Kòrsou ta goliá British Virgin Islands i bai na promé lugá den pul
GUATEMALA CITY- Kòrsou a goliá British Virgin Islands fásil 8-0 i lo topa ku Guatemala djamars awor na Kòrsou. E wega a tuma luga djasabra 5 di yüni, 3or pm ora di Guatemala (5or pm ora di Kòrsou). Tantu Kòrsou komo Guatemala tin 9 punto i e ganadó di e pul aki lo sigi pa e sigiente buelta. Kòrsou tin 15 gol na fabor i 1 kontra. Guatemala tin 14 gol na fabor i 0 kontra. E wega tabata hopi fásil pa Kòrsou i tur otro ekipo den e pul aki a goliá British Virgin Islands. Golnan a keda anotá pa Brandley Kuwas (7 minüt), Leandro Bacuna (9 minüt), Michael Maria (9 i 27 minüt), Charlison Benschop (18 i 22 minüt), Kenji Gorré (57 i 90 minüt). Ku un empate djamars awor, Kòrsou lo klasifiká pa e sigiente buelta. Nos ta topa djamars awor den Stadion Ergilio Hato.
