Kòrsou ta gana Meksiko i ta hunga djasabra mainta 10.30 kontra Panama den Serie del Caribe
CARACA- Kòrsou ku tremendo demonstrashon di Beisbòl a gana nan promé wega den Serie Del Caribe djabièrnè 3 di febrüari den Estadio La Rinconada na Caracas. E wega a terminá ku skor di 2 pa 1. E refuerso picher Nestor Molina a tira tremendo i risibí relevo di Kevin Kelly 0.2 inning, Edgar Garcia 1.2 ining i Wendell Floranus a sera e partido tirando 1 inning kompletu ku dos ponche. Roger Bernadina a bati di 4-3, Coco Balentien di 4-2, Andrelton Simmons di 4-2. Wecho Schoop di 1-3. Kòrsou a bati di 11 hit i hasi 2 eror. Meksiko a konektá solamente 4 hit i a hunga sin kometé eror. Djasabra 4 di febrüari pa 10.30 ’or di mainta Kòrsou lo topa ku Panama. Te ku djabièrnè 3 di febrüari tur ekipo tabata empatá ku rekòrt di 1-1. Nos tin skèdjel kompletu i mas potrèt di e wega.
Djasabra dia 4 e wega ta 10.30’or den Stadion La Rinconada kontra di Panama. Ta sigi djadumingu 1’or pm kontra di Colombia. Djaluna 3’or ta enfrentá Puerto Rico, djamars pa 7.30’or kontra di Venezuela. E último wega di Kòrsou pa loke ta trata e buelta regular lo ta djarason 2’or pm kontra di República Dominicana.
