Kòrsou ta pèrdè 2-1 vs Panama i Nos Tambe Por ta sigi gana den Liga 60

Kòrsou ta pèrdè 2-1 vs Panama i Nos Tambe Por ta sigi gana den Liga 60

WILEMSTAD- Dilanti un publiko chikitu, Kòrsou ta kai vensí ku skor di 2-1 kontra Panama den Concacaf Nations League ku golnan di Edgar Joel Barcenas (29 minut) i Joel Luis Rodriguez (77 minut) i Reangelo Janga (90+) pa Kòrsou. Selekshon di Kòrsou ta basta mal pará ku hopi chèns di degradá bai Liga B debí ku e último dos ekiponan lo degradá bai B. Tin e grupo aki tin Panama, Trinidad, Salvador, Guatemala, Martinique i Kòrsou.

‍

‍

Nos Tambe Por ta sigi gana den Liga 60

WILLEMSTAD- Sòftbòl 60+ a sigi djadumingu i djamars den Frank Curiel Ballpark.  Ekiponan den klasifikashon manera Nos Tambe Por, Pitufos i Jaws a gana den e dos dianan ku a pasa. Djamars ku tabata dia di fiesta tabatin dos wega di Liga 60+.  Resultadonan di Liga 60 tabata lo sigiente. Pitufos a gana Los Amigos 13-4, Jaws a nòkout Curacao Super Stars 15-0, Nos Tambe Por a dal Lions 8-0 riba djadumingu. Djamars Pitufos a gana Sluggers 7 pa 2 i Los Amigos a gana Nos Power 6-5.

RESULTADONAN
Djadumingu 8 di òktober
Pitufos 13, Los Amigos 4
Pitufos a dal 18 hit i kometé 2 eror. Juan Cicilia a gana i e mes a bati di 2-1. Sidney di Windt a bai di 4-2 i Randell Constancia di 3-3. Cedric Curiel, Francis Petroniela ku Luis Coffie, tur a bai di 4-3. Luis Coffie a koinektá 1 homerun grand slam. Pa Los Amigos 8 hit i 1 eror. Norman Provence a pèrdè. Sendly Reina a bai di 2-2, Antonio Keller di 3-2 i Marlon Winklaar di 3-3.

Jaws 15, Curacao Super Stars 0
Jaws tabatin 15 hit i nan a hunga sin eror. Riley Toppenberg tabata ganadó. Johannes Curie, Marlon Römer, Simeon Curie, Raimy Pastor i Elvin Regina, tur a bai di 1-1. Remick Bernadina ku Rudsel Esclodina, ámbos a bai di 2-1 i Wimbert Hato di 2-2. Marvin Wijman a bai di 3-2 i Giovanny Toppenberg di 3-3.  Curacao Super Stars a dal 4 hit i hasi 3 eror. Jin Kuang Li a resultá pèrdèdó. Jin Kuang Li, Urvin Rijnschot ku Kenneth Casper, tur a bai di 1-1. Nelson Marks a bai di 2-1.

Nos Tambe Por 8, Lions 0
Nos Tambe Por a dal 9 hit i kometé 1 eror. Richinel Rafaela a gana i Jurgen Lichtenberg a bai di 1-1.  Rudsel Baromeo ku Richenel Rafaela a bai di 2-1, Jeromin William di 2-2 i Winston Kirindongo a bai di 3-3.  Lions tabatin 5 hit ku 3 eror. Gregory Martijn a pèrdè. Robert Trinidad i Manuel Valdez, ámbos a bai di 1-1. Marlon Louisa a bai di 2-1 i Herbert Lucas di 2-2.  

Djamars 10 di òktober
Pitufos 7, Sluggers 2
Pitufos tabatin 10 hit i nan a kometé 3 eror. Lesley Martina a gana. Richinel Juliana i Rubio Kook, ámbos di 2-1. Felip Osepa, Cedric Curiel ku Luis Coffie, tur a bai di 3-2.  Sluggers a dal 7 hit i hasi 5 eror. Eldred Bakker a pèrdè. James Jackson, Otmar Alexander, Sherwin Meyer ku Wendel Isidora, tur di 2-1 i Raymond Lieuw a bai di 2-2.

Los Amigos 6, Nos Power 5
Los Amigos a dal 5 hit i kometé 3 eror. Hubert Gomez tabata ganadó. Elson Louisa ku Donald Balentina a bai di 2-1. Sendly Reina a bai di 3-2. Nos Power tabatin 6 hit ku 4 eror. Nelson Candelaria a resultá pèrdèdó. Wendell v/h Kruys i Lionel Rosa a bai di 2-1. Richel Baromeo ku Earl Virginia a bai di 3-2.  

MAS INFORMASHON DI SÒFTBÒL I BEISBÒL

Fanátikonan di Deporte Kòrsou, bontardi. Nos tei despues di un siman ku un dia liber mei mei (djamars)  Djaluna anochi nos a topa basta pelotero i deportista na Wilhelminaplein durante e konsierto ku tabatin presentashon di entre otro Ephrem J. i Oscar D’Leon.  Riba Dia Kòrsou Outónomo den Reino tabatin aktividat na hopi sitio na Kòrsou. Liga 60 a sigi ku 2 wega na Frank Curiel Ballpark.  Den e promé wega ekipo Pitufos a gana Sluggers fásil ku skor di 7 pa 2.  Lesley ‘Le’ Martina tabata e picher ganadó pa ekipo Pitufos. Den e otro wega ekipo Los Amigos a nota 3 kareda den nan último chèns pa bòltu un skor di 5-3 pa e wega finalisá 6 pa 5. Nos Power a bai 1, 2, 3 den nan último chèns pa keda kòrtiku.

* * * * *

Djadumingu nos tabata na Van Engelen Ballpark pa mira e weganan di Liga 50. Ekipo Baranka a mustra fuertisimo i a gana Marlins pa nòkout. Ban Serio mester a lucha formal pa gana di Jaws ku tabata ganá te den e último inning i a faya pa saka dòbel plei. Ban Serio a probechá pa nota 3 kareda pa despues saka sero den Jaws su último chèns na bate. Djaluna nos tabatin e numeritonan i algun detaye. Playoff ta sigi djasabra awor na Van Engelen Ballpark ku wega entre Ban Serio i Jaws pa 10’or i despues pa 12’or ta ekipo Baranka kontra Marlins. No ta konosí si final lo hunga riba djasabra so, òf djasabra i djadumingu. Si bini empate den e serinan djasabra 14 di òktober lo hunga wega desisivo djadumingu 15 di òktober.

‍

* * * * *

Tabatin playoff di Liga van Engelen djadumingu. Remarkabel e interes abou pa e hóbennan hunga Slowpitch kompará ku ántes. Ekiponan Clase Aparte i Jaws tabatin nèt nèt 9 hungadó na momentu ku e wega mester a kuminsá. Mester wak un manera pa lanta e interes entre e hungadónan hóben di Liga van Engelen. Segun nos e hungadónan ta gusta e weganan komersial mas tantu ku e modified ku un tempu tabata kandela na vários parke rònt Kórsou. Tabatin Liga van Engelen, Liga Trai Seru, Liga Un I Tur, Liga Amistad ku tabata drei pareu, huntu ku e Beisbòl Veterano di djasabra i djadumingu. Parse ku Liganan 50 i 60 ta hala masha hopi fanátiko i ta e mesun hungadónan ku ántes tabata den e liganan ariba menshoná.

* * * * *

Nos a risibí e sifranan di Beisbòl Veterano ku ta sigi kayente na Vi Jansen Ballpark.  Curby Brunken di Santa Rosa, Bertrand Peters (Santa Maria) i Roderick Eustatius (Isla Crackers) ta lider pa loke ta trata homerun.  Den bateo Julius Veeris di Isla Crackers ta lider ku .581, sigí pa Reginald Pieters (Santa Rosa) .491, Curby Brunken (Santa Rosa) .478, Zhurendell Ilaria (Yesterday) .465, Myron Wijman (Jandoret Raiders) .463. Den RBI ta Curby Brunken 23, Rydell Isabella (Quality Stars ) 18, David Kirindongo (Santa Maria) 17, Myron Wijman (Jandoret) 15 i Julius Veeris 14.  Standing ta Quality Stars 19-0, Isla Crackers 15-4, Santa Rosa Memories 15-4, Santa Maria Pirates 14-5, Jandoret Raiders 10-9, The Brothers 9-10, Yesterday 8-10, Vosama 7-11, Azucar 6-12, Marlins 5-14, Otrabanda Veterano 4-15, Marchena Stars 0-18.

* * * * *

Wikènt benidero tin algun wega krusial, entre otro Jandoret vs The Brothers ku ta luchando pa puestonan 5 i 6, Yesterday vs Quality Stars i Azucar kontra Vosama. By the way, na Aruba ekipo Spuiters a bolbe bira kampion di Beisbòl 40+, Baseball Classico aya na Aruba. Hungadónan di Beisbòl Veterano i Slowpitch na Aruba ta sigi e desaroyonan na Kòrsou kasi tur dia. Pa novèmber lo tin basta moveshon na Aruba den Beisbòl Veterano riba nivel di Dutch Caribbean i Hulanda.   Ekipo Attack di Hulanda lo ta na Aruba pa e Torneo di Reino di 3 Veterano. No ta sigur ku e ekipo Legends lo ta na Aruba òf ku nan lo bini Kòrsou. Parse ku Santa Rosa Memories tin un torneo di Beisbòl Veterano entre Aruba, Kórsou i Hulanda den luna di novèmber. Keda pendiente pa mas informashon.

‍
* * * * *

Ban rápido pa Beisbòl di Grandes Liga ku ta den playoff. Djadumingu ta start ku playoff di MLB, American League Division Series i djaluna tin wega tantu den Mricano League komo National League. Manera ta konosi den Americano League ekipo Texas lo topa ku Houston i den Nashonal ekipo Arizona Diamondbacks lo dal den Philadelphia.  Weganan ta djadumingu ta Texas vs Houston 8.15 pm na Houston. Djaluna ta Texas vs Houston 4.37 pm i Arizona vs Philadelphia 8.07 pm, djamars 8.07 ta Arizona vs Philadelphia.

‍

‍