giorgio Bernabela;
Kampion picher Jourmaine Josepha di Corendon 2 ganá 0 pèrdí.
Kampion bate Marc-Anthony Gijsbertha 7-7 i kampion honronero ku 3 homerun di Quick-60.

‍

Kategoria 40+
Kampion: SDKK/ACU/Rampa Transport;
Subkampion: Flow/Selikor/The New Prosperity;
Di tres lugá: CRU.

Kampion bate Dudley Gosepa di SDKK/ACU/Rampa Transport ;
Kampion picher ta Soerka di SDKK/ACU/Rampa Transport;
Lider di Homerun: Ramsey Koeyers di KPC.

Teksto pa pòtrèt:
Kampion Balashi Brouwerij di Aruba;
Supkampion Quick -60;
Di tres lugá: EWT/Mc Donalds/Centrum;
MVP wega final: Ray-Giorgio Bernabela;
Kampion picher Jourmaine Josepha di Corendon 2 ganá 0 pèrdí;
Kampion bate Marc-Anthony Gijsberta 7-7 i kampion honronero ku 3 homerun di Quick-60.

Kampion 40+ SDKK/ACU/Rampa transport. Komisario Ellis ta entregá trofeo;
Supkampion: Flow/Selikor/The New Prosperity;
Ramsey Koeyers di Kuerpo Polisial Kòrsou ta risibí trofeo komo lider di homerun.

Quality Stars vs Santa Rosa i Santa Maria kontra Isla den Beisbòl Veterano e wikènt aki

WILLEMSTAD- Beisbòl Veterano ta sigi kayente e wikènt aki na Vi Jansen Ballpark. Djasabra, 5 di ougùstùs ta Quality Stars vs Santa Rosa i djadumingu ta Santa Maria  kontra Isla Crackers. Ta trata di e 4 ekiponan ku ta ariba pa loke ta e standing den Beisbòl Veterano. Skèdjel kompletu e wikènt aki ta djasara 5 di ougùstùs 10.30 Quality Stars – Santa Rosa, 13.00 Jandoret Raiders – Marchena Stars, 15.30 Azucar – Marlins. Djadumingu 6 di ougùstùs 10.30 Santa Maria – Isla, 13.00 Yesterday – Otrabanda i 15.30 Vosama – The Brothers. Standing: Quality Stars 9-0, Isla Crackers 8-1,  Santa Maria Pirates 8-1, Santa Rosa Memories 7-2, Jandoret Raiders 6-3, The Brothers 4-5, Azucar 3-6, Vosama 3-6, Marlins 2-7,Otrabanda 1-8 i Marchena Stars 0-9.  Resultadonan wikènt pasá ta Isla Crackers 12, Otrabanda 2; Santa Rosa 8, Vosama 1; The Brothers 5, Yesterday 2; Azucar 7, Jandoret 6; Quality Stars 9, Marlins 0; Santa Maria Pirates 6, Marchena Stars 5.

‍

MAS INFORMASHON DI SÒFTBÒI BEISBÒL

Fanátikonan di Deporte Kòrsou, bon dia i felis wikènt. Djabièrnè tabata e gran dia kaminda nos selekshon Senior a gana Latino America (Meksiko) i klasifika pa final. Nos ekipo ta bon prepará i bon sosegá pa e wega final ku lo start 4’or di atardi aya na Easley Michigan. Keven Rosina lo habri atrobe pa Kòrsou. E stail ku nos a risibí liber di e promé fecha ta yudando masha hopi mes i despues di dos viktoria sigí ya nos a yega final. Por ehèmpel Latino America si nan yega final tin 5 wega tras di lomba apesar (4-1). Latino America a gana Asia Pacific 4-1, dia 29 di yüli. Despues nan a pèrdè kontra di Australia dia 30 di yüli i einan a kaminda a bira largu. Nan a hunga atrobe  dia 31 di yüli i gana Canada 5-1 i djarason dia 2 di yüli nan a gana di Hulanda (Europe/Africa) 2-0 i djaweps a gana Australia i pèrdè kontra Kòrsou riba mesun fecha.

‍

‍
* * * * *
E ekipo Pabou Senior ta den un racha formal pa loke ta trata viktoria. E ekipo aki bou di direkshon di Quincy Virginie komo manager i coachnan Charlie Merite i Erwin Benita a pèrdè nan promé wega ku skor di 5-1 kontra di selekshon di Pariba dia 30 di aprel den play-off di Pariba kontra Pabou. Despues di einan a gana dos wega sigí pa klasifiká komo ekipo  number 1 pa e kampionato di Karibe di Senior League. Den e kampionato di Karibe e ekipo Senior a gana tur wega di e buelta regular ku tabata 5 wega pa despues gana e dos weganan di play-off pa yega 7 ganá sigí i bira kampion di Karibe. Den e Mundial nos tin 3 wega ganá sigí i ta den final Mundial.

‍
* * * * *
Siman pasá nos a rekordá selekshonnan Senior di 2002 i selekshon Little di 2004 ku a bira kampion di Mundu. Nos a keda di rekordá e otro selekshonnan ku a bira kampion ku ta selekshon Junior di 2008 i selekshon Senior di 2018. Selekshonnan di 2002, 2004 i 2008 ta di Pabou i selekshon di 2018 ta di Pariba. Nos tin 3 selekshon den Mundial e aña aki, Little, Junior i Senior. Ta di 3 biaha ku selekshon Junior ta representá nos na Mundial, miéntras selekshonnan Little lo bai pa di 14 biaha i Senior tambe a bai na hopi okashon i tin dos tííulo Mundial.

‍
* * * * *

‍
Ban bèk 2008 ku selekshon Junior a bira kampion na Talyor, Michigan. Kòrsou a gana e ekipo di Hawaii (Hilo Little League) ku skor di 5-2 den final terminando e kampionato Mundial invikto ku 6 ganá i 0 pèrdí. Na yegada  tabatin  un resepshon  total  pa nos muchanan. Huntu ku e selekshon Senior  ku  a  bira  supkamion  na  Bangor, Maine, tabatin selebrashon na Frank Curiel Ballpark.
* * * * *
Numeritonan tabata Kòrsou 5, Hawaii 2. Kòrsou a dal 4 hit i hasi 3 eror. Alexander Rodriguez a gana ku relevo di Ezequiel Garcia. Sherman La Cruz a bati di 2-2 ku un homerun. Alexander Rodriguez tambe tabatin un homerun. Hawaii  a  dal  5  hit  i  hasi  3  eror.  Hungadónan tabata Alexander Rodriguez, Johnnymar Juliana, Phildrick Llewellyn, Sherman Lacrus, Ezequiel Garcia, Shurwenley Estanista, Mirangelo Muller, Darren Seferina, Den-je-Rick Virginie, Raychelon Carolina, Jonathan Martijn, Vincent Antonia, Shurensley Daantj i Kirving Moesquit. Manager tabasta Johannes ‘Didi’ Gregorius i coachnan Norwin Moesquit i Rodney Carolina.  Hefe di delegashon tabata Michelin Heyliger.

‍
* * * * *
Selekshon Pariba Senior a gana den semi-final (final internashonal) pa despues gana East (USA) pa bira kampion di Mundu. Kòrsou representando Karibe a gana Italia den representashon di Europa/Afrika ku skor di 9 pa 5 riba un djasabra 4 di ougùstùs mainta. Nos ekipo mester a hunga double header, debí ku weganan anterior a keda suspendé pa motibu di awaseru.  Finalmente anochi 8’or nos a gana di selekshon East 7 pa 2 pa bira kampion di Mundu den Senior League. Hungadónan ku a destaká tabata Shane Quant, ku tabata grandi mes bayendo di 4-2 den e último wega i a kaba ku un averahe di .533.  Shane a picha super tambe i terminá ku un ERA di 0.00. E hungadónan di e selekshon tabata  Donovan Antonia, Jean Paul Brache Benitez, Ray Jackson Chirino,  Elchero Francisca, Faysal Gregorio, Edmond Jops, Rajeev Klaber, Jean Martis, Cliyano Nahr, Shane Quant, Beyonce Paulina, Lutson Pieters, Yevganni Reinita, Riquendely Sophia, Rowenley Windster i Jamal Zalm. Manager di e selekshon tabata Gionelo Jansen, ku coachnan Raysheron Michel i Stanley Rimon. Sr. Urvin Faneijte tabata hefe di delegashon asistí pa Ernst Meyer.

‍

‍

‍